ઇરાન-ઇઝરાયલ યુદ્ધ / ભારતને પુન: મોટી સફળતા મળી, ઇરાને બંધક બનાવેલા તમામ 16 ભારતીયોને મુક્ત કર્યા

Iran-Israel War : ઈરાનથી એક મોટી અપડેટ સામે આવી છે. વાત જાણે એમ છે કે, ઈરાને કહ્યું કે તેણે પોર્ટુગીઝ-ધ્વજવાળા કાર્ગો જહાજ MSC Ariesના ક્રૂ મેમ્બર્સને મુક્ત કર્યા છે. આ જહાજના 25 સભ્યોમાંથી 17 ભારતીય હતા. ઈરાનના વિદેશ પ્રધાન અમીર અબ્દુલૈયાને શુક્રવારે તેમના એસ્ટોનિયન સમકક્ષ માર્ગુસ સાહકના સાથે ફોન પર વાતચીત દરમિયાન જહાજના ક્રૂને મુક્ત કરવાનો ઉલ્લેખ કર્યો હતો.

ઈરાનના એક નિવેદન અનુસાર ઈરાની દળોએ ટેન્કરને જપ્ત કર્યાના દિવસો પછી 13 એપ્રિલના રોજ, ઈઝરાયલ જનારા કાર્ગો જહાજના 17 ભારતીય ક્રૂ સભ્યોમાંની એકમાત્ર મહિલા કેડેટ એન ટેસા જોસેફને મુક્ત કરવામાં આવી હતી.

ઈરાનના વિદેશ મંત્રાલયે કહ્યું,'ઈસ્લામિક રિપબ્લિક ઓફ ઈરાનના જળસીમામાં જપ્ત કરાયેલા પોર્ટુગીઝ જહાજ અને તેના એસ્ટોનિયન ક્રૂને છોડવા અંગે એસ્ટોનિયન પક્ષની વિનંતીના જવાબમાં અમીર અબ્દોલ્લાયને કહ્યું કે, જહાજ જેઈરાનના પ્રાદેશિક જળસીમામાં હતું તે તેમના રડારમાંથી ગાયબ થઈ ગયો હતો અને તેને ન્યાયિક નિયમો હેઠળ કસ્ટડીમાં લેવામાં આવ્યો હતો.

વધુ વાંચો : OMG! બરફની કિંમત બ્રેડ અને દૂધ કરતાં વધારે, આ દેશમાં ગરમીથી લોકો તોબા તોબા

નોંધનિય છે કે, 13 એપ્રિલના રોજ ઈરાનના ઈસ્લામિક રિવોલ્યુશન ગાર્ડ કોર્પ્સ (IRGC)ના વિશેષ નૌસેના દળોએ ઈઝરાયેલ સાથેના કથિત સંબંધોને ધ્યાનમાં રાખીને સ્ટ્રેટ ઓફ હોર્મુઝ પાસે MCS Aries નામના જહાજને જપ્ત કર્યું હતું. સૂત્રોએ જણાવ્યું હતું કે, ઇઝરાયલના કાર્ગો જહાજના ક્રૂ સભ્યોમાં 17 ભારતીય નાગરિકો હતા જેમને ઈરાનના રિવોલ્યુશનરી ગાર્ડ્સ દ્વારા કબજે કરવામાં આવ્યા હતા. MSC મેષ 15 એપ્રિલની રાત્રે ભારત પહોંચવાની અપેક્ષા હતી.