મનોરંજન / Don 3 પર આવી વધુ એક અપડેટ, જાણો ક્યારથી શરૂ થશે રણવીર-ક્યારાની આ ફિલ્મ

ફરહાન અખ્તરના નિર્દેશનમાં બની રહેલી ફિલ્મ ડોન-3ની જાહેરાત ગયા વર્ષે ઓગસ્ટમાં થઈ હતી. ત્યારથી જ દર્શકો આ ફિલ્મની આતુરતાથી રાહ જોઈ રહ્યા છે. આ વર્ષે ફેબ્રુઆરીમાં ફિલ્મની મુખ્ય પાત્ર તરીકે કિયારા અડવાણીને લેવાની જાહેરાત કરવામાં આવી હતી. હવે આ ફિલ્મને લઈને નવી અપડેટ સામે આવી છે.

મીડિયા રિપોર્ટ્સ અનુસાર ફિલ્મની શૂટિંગ આવતા વર્ષે એટલે કે 2025ના ફેબ્રુઆરી મહિનામાં થશે. જણાવવામાં આવી રહ્યું છે કે આફ ફિલ્મનું લોકેશન શોધવા ફરહાન હાલ લંડનમાં છે. રિપોર્ટ્સમાં દાવો કરવામાં આવી રહ્યો છે કે હાલ ફરહાન અભિનેતા તરીકેની પોતાની ફિલ્મો પુરૂ કરશે. ત્યાર બાદ તે ડોન-3 પર કામ શરૂ કરશે.

ડોન-3 આ સુપરહિટ ફ્રેન્ચાઈઝીની ત્રીજી ફિલ્મ છે. તેનો પહેલો ભાગ 2006માં રિલીઝ થયો હતો. જેમાં શાહરૂખ ખાનની સાથે પ્રિયંકા ચોપડા, અર્જૂન રામપાલ મુખ્ય ભુમિકામાં જોવા મળ્યા હતા. તેના બાદ 2011માં તેની સીક્વલ આવી હતી.

વધુ વાંચો: શું તમને પણ આખીરાત AC શરૂ રાખીને સૂવાની છે આદત? તો ચેતી જજો! લંગ્સ અને આંખોને થઇ શકે છે નુકસાન

દર્શકોને આ ફિલ્મ ખૂબ જ પસંદ આવી હતી. ત્યાં જ હવે તેના ત્રીજા ભાગમાં રણવીર સિંહને મુખ્ય અભિનેતાના રૂપમાં કાસ્ટ કરવામાં આવ્યા છે. વર્ક ફ્રંટની વાત કરવામાં આવે તો રણવીર સિંહન જલ્દી જ અજય દેવગણ અભિનીત સિંઘમ અગેનમાં જોવા મળશે.