જો તમે ખાનગી નોકરીમાં છો તો તમારે જાણવું જોઈએ કે જો કોઈ કર્મચારી સતત પાંચ વર્ષ સુધી કોઈ કંપનીમાં કામ કરે છે તો તે ગ્રેચ્યુઈટી મેળવવા માટે હકદાર છે. કર્મચારી સંગઠનો તરફથી સતત પાંચ વર્ષની મર્યાદા ઘટાડવાની માંગ કરવામાં આવી રહી છે. પરંતુ હજુ સુધી આ અંગે કોઈ નિર્ણય લેવામાં આવ્યો નથી. જ્યારે ગ્રેચ્યુઈટી વિશે વાત કરવામાં આવે છે. ત્યારે તમને આશ્ચર્ય થયું હશે કે ગ્રેચ્યુઈટી શું છે અને એમ્પ્લોયર દ્વારા તેની ગણતરી કયા આધારે કરવામાં આવે છે. ચાલો ગ્રેચ્યુટીનું સંપૂર્ણ ગણિત સમજીએ..
ગ્રેચ્યુટીની ગણતરી કઈ રીતે કરવામાં આવે ?
ગ્રેચ્યુટીની ગણતરી કરવી બહુ મુશ્કેલ નથી. ગ્રેચ્યુઈટી એ પાંચ વર્ષની સેવા પૂરી થવા પર નોકરી કરતી કંપની દ્વારા આપવામાં આવતી રકમ છે. આવી સ્થિતિમાં, 5 વર્ષની સેવા પછી દર વર્ષ માટે છેલ્લા મહિનાનો મૂળભૂત પગાર અને મોંઘવારી ભથ્થું ઉમેરવામાં આવે છે અને તેને પહેલા 15 વડે ગુણાકાર કરવામાં આવે છે. આ પછી તમારી ગ્રેચ્યુઇટીની રકમ સેવાના કુલ વર્ષો અને ત્યાર બાદ મળેલી રકમને 26 વડે વિભાજીત કરીને આવે છે.
ગ્રેચ્યુટી ગણતરી સૂત્ર
જો કોઈ વ્યક્તિ ગ્રેચ્યુઇટીની રકમની ગણતરી કરવા માટે એક લાઇનમાં ફોર્મ્યુલા જાણવા માંગે છે, તો તમે આ [(છેલ્લા મહિનાનો મૂળભૂત પગાર + મોંઘવારી ભથ્થું) x 15 x સેવામાં વર્ષ]/26 દ્વારા ગ્રેચ્યુઇટીની ગણતરી કરી શકો છો.
તમારી ગ્રેચ્યુઈટી આટલી હશે
ઉદાહરણ તરીકે જો તમે કોઈ કંપનીમાં 5 વર્ષ અને 2 મહિના કામ કર્યું હોય તો તમારી પાંચ વર્ષની સેવા ગણવામાં આવશે. ધારો કે આ સમયગાળા દરમિયાન તમારો છેલ્લો મૂળભૂત પગાર રૂ. 26 હજાર છે. તેના પર તમને 13 હજાર રૂપિયાનું મોંઘવારી ભથ્થું મળે છે. ગ્રેચ્યુઈટીની ગણતરી કરવા માટે પહેલા 26 હજાર અને 13 હજારનો સરવાળો શોધો. આને ઉમેર્યા બાદ આંકડો 39 હજાર થયો. હવે આ રકમને 15 વડે ગુણાકાર કરતાં કુલ રકમ રૂ. 5.85 લાખ થાય છે. હવે આને રોજગારના કુલ વર્ષો એટલે કે 5 વડે ગુણીએ તો આ ગણતરી 2,925,000 થાય. છેલ્લે તેને 26 વડે વિભાજીત કરો. વિભાજન કર્યા પછી રકમ 112,500 રૂપિયા થઈ ગઈ, આ તમારી વાસ્તવિક ગ્રેચ્યુઈટી છે, જે તમને કંપનીમાંથી રાજીનામું આપવા પર મળશે.
વધુ વાંચો : સોનાના ભાવમાં ધરખમ ઘટાડો, ઓલ ટાઈમ હાઈથી 3300 રૂપિયા થયું સસ્તુ
ગ્રેચ્યુટી શું છે
ગ્રેચ્યુઈટી એ કર્મચારીના પગારનો તે ભાગ છે, જે કંપની અથવા તમારા એમ્પ્લોયર તમારી વર્ષોની સેવાઓના બદલામાં આપે છે. ગ્રેચ્યુઈટી એ એક લાભ યોજના છે જે નિવૃત્તિ લાભોનો એક ભાગ છે અને નોકરી છોડવા અથવા સમાપ્તિ પર એમ્પ્લોયર દ્વારા કર્મચારીને આપવામાં આવે છે.
