IPL 2024 / DC vs GT: ગુજરાત ટાઇટન્સને હરાવતા દિલ્હી કેપિટલ્સને થયો મોટો ફાયદો, પોઈન્ટ્સ ટેબલમાં લગાવી મોટી છલાંગ

IPL 2024 ની 40મી મેચ દિલ્હી કેપિટલ્સ અને ગુજરાત ટાઇટન્સની ટીમો વચ્ચે રમાઈ હતી, જેમાં દિલ્હી કેપિટલ્સનો 4 રને વિજય થયો હતો. આ મેચનું પરિણામ છેલ્લા બોલ પર આવ્યું, જ્યાં બંને ટીમોએ 200+ રન બનાવ્યા. આ સિઝનમાં દિલ્હી કેપિટલ્સની આ ચોથી જીત છે અને તેની સાથે જ દિલ્હી કેપિટલ્સ ટીમને પોઈન્ટ ટેબલમાં મોટો ફાયદો થયો છે. 

Saans toh len de be 🔥🥵 pic.twitter.com/FEgIUT7NRd

— Delhi Capitals (@DelhiCapitals) April 24, 2024

જો મેચની વાત કરીએ તો પ્રથમ બેટિંગ કરતા દિલ્હી કેપિટલ્સની ટીમે 20 ઓવરમાં 224 રન બનાવ્યા હતા. આ મેચમાં રિષભ પંતે સૌથી વધુ 43 બોલમાં અણનમ 88 રન બનાવ્યા હતા. આ દરમિયાન તેણે 5 ફોર અને 8 સિક્સર ફટકારી હતી. બીજી તરફ અક્ષર પટેલે પણ અદભૂત બેટિંગ કરી હતી. તે 43 બોલમાં 66 રન બનાવીને આઉટ થયો હતો. આ બંને ખેલાડીઓએ સાથે મળીને ટીમને મોટા સ્કોર સુધી પહોંચાડી હતી. 

Delhi Capitals move to the sixth spot in the points table after securing two crucial points 🔵🏏#DC #RishabhPant #IPL2024 #Sportskeeda pic.twitter.com/HiCZq4MSjQ

— Sportskeeda (@Sportskeeda) April 24, 2024

225 રનના લક્ષ્યાંકના જવાબમાં ગુજરાત ટાઇટન્સે 20 ઓવરમાં 8 વિકેટ ગુમાવીને 220 રન બનાવ્યા હતા. ગુજરાત ટાઇટન્સ તરફથી સાઇ સુદર્શને સૌથી વધુ 65 રન બનાવ્યા હતા. તે જ સમયે, ડેવિડ મિલરે 23 બોલમાં 55 રનની ઇનિંગ રમી હતી અને રિદ્ધિમાન સાહાએ પણ 39 રનનું યોગદાન આપ્યું હતું. બીજી તરફ રાશિદ ખાને 11 બોલમાં અણનમ 21 રન બનાવ્યા હતા. પરંતુ આ ઇનિંગ્સ ટીમને જીત અપાવી શકી નહીં. ગુજરાતને છેલ્લી ઓવરમાં જીતવા માટે 19 રનની જરૂર હતી, પરંતુ તે માત્ર 14 રન જ બનાવી શક્યું હતું.  

વધુ વાંચો : DC vs GT: શ્વાસ થંભી જાય તેવી મેચમાં દિલ્હીની જીત, ગુજરાત છેલ્લા બોલે મેચ હાર્યું

આ જીત સાથે દિલ્હી કેપિટલ્સ ટીમ પોઈન્ટ ટેબલમાં છઠ્ઠા સ્થાને પહોંચી ગઈ છે. દિલ્હી કેપિટલ્સ ટીમે આ સિઝનમાં અત્યાર સુધીમાં 9 મેચ રમી છે અને 4 મેચ જીતી છે. બીજી તરફ ગુજરાત ટાઈટન્સની ટીમ આ હાર સાથે પોઈન્ટ ટેબલમાં 7મા સ્થાને આવી ગઈ છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો