જલદી કરો.. / સોનાના ભાવમાં ધરખમ ઘટાડો, ઓલ ટાઈમ હાઈથી 3300 રૂપિયા થયું સસ્તુ

ઈરાન અને ઈઝરાયેલ વચ્ચે વધેલા તણાવને કારણે સોનાનો દર અચાનક ઝડપથી વધવા લાગ્યો. પરંતુ ફરી એકવાર સોનાની કિંમતમાં ઘટાડો જોવા મળી રહ્યો છે. આ સપ્તાહમાં સતત બીજા દિવસે સોનાની કિંમતમાં ઘટાડો થયો છે. સોનાના ભાવિ કરારની કિંમત MCX પર રૂ. 809 ઘટીને રૂ. 70,677 પ્રતિ 10 ગ્રામના સ્તરે પહોંચી છે. જો આપણે MCX પર 73,958 રૂપિયા પ્રતિ 10 ગ્રામના સોનાના રેકોર્ડ હાઈ પર નજર નાખીએ તો સોનું અત્યાર સુધીમાં 3300 રૂપિયા સસ્તું થઈ ગયું છે.

સપ્તાહમાં સોનું 48 પ્રતિ ઔંસ સસ્તું થયું

શુક્રવારે આંતરરાષ્ટ્રીય બજારમાં સોનાની કિંમત 2301 ડોલર પ્રતિ ઔંસ પર બંધ થઈ હતી. એક સપ્તાહમાં સોનું 48 પ્રતિ ઔંસ સસ્તું થયું છે. સોનાનો દર 2301 ના તેના સર્વકાલીન ઉચ્ચ સ્તરથી $ 148 નો ઘટાડો થયો છે. સ્થાનિક બજારની વાત કરીએ તો 18 એપ્રિલ 2024ના રોજ 24 કેરેટ સોનાની કિંમત 73477 રૂપિયા હતી. જ્યારે શુક્રવારે તે ઘટીને 71191 રૂપિયા પ્રતિ 10 ગ્રામના સ્તરે આવી ગયો હતો. એટલે કે આ સમયગાળા દરમિયાન પ્રતિ 10 ગ્રામ સોનાની કિંમત 2286 રૂપિયા સસ્તી થઈ ગઈ છે.

શું સોનું ખરીદવાનો આ યોગ્ય સમય છે?

સોનાના ભાવમાં ઘટાડા અંગે નિષ્ણાંતોના જણાવ્યા અનુસાર સોનાના ભાવમાં ઘટાડાનું કારણ યુએસ ફેડ છે. ફુગાવાના જોખમને ધ્યાનમાં રાખીને ફેડરલ રિઝર્વ વ્યાજ દરોમાં ઘટાડો કરવામાં લાંબો સમય લઈ શકે છે. ગુરુવારે જાહેર કરાયેલા આંકડા દર્શાવે છે કે મજૂરી ખર્ચમાં વધારો થયો છે. તેનાથી સોનાના ભાવ પર વધારાનું દબાણ સર્જાયું છે. આ બધા સિવાય ઇઝરાયેલ અને હમાસ વચ્ચે યુદ્ધવિરામની અસર પણ જોવા મળી છે. સોનામાં રોકાણ કરનારા લોકોએ વધુ રાહ જોવી જોઈએ. આગામી સમયમાં સોનાની કિંમત વર્તમાન સ્તરથી વધુ ઘટી શકે છે.