લોકસભા ચૂંટણી / PM મોદી આજે અમદાવાદની આ સ્કૂલમાં કરશે વોટિંગ, અમિત શાહ અને આનંદીબેન પણ આવશે

લોકસભા ચૂંટણીના ત્રીજા તબક્કામાં આજે 12 રાજ્યોમાં 93 બેઠકો પર વોટિંગ થવાનું છે જેમાં વારાણસી અને ગાંધીનગર સહિત બીજી કેટલીક હાઈ પ્રોફાઈલ બેઠકો સામેલ છે. પીએમ મોદી રાણીપની નિશાન હાયર સેકન્ડરી સ્કૂલમાં વોટિંગ કરશે. દરેક ચૂંટણીમાં પીએમ મોદી મતદાન કરવા અચૂક આવે છે જે ટ્રેન્ડ આ વખતે પણ યથાવત રહેશે. પીએમ મોદીની મુલાકાતને લઈને તૈયારીઓ પૂરી કરી દેવામાં આવી છે. ગૃહમંત્રી અમિત શાહ ગાંધીનગર લોકસભા બેઠક હેઠળના અમદાવાદ શહેરના બુથ પર મતદાન કરશે.

1300 ઉમેદવારોનું રાજકીય ભાવી ઈવીએમમાં કેદ

આજે સાંજે લોકસભા ચૂંટણીના ત્રીજા તબક્કાના 1300 ઉમેદવારોનું રાજકીય ભાવી ઈવીએમમાં કેદ થઈ જશે. ગુજરાતની સુરત લોકસભા બેઠક પર મતદાન થશે નહીં કારણ કે મુકેશકુમાર દલાલ પહેલાથી જ બિનહરીફ ચૂંટાઈ આવ્યા છે.

વધુ વાંચો : લોકસભા 2024: રાહુલ ગાંધીએ કોંગ્રેસ કાર્યકરોને લખી ઈમોશનલ ચિઠ્ઠી! કર્યા આ સૂચન

ત્રીજા તબક્કામાં 10 મંત્રીઓ મેદાનમાં

આજે ત્રીજા તબક્કાના મતદાનમાં મોદી સરકારના 10 મંત્રીઓ મેદાનમાં છે. જેમાં ગૃહમંત્રી અમિત શાહ, સ્વાસ્થ્ય મંત્રી મનસુખ માંડવિયા, કેન્દ્રીય મંત્રી જ્યોતિરાદિત્ય સિંધિયા, નારાયણ રાણે અને એસપી સિંહ બઘેલ સામેલ છે. ત્રીજા તબક્કા બાદ લોકસભાની 543 બેઠકોમાંથી 283 બેઠકો માટે ચૂંટણી પૂર્ણ થશે. ચોથો તબક્કો 13 મેના રોજ, પાંચમો તબક્કો 20 મેના રોજ, છઠ્ઠા તબક્કાનું આયોજન 25 મેના રોજ અને સાતમા તબક્કાનું આયોજન 1 જૂને થશે.