પટણા / VIDEO : રેલવે સ્ટેશન પાસેની હોટલમાં ભીષણ આગથી 6થી વધારે ભડથું, ભારે અફરાતફરી, ક્રેનથી બચાવાયાં

બિહારના પટણા રેલવે સ્ટેશન પાસે આવેલી પાલ હોટલમાં ગુરુવારે ભીષણ આગ લાગી હતી. આ ઘટનામાં છ લોકોના મોત થયા હતા. પાલ હોટલમાં લાગેલી આજુબાજુની હોટલોમાં પણ ફેલાઈ હતી અને ત્યાં પણ બધુ ખાખ કરી નાખ્યું હતું. આગ એટલી ભીષણ હતી કે નીચે પાર્કિંગમાં પડેલી 6 ગાડીઓ પણ સળગીને ખાખ થઈ ગઈ હતી. આગ લાગ્યાંના અડધા કલાકમાં તો આખી બિલ્ડિંગ ધૂમાડાથી ભરાઈ ગઈ હતી. આજુબાજુમાં ઘણી હોટલો આવેલી છે ત્યાં પણ આગ ફેલાતાં ભારે અફરાતફરી મચી હતી. આગના સમયે હોટલમાં ઘણા લોકો હતા તેમને તાબડતોબ બહાર કાઢી લેવામાં આવ્યાં હતા. 

Major fire near Patna junction in a hotel. Praying for people's safety. 🙏
pic.twitter.com/Mn3xhF6QAj

— With Love, Bihar (@withLoveBihar) April 25, 2024

#WATCH | Bihar | A massive fire broke out in a hotel near Golambar in the Kotwali police station area, in Patna. Fire tenders present at the spot. Firefighting operations are underway. https://t.co/rbO2BEldcJ pic.twitter.com/KYGpxH2CiZ

— ANI (@ANI) April 25, 2024

બે કલાકની જહેમત બાદ આગ કાબુમાં, 45 લોકોને બચાવી લેવાયા 
માહિતી મળતા જ ફાયરના અનેક ટેન્ડરો થોડીવારમાં ઘટના સ્થળે પહોંચી ગયા હતા અને આગ બુઝાવવામાં લાગી ગયા હતા. 51 ફાયર ટેન્ડરની મદદથી બે કલાકની મહેનતથી આગ પર કાબુ મેળવ્યો હતો. હોટલ અને નજીકની ઇમારતમાંથી 45 લોકોને બહાર કાઢવામાં આવ્યા હતા. આગને કારણે વિસ્તારમાં અફરાતફરી મચી ગઈ હતી. 

ફસાયેલા લોકોને ક્રેનથી બચાવાયાં 
સ્થાનિક સૂત્રોના જણાવ્યા અનુસાર આગ દિવસે 11 વાગે લાગી હતી. ગેસ સિલિન્ડરમાંથી લાગેલી આગ ખૂબ જ ઝડપથી ફેલાઈ હતી. હોટેલિયર્સે અગ્નિશામકોની મદદથી આગ બુઝાવવાનો પ્રયાસ કર્યો હતો પરંતુ તેમાં સફળતા મળી ન હતી. આગ આખી હોટલમાં ફેલાઈ ગઈ હતી અને નજીકની ઇમારતોને પણ ઘેરી લીધી હતી. પાલ હોટલ ઉપરાંત પંજાબી નવાબી, બલવીર સાઇકલ સ્ટોરમાં પણ આગ લાગી હતી. જાણકારી અનુસાર હોટલ અને નજીકની ઈમારતોમાં આગ લાગવાના કારણે ડઝનેક લોકો ફસાઈ ગયા હતા. તેમને હટાવવા માટે ક્રેનની મદદ લેવામાં આવી હતી. ક્રેન લોકોને ઉપરના માળે ખસેડવામાં સફળ રહી હતી. પટના પોલીસની ટીમે ફાયર બ્રિગેડ સાથે મળીને આગને બુઝાવવા અને તેને બચાવવા માટે સખત મહેનત કરી હતી. પોલીસ અને ફાયર ફાઈટરની ટીમે હોટલ પાલ પાસે આવેલા ઘરો પર ચડીને આગ પર કાબૂ મેળવ્યો હતો.

#WATCH | Bihar: Massive fire breaks out in a hotel near Golambar in Kotwali police station area, in Patna. Fire tenders present at the spot. Firefighting and rescue operations underway. 12 people rescued so far and sent to PMCH. pic.twitter.com/yp9AI3w3aV

— ANI (@ANI) April 25, 2024

Patna Fire pic.twitter.com/hP4qNfyCJ5

— Arijita Sen (@ArijitaSen2) April 25, 2024

🔴 #BREAKING | Bihar: Massive fire breaks out at a hotel near Patna railway station. Several trapped; rescue operations are underway. pic.twitter.com/KK1kdYm8CK

— NDTV (@ndtv) April 25, 2024

કેવી રીતે લાગી આગ
ઘટનાને નજરે જોનાર સ્ટાફના સભ્ય રંજને કહ્યું કે હોટલમાં આગ ગેસ સિલિન્ડરથી લાગી હતી. ચાઉમિંગ અને અન્ય ફાસ્ટ ફૂડ બનાવવા માટે બાટલો બદલવામાં આવ્યો હતો જે લીક થતો હતો ત્યારે તેમાં પહેલાથી સળગી રહેલા ગેસમાં પણ આગ લાગી હતી. તે પછી સ્ટાફે ત્રણ કાર્બન ડાયોક્સાઇડ સિલિન્ડરનો ઉપયોગ કર્યો હતો તેમ છતાં પણ આગ ઓલવાઈ નહોતી. ત્યાર બાદ ત્યાં હાજર લોકો જોરજોરથી અવાજ કરતા દોડી આવ્યા હતા. હોટલમાં 10 થી 12 બાટલા પણ પડ્યાં હતા તેમાં પણ આગ લાગી હતી.