IPL 2024 / SRH vs MI: જુનિયર બુમરાહ મેચ જોવા પહોંચ્યો, વાનખેડે સ્ટેડિયમની તસવીરો થઈ રહી છે વાયરલ

SRH vs MI: સનરાઈઝર્સ હૈદરાબાદ અને મુંબઈ ઈન્ડિયન્સ વચ્ચે મુકાબલો વાનખેડે સ્ટેડિયમમાં થયો છે. બુમરાહની પત્ની અને તેનો પુત્ર પણ આ મેચ જોવા પહોંચ્યા છે.

મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે સોમવારે વાનખેડે સ્ટેડિયમમાં મેચ રમાઈ હતી. કેમેરામાં મેદાન પર ઘણી વાર વિવિધ ઘટનાઓ કેદ થાય છે, પરંતુ SRH vs MI મેચમાં જસપ્રિત બુમરાહનો પરિવાર સ્ટેન્ડ પર બેઠો જોવા મળ્યો હતો. કેમેરાનું ધ્યાન સંજના ગણેશન પર પડતાની સાથે જ તેની તસવીર સોશિયલ મીડિયા પર વાયરલ થઈ ગઈ હતી. માત્ર સંજના જ નહીં પરંતુ તેનો પુત્ર અંગદ બુમરાહ પણ આ મેચ જોવા માટે મેદાન પર પહોંચ્યો હતો. સોશિયલ મીડિયા પર સંજનાના ખોળામાં અંગદની તસવીરોને લોકો ખૂબ પસંદ કરી રહ્યા છે. સંજના અગાઉ પણ બુમરાહને સપોર્ટ કરવા મેદાનમાં જતી રહી છે, પરંતુ આ વખતે અંગદ સાથેની તેની ક્યૂટ તસવીરો લોકોને ખૂબ પસંદ આવી રહી છે.

આજે સંજના ગણેશનનો જન્મદિવસ

તમને જણાવી દઈએ કે આજે જસપ્રીત બુમરાહની પત્ની સંજના ગણેશનનો જન્મદિવસ છે. સંજનાનો જન્મ 6 મે 1991ના રોજ પુણેમાં થયો હતો. જસપ્રીતે પણ સોશિયલ મીડિયા પર પોસ્ટ કરીને પત્નીને જન્મદિવસની શુભેચ્છા પાઠવી છે. સોશિયલ મીડિયા પર પોતાનો પ્રેમ વ્યક્ત કરતા જસપ્રીતે કહ્યું કે સંજના મારા અને અંગદ તરફથી ઘણો પ્રેમ વ્યક્ત કરુ છું. ભારતીય ક્રિકેટ ટીમના મુખ્ય ફાસ્ટ બોલરે કહ્યું કે સંજના સાથે હોવાથી તેનું જીવન વધુ સમૃદ્ધ બને છે.

વધુ વાંચો : ચેમ્પિયન ટ્રોફી રમવા ટીમ ઈન્ડીયા પાકિસ્તાન જશે? BCCI ઉપાધ્યક્ષે આપ્યું મોટું નિવેદન

અંગદનો જન્મ ગત વર્ષે 4 સપ્ટેમ્બરે થયો હતો

જસપ્રિત બુમરાહ અને સંજના ગણેશનના લગ્ન 15 માર્ચ, 2021ના રોજ થયા હતા. લગભગ અઢી વર્ષ બાદ તેઓને એક પુત્રના માતા-પિતા બનવાનો આનંદ મળ્યો. અંગદ બુમરાહનો જન્મ 4 સપ્ટેમ્બર, 2023ના રોજ થયો હતો. જસપ્રિત બુમરાહ અને સંજના ગણેશને સોશિયલ મીડિયા પર તેમના પુત્રના જન્મ પર ખુશી વ્યક્ત કરી અને કહ્યું કે નવા સભ્યના આગમન સાથે તેમના જીવનમાં એક નવો અધ્યાય શરૂ થવા જઈ રહ્યો છે.