તમારા કામનું / શું છે આ UPI પેમેન્ટ પર લાગતો PPI ચાર્જ? જાણો તેનાથી કોને નુકસાન અને ફાયદો

પાછલા થોડા સમયથી UPI એક ચાર્જના કારણે ચર્ચામાં આવી ગયું છે અને તે છે પ્રીપેડ પેમેન્ટ ઈન્સ્ટ્રૂમેન્ટ્સ. નેશનલ પેમેન્ટ્સ કોર્પોરેશન ઓફ ઈન્ડિયા (NPCI)એ PPIને ઈન્ટરઓપરેબલ UPI ઈકોસિસ્ટમમાં શામેલ કરવાની પરવાનગી આપી દીધી છે. પરંતુ સવાલ એ છે કે આખરે આ ચાર્જ કોને આપવો પડશે. શું એક સામાન્ય ગ્રાહકને UPI પેમેન્ટ માટે ચાર્જ આપવો પડશે? તેના લઈને ભારે કન્ફ્યૂઝન છે. આવો જાણીએ બધા જરૂરી સવાલોના જવાબ.

શું છે PPI અને કેટલો છે ચાર્જ? 
NPCIએ પોતાના એક સર્કુલરમાં કહ્યું છે કે 1 એપ્રિલ 2023થી UPI દ્વારા મર્ચન્ટ ટ્રાન્ઝેક્શન પર PPI ચાર્જ લાગુ કરવામાં આવશે. તેના હેઠળ 2000 રૂપિયાથી વધારે ટ્રાન્ઝેક્શન પર 1.1 ટકાનો ઈન્ટરચેન્જ ચાર્જ લાગશે. પરંતુ આ PPI છે શું? 

સરળ ભાષામાં સમજીએ તો આ એક પ્રકારનું ડિજિટલ વોલેટ છે. જે યુઝર્સને પૈસા જમા કરવાની સર્વિસ આપે છે. પેટીએમ અને ફોનપે જેવા પેમેન્ટ એપથી સર્વિસ ઉપલબ્ધ કરાવે છે. 

કોણ આપશે ચાર્જ? 
માની લો કે કોઈ ગ્રાહક કોઈ સ્ટોર પર કે ઓનલાઈન UPI દ્વારા PPI પેમેન્ટ કરી રહ્યું છે અને QR કોડ Phonepeનો છે તો Phonepeને મર્ચન્ટથી લાગુ ઈન્ટરચેન્જ ચાર્જ પ્રાપ્ત થશે. UPI ટ્રાન્ઝેક્શનના મામલામાં ઈન્ટરચેન્જ ચાર્જની ચુકવણી મર્ચન્ટના બેંક દ્વારા ચૂંકવણી કરનારની બેંકને આપવામાં આવે છે. 

વધુ વાંચો: શું બંધ પડેલી બેંકમાંથી રૂપિયા ઉપાડી શકાય? હાં, તો કઇ રીતે? જાણો

આવા ટ્રાન્ઝેક્શન પર ઈન્ટરચેન્જ ફીસ નહીં આપવી પડે? 
બેંક ખાતા અને પીપીઆઈ વોલેટની વચ્ચે પીયર-ટૂ-પીયર અને પીયર-ટૂ-પીયર-મર્ચન્ટ ટ્રાન્ઝેક્શન પર ઈન્ટરચેન્જ ચાર્જ લાગુ નહીં થાય. માટે સામાન્ય ગ્રાહકને લેવડદેવર કે બેંક ખાતાથી બેંક ખાતા-આધારિત UPI ચુકવણી માટે કોઈ ચાર્જ નહીં આપવો પડે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો