બ્રેકિંગ ન્યુઝ
પંચમહાલ: NEET ની પરીક્ષામાં પાસ કરાવવાના મામલે પોલીસે વધુ એક આરોપીની કરી ધરપકડ
અમદાવાદ: દરિયાપુરના મદરેસામાં સરવે કરવા ગયેલ શિક્ષક પર હુમલામાં બે આરોપીની ધરપકડ
અમદાવાદ અને વડોદરામાં ઈન્કમટેક્સનું મેગા સર્ચ ઓપરેશન, ખુરાના ગ્રુપના 30 સ્થળોએ 150 લોકોની ટીમે પાડ્યા દરોડા
હવામાન અપડેટ: દિલ્હી સહિત ઉત્તર ભારતના રાજ્યોમાં ભીષણ ગરમીની આગાહી તો દક્ષિણમાં ભારે વરસાદનું રેડ એલર્ટ
જમ્મુ-કાશ્મીરમાં બે આતંકી હુમલા, અનંતનાગમાં પ્રવાસી દંપતી પર ફાયરીંગ, શોપિયામાં BJP નેતાની કરી હત્યા
ગુજરાતમાં આજે રેકોર્ડ બ્રેક ગરમી, પાંચ શહેરમાં ગરમીનો પારો 44 ડિગ્રીને પાર
દિલ્હી: અરવિંદ કેજરીવાલના PA વિભવ કુમારને ઝટકો, કોર્ટે આગોતરા જામીન અરજી ફગાવી
આ વર્ષે ગુજરાતમાં ચોમાસામાં 106 ટકા વરસાદની પડવાની શક્યતા: અંબાલાલ પટેલ
સ્માર્ટ મીટરના પાયલટ પ્રોજેક્ટ મામલે મહત્વના સમાચાર
હરિયાણાના નુહમાં શ્રદ્ધાળુઓની બસમાં આગ લાગતા, 8નાં મોત, 24 ઘાયલ
VTV / ભારત / વિશ્વ / ભારતીય મૂળની સુનિતા વિલિયમ્સ 12 વર્ષ બાદ ફરી અંતરીક્ષ યાત્રા કરશે, NASAનું એલાન
Last Updated: 11:49 PM, 6 May 2024
ભારતીય મૂળની અવકાશયાત્રી સુનીતા વિલિયમ્સ ઈતિહાસ રચવા જઈ રહી છે. તે ફરી એકવાર અવકાશમાં ઉડાન ભરશે. સુનિતા વિલિયમ્સ બોઇંગના સ્ટારલાઇનર અવકાશયાનમાં અવકાશમાં જશે. બુચ વિલ્મોર પણ તેમની સાથે રહેશે.
ADVERTISEMENT
અમેરિકન સ્પેસ એજન્સી નાસા અનુસાર, આ સ્પેસક્રાફ્ટ ભારતીય સમય અનુસાર સવારે 8.04 કલાકે લોન્ચ થશે. તેને કેનેડી સ્પેસ સેન્ટરથી લોન્ચ કરવામાં આવશે. સુનિતા વિલિયમ્સ અને બૂચ વિલ્મોર લગભગ એક સપ્તાહ ઇન્ટરનેશનલ સ્પેસ સ્ટેશનમાં વિતાવશે.
બોઈંગ સ્ટારલાઈનર દ્વારા અવકાશમાં યાત્રા
ADVERTISEMENT
પ્રથમ વખત અવકાશયાત્રીઓને બોઈંગ સ્ટારલાઈનર દ્વારા અવકાશમાં લઈ જવામાં આવી રહ્યા છે. અગાઉ, Boe-OFT, 2019 માં અને Boe-OFT2 2022 માં લોન્ચ થયું હતું. સ્ટારલાઈનર મિશનમાં એક અબજ ડોલરથી વધુ ખર્ચ થવાનો અંદાજ છે. જો આ મિશન સફળ થશે તો તેને અંતરિક્ષ ક્ષેત્રે એક મોટું પગલું માનવામાં આવશે. 2011 માં, નાસાએ તેના સ્પેસ શટલ કાફલાને નિવૃત્ત કર્યો. આ પછી નાસાએ કોમર્શિયલ ક્રૂ પ્રોગ્રામ શરૂ કર્યો, જેના હેઠળ એલોન મસ્કની કંપની સ્પેસએક્સ અને બોઇંગ સ્પેસક્રાફ્ટ બનાવી રહી છે.
જો મિશન સફળ રહેશે તો બોઈંગના સ્ટારલાઈન એરક્રાફ્ટને પણ સ્પેસ મિશન માટે અધિકૃત કરવામાં આવશે. અગાઉ 2020માં સ્પેસએક્સ વિમાને અવકાશયાત્રીઓને મોકલ્યા હતા. સુનીતા વિલિયમ્સે કહ્યું કે, 'જ્યારે હું ઈન્ટરનેશનલ સ્પેસ સ્ટેશન પહોંચીશ ત્યારે ઘરે જવા જેવું થશે.'
સુનીતા વિલિયમ્સ ત્રીજી વખત અવકાશમાં જશે
59 વર્ષીય સુનીતા વિલિયમ્સ અત્યાર સુધીમાં બે વાર અવકાશની યાત્રા કરી ચૂકી છે. આ પહેલા તે 2006 અને 2012માં અંતરિક્ષમાં જઈ ચૂકી છે. નાસાના જણાવ્યા અનુસાર તેણે કુલ 322 દિવસ અંતરિક્ષમાં વિતાવ્યા છે.2006માં સુનીતાએ 195 દિવસ અંતરિક્ષમાં અને 2012માં 127 દિવસ વિતાવ્યા હતા. 2012ના મિશનની ખાસ વાત એ હતી કે સુનીતાએ ત્રણ વખત સ્પેસ વોક કર્યું હતું. અવકાશયાત્રીઓ સ્પેસ વોક દરમિયાન સ્પેસ સ્ટેશનની બહાર આવે છે. જોકે, પ્રથમ સફર દરમિયાન તેણે ચાર વખત સ્પેસ વોક કર્યું હતું. સુનિતા વિલિયમ્સ અવકાશમાં પ્રવાસ કરનાર ભારતીય મૂળની બીજી મહિલા છે. તેમના પહેલા કલ્પના ચાવલા અવકાશમાં ગઈ હતી.
કોણ છે સુનિતા વિલિયમ્સ?
સુનિતા વિલિયમ્સ 1987માં યુએસ નેવલ એકેડમીમાંથી સ્નાતક થયા બાદ નાસામાં જોડાયા હતા. 1998 માં, તેઓ નાસામાં અવકાશયાત્રી તરીકે પસંદ થયા. તેમના પિતા દીપક પંડ્યા 1958માં અમદાવાદથી અમેરિકામાં સ્થાયી થયા હતા. સુનીતાનો જન્મ 1965માં થયો હતો. યુએસ નેવલ એકેડમીમાંથી ગ્રેજ્યુએટ થયેલી સુનીતા વિલિયમ્સે ફાઈટર પ્લેન પણ ઉડાવ્યા છે. તેમની પાસે 30 પ્રકારના ફાઈટર એરક્રાફ્ટ પર ત્રણ હજાર કલાકથી વધુ ઉડ્ડયનનો અનુભવ છે.
આ પણ વાંચોઃ કેનેડામાં PR મળવા મુશ્કેલ બનશે, આ સ્કિમ હેઠળ વિઝાના નિયમોમાં મોટા ફેરફાર
સ્પેસ ટ્રાવેલનો સુનિતા વિલિયમ્સનો અનુભવ
તેણે એક વખત સ્પેસ ટ્રાવેલનો પોતાનો અનુભવ પણ શેર કર્યો હતો. તેમણે કહ્યું હતું કે પાણી અવકાશમાં ટકી શકતું નથી. પરપોટાની જેમ અહીં અને ત્યાં ઉડે છે. હાથ અને ચહેરો ધોવા માટે તેઓ તરતા પરપોટા પકડતા અને કપડા ભીના કરતા. ત્યાંનો ખોરાક પણ વિચિત્ર રીતે ખાવો પડતો હતો. બધા અવકાશયાત્રીઓ ડાઇનિંગ રૂમમાં જતા અને ઉડતા પેકેટો પકડતા. વાળને કાંસકો કરવાની જરૂર નહોતી, કારણ કે વાળ હંમેશા ત્યાં જ ઊભા રહે છે.
તેમણે કહ્યું હતું કે અવકાશમાં મુસાફરો સતત હવામાં તરતા રહે છે. જો તમારે ક્યાંક ઉભા રહીને કામ કરવું હોય તો તમારે તમારી જાતને બેલ્ટથી બાંધવી પડશે. સુનિતાએ માઈકલ વિલિયમ્સ સાથે લગ્ન કર્યા છે. માઈકલ વિલિયમ્સ ટેક્સાસમાં પોલીસ અધિકારી હતા.
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ADVERTISEMENT
ટોપ સ્ટોરીઝ
ADVERTISEMENT