તાપમાન / ગુજરાતમાં આજે રેકોર્ડ બ્રેક ગરમી, પાંચ શહેરમાં ગરમીનો પારો 44 ડિગ્રીને પાર

Gujarat Weather Update: રાજયમાં કાળઝાળ ગરમી પડી રહી છે. અમુક વિસ્તારોમાં ઓરેન્જ એલર્ટ જાહેર કરાયા છે. ત્યારે લોકો ગરમીથી બચવા ઘરની બહાર નીકળતા નથી. રાજ્યમાં આજે ગરમીએ રેકોર્ડ તોડ્યો છે. ગરમીનો પારો આજે 45 ડિગ્રીએ પહોંચ્યો છે.

ગરમીએ રેકોર્ડ તોડ્યો

સુરેન્દ્રનગરમાં સૌથી વધુ 45 ડિગ્રી તાપમાન નોંધાયું છે. ભુજ અને રાજકોટમાં 44 ડિગ્રી તો ડીસા અને ગાંધીનગરમાં 44 ડિગ્રી તાપમાન નોંધાયું છે. પાંચ શહેરમાં ગરમીનો પારો 44 ડિગ્રીને પાર પહોંચ્યો છે. જો રાજકોટમાંની વાત કરીએ તો રાજકોટના ઇતિહાસમાં પહેલી વખત 44 ડિગ્રી ગરમી નોંધાઇ છે. લોકોને કામ સિવાય બહાર ન નીકળવા મનપાએ અપીલ કરી છે.

તપામાનનો પારો 45 ડિગ્રીને પાર

રાજ્યમાં ગરમીનો પારો 45 ડિગ્રીને પાર પહોંચ્યો છે. ત્યારે સુરેન્દ્રનગરમાં આજે સૌથી વધુ તાપમાન પણ નોંધ્યું. જેને લઈને લોકો બેહાલ થયા. સ્થાનિક લેવલે વાત કરીએ તો સામાજિક સંસ્થાઓ દ્વારા ઠેર-ઠેર પાણીના પરબ બનાવીને વ્યવસ્થા ગોઠવવામાં આવી. તો બીજી તરફ અબોલ પશુઓ માટે પણ પાણી, ઘાસ જેવી વ્યવસ્થા ગોઠવવામાં આવી. સાથે જ સ્થાનિક પ્રશાસન તરફથી લોકોને ખાસ કરીને બપોરના સમયે જરૂરી કામ વગર ઘરની બહાર ન નીકળવા અપીલ પણ કરવામાં આવી.

ગરમીથી થતી બીમારીના કેસો વધ્યા

ગરમીથી થતી બીમારીની જો વાત કરીએ. તો હાલ હીટ સ્ટ્રોક, ડાયેરીયા, તાવ, બેભાન થવું, ગંભીર બીમારી ધરાવતા લોકોમાં બેચેની થવી વગેરે જેવા કેસોમાં પણ વધારો જોવા મળ્યો. જેને લઈને સિવિલના અધિક્ષકે માહિતી પણ આપી.. સાથે જ ડિઝાસ્ટર મેનેજમેન્ટ વિભાગે લોકોને પોતાના સ્વાસ્થ્ય માટે જરૂરી ઉપાયો કરવા માટે અપીલ પણ કરી.

વાંચવા જેવુ: દ્વારકા-સોમનાથ હાઈવે પર યાત્રાળુઓને લઈ જતી બસનો ગમખ્વાર અકસ્માત, 30થી વધુ યાત્રાળુઓ ઈજાગ્રસ્ત

ગરમીથી બચવા એટલું અવશ્ય કરો

તરસ ન લાગે તો પણ જ્યારે પણ શક્ય હોય ત્યારે પૂરતું પાણી પીવા જોઈએ. આ સાથે, નાગરિકોને ઓરલ રીહાઇડ્રેશન સોલ્યુશન (ઓઆરએસ)નો ઉપયોગ કરવું અને લીંબુ શરબત, છાશ / લસ્સી, ફળોના રસ સાથે મિશ્રિત થોડું મીઠું જેવા ઘરે બનાવેલા પીણાં પીવા જોઈએ. પાતળા, ઢીલા, સુતરાઉ કપડાં, આછા રંગના કપડાં પહેરવાની અને સીધા સૂર્યપ્રકાશના સંપર્કમાં આવે ત્યારે છત્રીઓ, ટોપીઓ ટુવાલ અને અન્ય પરંપરાગત માથાના આવરણનો ઉપયોગ કરવું. હવામાનના સમાચારો માટે ટીવી જોતા રહેવું.