મનોરંજન / સાઉથની એ એક્ટ્રેસ, જેને ખુશી-ખુશી પોતાનાથી 27 વર્ષ મોટા CM સાથે કર્યા હતા લગ્ન, હવે છે બિઝનેસ વુમન

કન્નડ ફિલ્મોની ફેમસ એક્ટ્રેસ રાધિકા કુમારસ્વામીએ વર્ષ 2006માં જેડીએસના નેતા અને કર્ણાટકના પૂર્વ મુખ્યમંત્રી એચડી કુમારસ્વામી સાથે લગ્ન કરવાનો નિર્ણય કર્યો. પ્રેમ માટે લગ્ન કરવાના રાધિકાના નિર્ણયે તેમના ફિલ્મી કરિયરને હંમેશા માટે તબાહ કરી નાખ્યું.

કન્નડ ફિલ્મમાં ફેમસ એક્ટ્રેસ

તેનાથી જેડીએસ નેતા અને કર્ણાટકના પૂર્વ મુખ્યમંત્રી HD Kumaraswamyની લાઈફમાં પણ ભૂકંપ આવી ગયો. લોકોને તેમની રાજનૈતિક સફરથી વધારે તેમની પર્સનલ લાઈફમાં વધારે રસ રહેવા લાગ્યો. રાધિકાએ 2002માં કન્નડ ફિલ્મ નીલા મેઘા શમાથી ફિલ્મમાં ડેબ્યૂ કર્યું હતું.

જ્યારે તેમણે ઈન્ડસ્ટ્રીમાં પગ મુક્યો ત્યારે તેમણે 9મું ધોરણ પાસ કર્યું હતું. લીડ રોલમાં તેમની પહેલી ફિલ્મ વિજય રાઘવેન્દ્ર સાથે નિનગાગી હતું. ત્યાર બાદ શિવરાજકુમાર અભિનીત તવરિગે બા તાંગી હતી. આ બન્ને ફિલ્મો સુપરહિટ સાબિત થઈ પરંતુ રાધિકાએ પોતાના કરિયરની ઉપર પોતાના પ્રેમને પસંદ કર્યો.

પૂર્વ સીએમ સાથે કર્યા છુપાઈને લગ્ન

પોતાના કરિયરમાં રાધિકાએ 30 ફિલ્મોમાં કામ કર્યા ત્યાર બાદ તે પ્રોડ્યુસર બની ગઈ. તેમની બનેલી પહેલી કન્નડ ફિલ્મ વર્ષ 2012માં યશની લકી હતી. રાધિકા પોતાની પર્સનલ લાઈફને ળઈને હંમેશા ચર્ચામાં રહી છે.

વધુ વાંચો: અપકમિંગ ફિલ્મ પર શાહરૂખ ખાને આપી મોટી અપડેટ, કહ્યું '3 ફિલ્મો બાદ મારે...'

2010માં કર્ણાટકના પૂર્વ સીએમ એચડી કુમારસ્વામી સાથે તેણે છુપાઈને લગ્ન કર્યા હતા. ત્યાર બાદ રાધિકાએ પોતે તેમના લગ્નનો ખુલાસો કર્યો અને પુષ્ટિ કરી કે તેમણે 2006માં જેડીએસ નેતા એચડી કુમારસ્વામી સાથે લગ્ન કર્યા હતા અને તેમની એક દિકરી પણ છે જેનું નામ શમિકા છે.