T20 વર્લ્ડ કપ 2024ની શરૂઆત 2 જૂનથી થશે. જેની પહેલી મેચ અમેરિકા અને કેનેડા વચ્ચે રમાશે. આ વર્લ્ડ કપ માટે BCCIએ પણ તૈયારીઓ શરૂ કરી દીધી છે. ભારતનું સ્ક્વોડ જાહેર કરી દેવાયુ છે. જેમાં રોહિત શર્માને કેપ્ટન બનાવાયો છે. આ બધાની વચ્ચે ઇન્ડિયા ટીમની જર્સીનો પીક લીક થઈ ગયો છે. જેના પર ફેન્સના રીએકશન આવી રહ્યા છે.
આ જર્સી ઓફિશિયલ છે કે નહીં ?
આગામી T20 વર્લ્ડ કપ માટે ક્રિકેટના ચાહકો નવી જર્સીની પણ રાહ જોઈને બેઠા હતા. ત્યારે સોશિયલ મીડિયામાં ભારતની જર્સીનો પિક લીક થઈ જતાં લોકોની વિવિધ પ્રતિક્રિયાઓ આવી રહી છે. જો કે આ જર્સી ઓફિશિયલ છે કે નહીં તેની પર પણ પ્રશ્નો ઉઠી રહ્યા છે.
આવો છે લીક થયેલી જર્સીનો પિક
સોશિયલ મીડિયામાં લીક થયેલી ભારતની જર્સીની બનાવટની વાત કરીયે તો તેની પર ઇન્ડિયન ફ્લેગની સ્ટ્રીપ લાગેલી છે. તેની બાયોં ઓરેન્જ કલરની છે. જર્સીનો કલર બ્લૂ છે. તેની પર ડ્રીમ ઇલેવન, BCCI અને પાછળ એડિડાસનો લોગો જોવા મળી રહ્યો છે. આ ફોટો શેર કરીને દાવો કરાઈ રહ્યો છે કે આગામી T20 વર્લ્ડ કપ 2024 માટેની ભારતની ઓફિશિયલ જર્સી છે.
લોકોની પ્રતિક્રિયા
સોશિયલ મીડિયામાં જર્સી વાયરલ થતા લોકોની અનેક પ્રતિક્રિયા આવી છે. જેમાં મોટા ભાગના લોકોને જર્સી પસંદ નથી આવી. એક યુઝરે લખ્યુ કે "આ નેધરલેન્ડની જર્સી છેે." અન્ય એક યુઝરે લખ્યુ કે "ખૂબ બકવાસ જર્સી છે આ" તો બીજા યુઝરોએ આ જર્સી ઓફિશિયલ નથી તેવો મુદ્દો પણ ઉઠાવ્યો છે. કેમ કે આ જર્સીમાં ડ્રીમ ઈલેવનનો લોગો વચ્ચોવચ દેખાઈ રહ્યો છે પરંતુ વર્લ્ડ કપમાં મેઈન સ્પોન્સરનો લોગો વચ્ચે નથી હોતો. આ સિવાય આ વર્લ્ડ કપમાં ડ્રીમ ઈલેવન નહીં પણ એડિડાસ મેઈન સ્પોન્સર છે. એડિડાસ સ્પોન્સર હોવા છતાં હજુ સુધી તેને કોઈ ઓફિશિયલ જાણકારી નથી આપી.
આ પણ વાંચોઃ T20 વર્લ્ડકપ પર આતંકી હુમલાનું જોખમ! પાકિસ્તાનથી ધમકી અપાઇ હોવાનો ઘટસ્ફોટ, સુરક્ષામાં વધારો
T20 વર્લ્ડ કપ 2024 માટે ઇન્ડિયન સ્ક્વોડ
રોહિત શર્મા (કેપ્ટન), વિરાટ કોહલી, સૂર્યકુમાર યાદવ, હાર્દિક પંડ્યા, યશસ્વી જયસ્વાલ, ઋષભ પંત, સંજુ સેમસન, શિવમ દુબે, રવીન્દ્ર જાડેજા, જસપ્રીત બૂમરાહ, અક્ષર પટેલ, કુલદીપ યાદવ, યુજવેન્દ્ર ચહલ, અર્શદીપ સિંહ, મોહમ્મદ સિરાજ
