લોકસભા ચૂંટણી 2024 / 'મારા શહીદ દાદી અને પિતાને દેશદ્રોહી કહેશે તો હું...' પ્રિયંકા ગાંધીના ભાજપ પર પ્રહાર

લોકસભા ચૂંટણી વચ્ચ કોંગ્રેસનાં મહાસચિવ પ્રિયંકા ગાંધીએ હાલનાં ચૂંટણીનાં મુદ્દાઓ તેમજ કોંગ્રેસ પર લાગતા આરોપો પર ખાનગી ન્યૂઝ ચેનલ સાથે વાતચીત કરતા જણાવ્યું હતું કે, પ્રિયંકા ગાંધીએ કહ્યું કે ભાજપ ઈચ્છે છે કે અમારા પરિવાર પર જેટલા પણ અપશબ્દો બોલવામાં આવે તેની પર અમે ચૂપ રહીએ. તેમણે ભાજપ પર નિશાન તાકતા કહ્યું કે, તમે ઈચ્છો છો કે મારા શહીદ પિતા અને દાદીનો દેશદ્રોહી કહે અને અમે ચૂપ રહીએ. આ તો તમારા ફાયદાની વાત છે.

પ્રિયંકા ગાંધીએ કહ્યું કે અમારા પરિવારે જો દેશ માટે કુર્બાની આપી છે. તો ક્યાં અમને શરમ આવવી જોઈએ? અમે કેમ ચૂપ રહીએ, હું બોલીશ. મને ખૂબ જ ગર્વ છે કે મારા દાદીએ દેશ માટે 33 ગોળીઓ ખાઈ હતી. આ દેશ માટે મારા પિતાજી શહીદ થયા હતા હું બોલીશ.

19 વર્ષની ઉંમરે મારા પિતાનાં ટુકડા લાવી

પ્રિયંકા ગાંધી વાડ્રાએ કહ્યું કે, ભાજપ દ્વારા વોટ માટે લોકોને વિનંતી કરવામાં આવે છે. તે શું ઈમોશનલ સ્પીચ નથી. અમે બોલીએ તો ઈમોશનલ સ્પીચ કહેવામાં આવે છે. અમે તો સાચુ કહીએ છીએ. હું તો 19 વર્ષની ઉંમરમાં પિતાનાં ટુકડા ઘરે લાવી હતી. હું કેમ ન બોલું.

તેમણે ભાજપ દ્વારા કરવામાં આવેલ નિવેદનોનો ઉલ્લેખ કરતા કહ્યું કે તમે કહો છો કે મારિ પિતાજીએ કાયદાઓ બદલ્યા, ઈન્દિરીજીની વિરાસતને ટેક્સ વગર લેવા માટે કાયદાઓ બદલ્યા.. શું બકવાસ છે. તમે જૂઠાણું ફેલાવી રહ્યા છો અને અમે ચૂપ રહીએ? મને મારા પરિવાર પર ગર્વ છે અને મને કોઈ પણ નારાજ નહી કરે.

વધુ વાંચોઃ દરિયાપુરના મદરેસામાં આચાર્ય પર હુમલાનો મામલો, 2 વ્યક્તિઓ સામે રાયોટિંગ સહિતની કલમો હેઠળ ગુનો નોંધાયો

અમારા ગામનાં લોકો સાથેનો સબંધ કોઈ સમજી નહી શકે

પ્રિયંકા ગાંધીએ એક ઘટનાનો ઉલ્લેખ કરતા જણાવ્યું હતું કે, હું મારા ઘરે જાઉ છું. ત્યારે અમારા ગામની એક મહિલાએ મને રોકી હતી. હું રોકાઈ હતી અને તે મહિલાએ બંને હાથ મારા માથા પર મૂકીને બોલી કે વિજય ભવ: મારી આંખો આંસુઓથી ભરાઈ ગઈ હતી. કેમકે તેમની સાથે અમારો આ સબંધ છે. આ સબંધ કોઈ સમજી નહી શકે. જ્યારે અમે મુશ્કેલીમાં રહેતા હતા. ત્યારે અમેઠી અને રાયબરેલીની જનતા અમારી પડખે ઉભી રહી હતી. તે અમે બિલકુલ ભૂલ શકતા નથી.