કામની વાત / તમે પ્રાઈવેટ કંપનીમાં નોકરી કરો છો તો મળશે 7 લાખ રૂપિયાનો મફત વીમો, જાણો કેવી રીતે મળશે લાભ

કેન્દ્ર સરકાર દ્વારા સરકારી કર્મચારીઓને ઘણી સુવિધાઓ આપવામાં આવે છે, પરંતુ બહુ ઓછા લોકો જાણે છે કે પ્રાઈવેટ જોબ કરનારાઓ પણ આ મફત સરકારી યોજનાનો લાભ લઈ શકે છે. વાસ્તવમાં, કેન્દ્ર સરકાર EDLI સ્કીમ એટલે કે એમ્પ્લોયી ડિપોઝિટ લિંક્ડ ઇન્શ્યોરન્સ સ્કીમ, 1976 હેઠળ 7 લાખ રૂપિયાનું વીમા કવચ પ્રદાન કરે છે. હવે સવાલ એ છે કે સરકાર દ્વારા તમામ પ્રકારના ખાનગી કર્મચારીઓને આ કવર આપવામાં આવે છે કે પછી અમુક ખાસ નોકરી કરતા કર્મચારીઓ જ તેનો લાભ લે છે.

કયા લોકોને મળે છે લાભ?

સરકાર દ્વારા આપવામાં આવતા 7 લાખ રૂપિયાના મફત વીમા કવચની સુવિધા કાયમી કર્મચારીઓને મળે છે, એટલે કે કોન્ટ્રાક્ટ પર કામ કરનારા લોકોને આ યોજનાનો લાભ નથી મળતો. ફ્રીલાન્સર્સને પણ આ સ્કીમનો લાભ મળતો નથી. જણાવી દઈએ કે EPFO દ્વારા તેના ​​સબસ્ક્રાઈબર્સને જીવન વીમાની સુવિધા આપવામાં આવે છે. EPFO ના તમામ સબ્સ્ક્રાઇબર્સને EDLI સ્કીમ 1976 હેઠળ આવરી લેવામાં આવે છે.

શું છે નિયમ?

EDLI યોજના હેઠળ, નોકરી કરતા લોકો (કંપનીના કર્મચારીઓ) તેમના પરિવારમાં કોઈને નોમિની બનાવે છે. કર્મચારીનું માંદગી, અકસ્માત અથવા અચાનક કોઈ પણ કારણસર મૃત્યુના કિસ્સામાં, નોમિની વતી વીમાની રકમનો દાવો કરી શકાય છે. નિયમોમાં થયેલા ફેરફારો હેઠળ, હવે આ વીમા કવર એવા કર્મચારીના પીડિત પરિવારને પણ મળે છે કે જેમણે મૃત્યુ પહેલા માત્ર એક વર્ષની અંદર એક કરતાં વધુ સંસ્થામાં નોકરી કરી હોય.

આ યોજના હેઠળ, એક રકમ ચૂકવવામાં આવે છે. ખાસ વાત એ છે કે EDLI સ્કીમની જેમ કર્મચારીએ કોઈ રકમ કે કોઈ પ્રીમિયમ ચૂકવવું પડતું નથી. જો કર્મચારીએ યોજના હેઠળ કોઈને નોમિની બનાવ્યા નથી, તો મૃતકના જીવનસાથી એટલે કે પતિ અથવા પત્ની, અપરિણીત પુત્રીઓ અથવા સગીર બાળકો કવરેજ મેળવવા માટે હકદાર હશે.

કર્મચારી નહીં, કંપની ભરે છે પ્રીમિયમ

આ યોજના હેઠળ, પ્રીમિયમ કર્મચારીએ ભરવાનું નથી હોતું, પરંતુ તે કંપની દ્વારા ચૂકવવામાં આવે છે. કર્મચારીઓના મૂળ પગાર + DAના 12 ટકા એમ્પ્લોયી પ્રોવિડન્ટ ફંડ (EPF)માં જાય છે. જ્યારે 12 ટકાનું યોગદાન કંપની તરફથી પણ જમા થાય છે. આ 12 ટકામાંથી 8.33 ટકા યોગદાન કર્મચારી પેન્શન યોજના EPSમાં જાય છે, જ્યારે બાકીનું 3.66 ટકા EPFમાં જાય છે. વાત કરીએ EDLI સ્કીમની તો એમાં માત્ર એમ્પ્લોયર દ્વારા જ પ્રીમિયમ જમા થાય છે. આ કર્મચારીના મૂળ પગાર અને મોંઘવારી ભથ્થાના 0.50 ટકા હોય છે. જો કે બેઝિક સેલરીની મહત્તમ મર્યાદા 15 હજાર રૂપિયા સુધીની છે.

કેવી રીતે થાય છે ગણતરી

કર્મચારીના છેલ્લા 12 મહિનાના મૂળભૂત પગાર + DAના આધારે EDLI સ્કીમમાં ક્લેમની ગણતરી કરવામાં આવે છે. વીમા કવચ માટેનો દાવો છેલ્લા બેઝિક પગાર + DAના 30 ગણો હતો, પરંતુ નવા ફેરફારો હેઠળ હવે તે 35 ગણો થઈ ગયો છે. આ સાથે, મહત્તમ બોનસ જે પહેલા 1.50 લાખ રૂપિયા હતું તે વધારીને 1.75 લાખ રૂપિયા કરવામાં આવ્યું છે.

વધુ વાંચો: ઈન્કમટેક્સ ભરતા પહેલા ચેક કરી લો તમારું PF એકાઉન્ટ, નહીં તો 80Cના લાભથી રહી જશો વંચિત

આ બોનસ છેલ્લા 12 મહિના દરમિયાન સરેરાશ પીએફ બેલેન્સનો અડધો ભાગ માનવામાં આવે છે. ઉદાહરણ તરીકે, જો છેલ્લા 12 મહિનાનો મૂળ પગાર + DA જો 15,000 રૂપિયા છે, તો ઈન્શ્યોરન્સ ક્લેમ (35 x 15,000) + 1,75,000 = 7 લાખ રૂપિયા થશે. મૂળ પગાર વધારે હોવા પર પણ મહત્તમ મર્યાદાને કારણે આ માત્ર 15 હજાર રૂપિયા જ ગણવામાં આવશે અને આ યોજના હેઠળ તમને મહત્તમ 7 લાખ રૂપિયા મળશે.