તમારા કામનું / SIPમાં આ રીતે ઇન્વેસ્ટ કરવાથી તમે પણ બની શકશો કરોડપતિ, એ કઇ રીતે? સમજો ગણિત

કરોડપતિ બનવાનું સપનું મોટાભાગે લોકો જોવે છે અને એવું ઈચ્છે છે કે તે જલ્દીથી જલ્દી કરોડપતિ બની જાય. જોકે તમારી આ ઈચ્છા પુરી થઈ શકે છે જો તમે સિસ્ટમેટિક રીતે પ્લાનિંગ કરો. સિસ્ટમેટિક રીતે રોકાણ કરવાથી તમે જલ્દી કરોડપતિ બની શકો છો. અહીં અમે તમને તે પ્લાનિંગ વિશે જણાવવા જઈ રહ્યા છીએ.

SIP દ્વારા રોકાણ કરી તમે કરોડપતિ બની શકો છો અને 5 કરોડ રૂપિયા સુધીની રકમ જમા કરી શકો છો. SIP દ્વારા તમે દર મહિના એક નિશ્ચિત રકમ મ્યુચ્યુઅલ ફંડમાં રોકાણ કરી શકો છો. મ્યુચ્યુઅલ ફંડમાં રોકાણ કરેલી રકમ પર કમ્પાઉન્ડિંગ રેટ મળે છે જે ઝડપથી તમારી રોકાણ કરેલી રકમને વધારે છે. સાથે જ મ્યુચ્યુઅલ ફંડ બજાર લિંક થવાના કારણે વધારે રિટર્ન પણ જનરેટ કરે છે જેનાથી વેલ્થમાં ઝડપથી વધારો થાય છે.

કેટલા રૂપિયા જમા કરવા પર મળશે 5 કરોડ?

એક રિસર્ચ રિપોર્ટ અનુસાર યોગદાનમાં 10 ટકા વાર્ષિક ગ્રોથની સાથે જો તમે દર મહિને 50 હજાર રૂપિયાની SIP શરૂ કરો છો તો તમને તેના પર ઓછામાં ઓછા 12 ટકા વ્યાજ મળે તો 7 વર્ષમાં 80 લાખ રૂપિયા જમા થશે.

જોકે બીજા જ 3 વર્ષમાં 80 લાખ બીજા જમા થઈ જશે. ત્યાં જ ત્રીજા 80 લાખ રૂપિયા માટે 2 વર્ષ બીજા લાગશે. આ રીતે 10 વર્ષની અંદર તમારૂ ફંડ 1.60 કરોડ રૂપિયા સુધી જમા થશે. જ્યારે 13માં વર્ષ સુધી 3.2 કરોડ રૂપિયા સુધી જમા થઈ જશે.

વધુ વાંચો: T20 વર્લ્ડકપમાં એક જ ટીમમાંથી કેવી રીતે રમશે ભારત-પાકિસ્તાનના ખેલાડીઓ?

આ રીતે તમે જો દર મહિને 50 હજાર રૂપિયા 10 ટકા વાર્ષિક ગ્રોથની સાથે રોકાણ દ્વારા રાખશો તો અંદાજે 12 ટકા વ્યાજ પર 17માં વર્ષ સુધી તમારી પાસે કુલ ફંડ 5.6 કરોડ રૂપિયા થઈ જશે. જોકે એ નક્કી નથી કે તમને મ્યુચ્યુઅલ ફંડમાં અંદાજે વ્યાજ 12 ટકા હોય. આ ઓછુ કે વધારે હોઈ શકે છે. જેની અસર તમારી રકમ પર પડશે.