સમસ્યા / પશુઓ રઝળી પડ્યા, ટીપાં ટીપાં માટે માણસ તરસ્યો! બનાસકાંઠાના સીમાડાની ગામની દયનીય હાલત

કાળઝાળ ગરમીના આ દિવસોમાં રાજ્યના કેટલાક વિસ્તારોમાં પીવાના પાણીની સમસ્યા સામે આવી છે. બનાસકાંઠા જિલ્લાના સરહદી વિસ્તારમાં વસતા લોકોને પીવાના પાણીની તંગીનો સામનો કરવો પડી રહ્યો છે.

ટેન્કર આવતાજ પાણી માટે પડાપડી

બનાસકાંઠાના વાવ તાલુકાના લાપડીયા ગામમાં પણ પીવાના પાણીને લઈ લોકોને ભારે હાલાકીનો સામનો કરવો પડી રહ્યો છે. પાણી વગર પશુપાલન પણ મુશ્કેલ બન્યું છે. ગામના લોકો પીવાના પાણીનું ટેન્કર આવવાની સાથે જ પાણી માટે પડાપડી કરી રહ્યા છે...

પશુઓના પીવા માટે પણ પાણીની સગવડ મુશ્કેલ

વાવ તાલુકાના લાપડીયા ગામે સ્થિતિ ખુબજ ખરાબ છે... છેલ્લા કેટલાય દિવસોથી અહીં પીવાનું પાણી નથી આવતું. નથી પાણી ન મળતા ગ્રામજનોને ભારે હાલાકીનો સામનો કરવો પડી રહ્યો છે. પશુઓના પીવા માટે પણ પાણીની સગવડ કરવી મુશ્કેલ બની ગઇ છે..

આ પણ વાંચોઃ કાળઝાળ ગરમી માટે ગુજરાત તૈયાર રહે! મતદાનના દિવસે પારો જશે આસમાને

ગ્રામજનોમાં ભારે રોષ

પીવાનું પુરતુ પાણી ન મળતા ગ્રામજનોમાં ભારે રોષ જોવા મળી રહ્યો છે. ગ્રામજનોની માંગ છે કે તાત્કાલીક ધોરણે તેમને પીવાનુ શુદ્ધ પાણી પુરું પાડવામાં આવે. બનાસકાંઠાના વડગામમાં આંબેડકર વિસ્તારની મહિલાોએ માટલા ફોડીને પોતાની વ્યથા વ્યક્ત કરી હતી. આ બાબતે ગામના સરપંચને રજૂઆત કરી હોવા છતાં કોઈ કામ થયું નથી તેવો આક્ષેપ કરાયો હતો...