રિલેશનશિપ એક્સપર્ટ અનુસાર જો તમારો સંબંધ નવો નવો છે તો તમારે તમારા પાર્ટનરને સતત મેસેજ કરવાનું ટાળવું જોઈએ. તમારા પાર્ટનરને સતત મેસેજ કરવાથી તે રિલેશનશિપમાં ઝકડાઇ ગયો હોવાનો અહેસાસ કરાવી શકે છે. ઘણીવાર એવું બને છે કે જ્યારે કોઈ કપલ પ્રેમમાં પડે છે, ત્યારે તેઓ તેમના પ્રેમી તરફ ખૂબ જ આકર્ષિત થાય છે. શરૂઆતમાં સ્ત્રી અને પુરૂષ બંને સમય સમય પર એકબીજા માટે તેમના પ્રેમને વ્યક્ત કરતા રહે છે. પરંતુ શરૂઆતના સંબંધોમાં થોડી સાવધાની પણ જરૂરી છે. જો તમે પણ તમારા રોમાંસના પ્રારંભિક તબક્કામાં તમારા પાર્ટનરને સતત મેસેજ મોકલી રહ્યા છો, તો તે તમારા માટે ખરાબ હોઈ શકે છે. નિષ્ણાતો પ્રેમની શોધમાં હોય અથવા સંબંધો જાળવવા માંગતા હોય તેમને તેમના પ્રારંભિક પ્રેમમાં સાવચેત રહેવાની સલાહ આપે છે.
નવા સંબંધમાં આ વાતનું ધ્યાન રાખો
ડેટિંગનો અર્થ એ નથી કે અન્ય વ્યક્તિ તમારા માટે હંમેશા નવરા જ રહેશે. તે બે લોકોની ઇચ્છા સાથે સંબંધિત છે. તેથી તમારી ખુશી અને ઇચ્છા માટે સતત કોઈને ટેક્સ્ટ કરવું યોગ્ય નથી. તમારે વિચાર્યા વિના તમારા પાર્ટનરને ટેક્સ્ટ કરવાનું ટાળવું જોઈએ. પાર્ટનર નવરા ન હોય તો તમારા મેસેજનો જવાબ આપી નથી શકતા પરંતુ ધીરે ધીરે વારંવાર આ થવાથી બંને વચ્ચેના સુમેળ ભર્યા સંબંધોને અસર થાય છે અને ખટરાગ થવા લાગે છે.
ઘણી વાર એવું બને છે કે આવી પરિસ્થિતિઓમાં તમારા મનમાં આવા ઘણા વિચારો આવે છે કે તમારે તમારા પાર્ટનરને મેસેજ કરીને અપડેટ કરતા રહેવું જોઈએ. શું થયું કે તેણે મને મેસેજ નથી કર્યો? તે અથવા તેણી ક્યાં હશે? તેનો જવાબ ન આવ્યો. બે દિવસથી મારો તેની સાથે કોઈ સંપર્ક નથી. મારે તેમને ટેક્સ્ટ કરવું જોઈએ. મારે તેમને મારી યાદ અપાવવી જોઈએ. પરંતુ તમે ખરેખર જે કરવાનો પ્રયાસ કરી રહ્યા છો તે એ છે કે તમે કોઈક રીતે પરિસ્થિતિને નિયંત્રિત કરવાનો પ્રયાસ કરી રહ્યાં છો જે કરવું યોગ્ય નથી.
વારંવાર મેસેજના ગેરફાયદા
- તમારે તમારા પાર્ટનરને સતત મેસેજ કરવાનું ટાળવું જોઈએ કારણ કે તે વ્યક્તિને નિયંત્રિત કરવા જેવું છે. સંદેશાઓ મોકલીને પરિસ્થિતિને કાબૂમાં લેવાનો પ્રયાસ કરવાનું બંધ કરો.
- બેસક તમને પાર્ટનરની ચિંતા થતી રહે છે કા તો તેની યાદ પણ આવતી રહેતી ગોય છે પરંતુ તમારા વારંવારના મેસેજિંગને કારણે તમારો પાર્ટનર ચિડાઈ શકે છે. તેથી સંબંધને મજબૂત કરવા માટે, પ્રેમ અને યાદ બંનેને સંતુલિત રીતે વ્યક્ત કરવું વધુ સારું છે.
- જો તમારો સાથી લાંબા સમય સુધી તમારા મેસેજનો જવાબ ન આપે તો તરત જ તેનું ખોટુ અર્થઘટન ન કરો. ઘણા લોકો ટેક્સ મેસેજમાં સારા નથી હોતા અને તેઓ જવાબ આપવામાં લાંબો સમય લે છે, આવી સ્થિતિમાં તમારે ધીરજ રાખવી જોઈએ અને સતત મેસેજિંગ કરતા રહેવું જોઈએ નહીં.
વધુ વાંચો: શું છે આ વીગન ડાયટ? જેને 6 મહીનાથી ફૉલો કરી રહ્યાં છે CJI ચંદ્રચૂડ અને તેમના પત્ની?
- એવું પણ બની શકે છે કે તમારો પાર્ટનર તરત જ જવાબ ન આપી શકે. તે કોઈ કામમાં વ્યસ્ત હોઈ શકે છે, તેથી તેના સમયપત્રકને ધ્યાનમાં રાખીને સંદેશા મોકલો.
- જો તમારો સંદેશ તાકીદનો હોય તો તેમને મેસેજ કરવાને બદલે તેમને કૉલ કરવાનું વિચારો. આ રીતે તેઓને લાગશે કે તે મહત્વપૂર્ણ હોઈ શકે છે અને તેઓ તેને અવગણશે નહીં.
.jpg)
