કાર્યવાહી / તમન્ના ભાટિયા મુશ્કેલીમાં! મહારાષ્ટ્ર સાયબર સેલે પાઠવ્યું સમન્સ, મામલો IPL સાથે છે જોડાયેલો

સાઉથથી લઈને બોલિવૂડ સુધી પોતાની એક્ટિંગથી લોકોની વચ્ચે નામ બનાવનાર તમન્ના ભાટિયા મુશ્કેલીમાં ફસાતી નજત આવી રહી છે. વાત એમ છે કે મહારાષ્ટ્ર સાયબર સેલે એક કેસમાં પૂછપરછ માટે અભનેત્રીને સમન્સ પાઠવ્યું છે અને 29 એપ્રિલે મહારાષ્ટ્ર સાયબર સેલના તપાસ અધિકારી સમક્ષ હાજર થવાનું કહેવામાં આવ્યું છે.

Maharashtra Cyber summons actor Tamannaah Bhatia for questioning in connection with the illegal streaming of IPL 2023 on Fairplay App that caused loss of Crores of Rupees to Viacom. She has been asked to appear before Maharashtra Cyber on 29th April.

Actor Sanjay Dutt was also… pic.twitter.com/3Y4TvPHayh

— ANI (@ANI) April 25, 2024

રિપોર્ટ અનુસાર તમન્ના ભાટિયાને ફેરપ્લે એપ પર IPL 2023 ના ગેરકાયદેસર સ્ટ્રીમિંગ મામલામાં પૂછપરછ માટે સમન્સ મોકલવામાં આવ્યું છે.સાયબર પોલીસ તમન્ના પાસેથી જાણવા માંગે છે કે ફેરપ્લેને પ્રમોટ કરવા માટે તેનો સંપર્ક કોણે કર્યો, તેણે આ કેવી રીતે કર્યું અને તેના માટે તેને કેટલા પૈસા અને કયા માધ્યમથી પૈસા મળ્યા હતા.

રિપોર્ટમાં એમ પણ કહેવામાં આવ્યું છે અભિનેતા સંજય દત્તને પણ આ જ કેસમાં 23 એપ્રિલે સમન્સ પાઠવવામાં આવ્યું હતું, પરંતુ સંજયે કહ્યું હતું કે તે મુંબઈમાં નથી અને તે આપેલ તારીખે હાજર થઈ શકશે નહીં.

અહેવાલો અનુસાર, વાયાકોમ દ્વારા મહારાષ્ટ્ર સાયબર સેલમાં IPLના ગેરકાયદે પ્રસારણને લઈને ફરિયાદ દાખલ કરવામાં આવી છે. વાયાકોમે તેની ફરિયાદમાં દાવો કર્યો હતો કે ફેરપ્લેએ ટાટા આઈપીએલ (ઈન્ડિયન પ્રીમિયર લીગ) 2023 ને ગેરકાયદેસર રીતે સ્ક્રીનીંગ કર્યું હતું અને તેના કારણે તેને 100 કરોડ રૂપિયાનું નુકસાન થયું હતું.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો