બોલિવૂડમાંથી પોતાના ચાહકોના દિલ પર રાજ કરનાર શાહરૂખ ખાનની પુત્રી સુહાના ખાન તેની આગામી ફિલ્મ 'ધ કિંગ' માટે ચર્ચામાં છે, જેમાં સુહાના તેના પિતા શાહરૂખ સાથે મોટા પડદા પર જોવા મળશે. સુહાનાએ ગયા વર્ષે નેટફ્લિક્સ પર રિલીઝ થયેલી ઝોયા અખ્તરની ફિલ્મ 'ધ આર્ચી'થી ઓટીટી ડેબ્યૂ કર્યું હતું. આ સિવાય સુહાના ઘણી જાહેરાતોનો પણ ભાગ બની ચુકી છે.
સુહાનાએ સોશિયલ મીડિયા પર બ્રેકઅપની જાહેરાત કરી
શાહરૂખ ખાનની પુત્રી સુહાના ખાન સોશિયલ મીડિયા પર ઘણી એક્ટિવ રહે છે. જોકે સુહાના સામાન્ય રીતે સોશિયલ મીડિયા પર તેના સુંદર ફોટા શેર કરતી હોય છે પરંતુ હવે તેણીએ સોશિયલ મીડિયા પર બ્રેકઅપની જાહેરાત કરી છે. આ પોસ્ટ જોઈને પહેલા તો ફેન્સ આશ્ચર્યચકિત થઈ ગયા હતા.
હવે એ તો જાણીતું જ છે કે સુહાના ખાનનું નામ લાંબા સમયથી અમિતાભ બચ્ચનના પૌત્ર અગસ્ત્ય નંદા સાથે જોડાયેલું છે. બંને ઘણીવાર સાથે જોવા મળે છે. હાલમાં જ અભિનેત્રીએ એક વીડિયો શેર કર્યો છે, જેના કેપ્શનમાં તેણે લખ્યું છે - 'મારી પાસે એક સમાચાર છે. મારું બ્રેકઅપ થઈ ગયું છે.' શ્વેતા બચ્ચન નંદાએ સુહાનાની આ પોસ્ટ પર પ્રતિક્રિયા આપી છે.
મેં મારા સાબુ સાથે બ્રેકઅપ કરી લીધું છે....
જો કે સુહાનાનું રિયલ લાઈફમાં બ્રેકઅપ નથી થયું. વાસ્તવમાં સુહાનાએ એક સાબુની જાહેરાત કરી છે. તે જાહેરાતનો વીડિયો શેર કરતા સુહાનાએ લખ્યું, મારી પાસે એક સમાચાર છે, મેં મારા સાબુ સાથે બ્રેકઅપ કરી લીધું છે. સુહાનાનો વિડિયો જોયા પછી, લોકોએ પહેલા અનુમાન લગાવ્યું કે કદાચ તેણે તેના રુમર્ડ બોયફ્રેન્ડ અગસ્ત્ય નંદા સાથે બ્રેકઅપ કરી લીધું છે. સુહાનાના આ વિડિયો પર શ્વેતા બચ્ચને કોમેન્ટમાં ગુલાબી Bow અને બ્લેક હાર્ટ ડ્રોપ કર્યું છે અને સુહાનાએ કોમેન્ટમાં રિપ્લાય આપતા પિંક હાર્ટ ઈમોજી પોસ્ટ કરી છે.
સુહાનાની પ્રોફેશનલ લાઈફની વાત કરીએ તો તે હવે કિંગ ફિલ્મમાં જોવા મળવાની છે જેમાં તેના પિતા શાહરૂખ પણ જોવા મળવાના છે. ફિલ્મનું નિર્દેશન સુજોય ઘોષ કરી રહ્યા છે. કહેવામાં આવી રહ્યું છે કે આ ફિલ્મનું શૂટિંગ લંડનમાં થશે. તેનું શૂટિંગ જૂનથી શરૂ થશે. ફિલ્મમાં જબરદસ્ત એક્શન સીન હશે જેના માટે પ્રોડક્શન ટીમ ઘણી તૈયારી કરી રહી છે.
