વલસાડ: હવામાન વિભાગ દ્વારા આગામી 36 કલાકમાં દક્ષિણ ગુજરાતમાં ભારે વરસાદની આગાહી કરવામાં આવી છે. ત્યારે વલસાડ જિલ્લામાં પણ સાર્વત્રિક વરસાદ નોંધાયો છે. જિલ્લામાં વાપી, ઉમરગામ અને ધરમપુરમાં 4 ઈંચથી વધુ વરસાદ નોંધાયો છે. જ્યારે જિલ્લાની જીવાદોરી સમાન મધુબન ડેમના ઉપરવાસમાં પડેલા સારા વરસાદના કારણે ડેમની જળસપાટીમાં વધારો થઈ રહ્યો છે. ડેમમાં હાલ 45 હજાર 133 ક્યુસેક પાણીની આવક થઈ રહી છે. જેના કારણે ડેમની જળ સપાટી 78.63 મીટરે પહોંચી છે. જેના કારણે ડેમના 10 દરવાજા 1.70 મીટર સુધી ખોલવામાં આવ્યા છે.
24 કલાકમાં દક્ષિણ ગુજરાતમાં ધોધમાર વરસાદ ખાબક્યો છે. તો ઉપરવાસમાં ભારે વરસાદને લઈને મધુબન ડેમમા 45 હજાર 133 ક્યુસેક આવક થઈ રહી છે. જેથી ડેમમા જળ સપાટી 78.63 મીટર પર પહોંચતા ડેમમાંથી પાણી છોડવામા આવી રહ્યુ છે. મધુબન ડેમના 10 દરવાજાઓ 1.70 મીટર ખોલીને ડેમમાથી પાણી છોડવામાં આવી રહ્યું છે. આથી દમણ ગંગા નદી કિનારે આવેલા તમામ 13 ગામો ના લોકોને સાવચેત કરવામા આવ્યા છે.
