સ્પોર્ટ્સ / T20 વર્લ્ડકપમાં એક જ ટીમમાંથી કેવી રીતે રમશે ભારત-પાકિસ્તાનના ખેલાડીઓ?

T20 World Cup 2024 માટે મોટાભાગના દેશોએ ટીમની જાહેરાત કરી દીધી છે. એવામાં USAએ પણ પોતાના ખેલાડીઓના નામની જાહેરાત કરી દીધી છે. ટીમે મોનાંક પટેલને કેપ્ટન્સી સોંપી છે. ત્યાં જ ન્યૂઝીલેન્ડના પૂર્વ ક્રિકેટર કોરી એન્ડરસનને પણ ટીમમાં જગ્યા મળી છે. રસપ્રદ વાત એ છે કે આ વખતે ટી20 વર્લ્ડ કપ 2024માં ભારત અને પાકિસ્તાના ખેલાડી એક જ ટીમથી રમતા જોવા મળશે. અને આવું USAની ટીમમાં જોવા મળશે.

USAમાં ભારતીય મૂળના ખેલાડી શામેલ

હકીકતે USAએ મોનાંક પટેલ સહિત ઘણા ભારતીય મૂળના ખેલાડીઓને ટીમમાં શામેલ કર્યા છે. મોનાંક મૂળ ગુજરાતના આણંદના છે. મોનાંકની સાથે સાથે મિલિંદ કુમારને પણ ટીમમાં જગ્યા મળી છે. મિલિંદ મૂળ રીતે દિલ્હીના છે.

આ ભારતીય મૂળના ખેલાડીઓની સાથે સાથે પાકિસ્તાની મૂળના ખેલાડીઓને પણ ટીમમાં જગ્યા મળી છે. USAએ અલી ખાનને તક આપી છે. અલી મૂળ પાકિસ્તાનના અટકના છે. આ રીતે USAની ટીમમાં ભારત અને પાકિસ્તાનના પ્લેયર્સ સાથે રમતા જોવા મળશે.

USAએ કોરી એન્ટરસનને ટીમમાં શામેલ કર્યા છે. તે ન્યૂઝીલેન્ડ માટે રમી ચુક્યા છે. એન્ડરસને અત્યાર સુધી 33 ટી20 ઈન્ટરનેશનલ મેચ રમી છે. આ સમય દરમિયાન 568 રન બનાવ્યા છે. તે આ ફોર્મેટમાં 14 વિકેટ પણ લઈ ચુક્યા છે. કોરીએ 49 વનડે મેચોમાં 1109 રન બનાવ્યા છે. આ સમય દરમિયાન 60 વિકેટ લીધી છે.

વધુ વાંચો: KKR vs MI: તો આ છે મુંબઇ ઇન્ડિયન્સની હાર પાછળનું અસલી કારણ, કેપ્ટન હાર્દિક પંડ્યાએ કર્યો ખુલાસો

T20 વર્લ્ડ કપ 2024 માટે USAની ટીમ

મોનાંક પટેલ (કેપ્ટન/વિકેટકીપર), એરોન જોન્સ (વાઈસ-કેપ્ટન), એન્ડ્રીઝ ગોસ (વિકેટકીપર), સ્ટીવન ટેલર, કોરી એન્ડરસન, નિતીશ કુમાર, શાયન જહાંગીર (વિકેટકીપર), મિલિંદ કુમાર, અલી ખાન , સૌરભ નેત્રાવલકર, જેસી સિંહ, શેડલી વાન શલ્કવિક, હરમીત સિંહ, નોસ્થુશ કેનજિગે, નિસર્ગ પટેલ