મ્યુચ્યુઅલ ફંડ નાના રોકાણકારોમાં વધુને વધુ લોકપ્રિય બન્યું છે. 1000 રૂપિયાની બચત કરનારા રોકાણકારો પણ SIP દ્વારા મ્યુચ્યુઅલ ફંડમાં રોકાણ કરીને મોટું ફંડ બનાવી રહ્યા છે. FD, PPF અને અન્ય નાની બચત યોજનાઓમાંથી વધુ વળતર મેળવવાની કળાએ મ્યુચ્યુઅલ ફંડની લોકપ્રિયતામાં વધારો કર્યો છે. આજે અમે તમને એવી 3 મ્યુચ્યુઅલ ફંડ યોજનાઓ વિશે જણાવી રહ્યા છીએ જેણે રોકાણકારોને લખપતિથી કરોડપતિમાં બનવામાં મદદ કરી છે.
ફ્રેન્કલિન ઇન્ડિયા પ્રાઇમ ફંડ
મ્યુચ્યુઅલ ફંડ યોજનાઓમાંનું એક એવું નામ જેણે લખપતિઓને કરોડપતિમાં પરિવર્તિત કર્યા છે તે છે ફ્રેન્કલિન ઇન્ડિયા પ્રાઈમા ફંડ. આ મિડકેપ ફંડે લગભગ 30 વર્ષ પૂર્ણ કર્યા છે. આ MF યોજના ડિસેમ્બર 1993માં શરૂ કરવામાં આવી હતી. તમને જણાવી દઈએ કે જે કોઈ રોકાણકારે સ્કીમ લોન્ચ કરતી વખતે આમાં 1 લાખ રૂપિયાનું રોકાણ કર્યુ હશે, તેના તે રોકાણના હાલમાં 2.31 કરોડ રૂપિયા થઇ ગયા છે. આમ, આ યોજનાએ 30 વર્ષમાં 19.59% નું CAGR વળતર આપ્યું છે.
SBI લોંગ ટર્મ ઈક્વિટી ફંડ
SBI લોંગ ટર્મ ઇક્વિટી ફંડ એ ELSS કેટેગરીમાં સૌથી જૂની સ્કીમ છે. તે ફેબ્રુઆરી 1993 માં લોન્ચ કરવામાં આવી હતી. . જો કોઈ રોકાણકારે લોન્ચ સમયે આ ELSS સ્કીમમાં રૂ. 1 લાખનું એકસાથે રોકાણ કર્યું હોય, તો તેનું રોકાણ હાલમાં રૂ. 1.21 કરોડનું થઇ ગયું છે. આ યોજનાએ છેલ્લા 30 વર્ષમાં 16.68% નું CAGR વળતર આપ્યું છે.
આ પણ વાંચોઃ SIPમાં આ રીતે ઇન્વેસ્ટ કરવાથી તમે પણ બની શકશો કરોડપતિ, એ કઇ રીતે? સમજો ગણિત
ફ્રેન્કલિન ઇન્ડિયા બ્લુચીપ ફંડ
ફ્રેન્કલિન ઈન્ડિયા બ્લુચીપ ફંડે પણ લખપતિ રોકાણકારોને કરોડપતિમાં ફેરવવાનું કામ કર્યું છે. આ લાર્જ કેપ ફંડ છે. તેની શરૂઆત 1993માં થઈ હતી. જો કોઈ રોકાણકારે સ્કીમ લોન્ચ કરતી વખતે 1 લાખ રૂપિયાનું એકસાથે રોકાણ કર્યું હતું, તો તેનું મૂલ્ય હવે વધીને 2.13 કરોડ રૂપિયા થઈ ગયું છે. આ યોજનાએ 30 વર્ષમાં 19.28% નું CAGR વળતર આપ્યું છે.
