તમારા કામનું / હવે ઘરે બેઠાં જ મળી જશે લૉન! એ કઇ રીતે? નહીં પડે કોઇ સિબિલ સ્કોરની જરૂર

જો ઈમરજન્સીમાં લોનની જરૂર પડે તો ડીમેટ એકાઉન્ટ પરથી લોન લઈ શકાય છે. શેર બજારમાં આજકાલ મોટાભાગે યુવાઓ રોકાણ કરે જ છે. સેબીના આંકડા અનુસાર દેશમાં 11 કરોડથી વધારે ડીમેટ એકાઉન્ટ ખોલવામાં આવી ચુક્યા છે.

તમારી પાસે પણ પોતાનું ડીમેટ એકાઉન્ટ હોય અને તેમાં શેર, સિક્યોરિટી, બોન્ડ અને ઈટીએફ જેવા વિકલ્પોમાં રોકાણ કર્યું છે તેમાંથી કોઈ પણ રોકાણ વિકલ્પના અવેજમાં તમે જ્યારે ઈચ્છો ત્યારે લોન લઈ શકો છો.

માની લો કે તમારે પોતાના શેરના બદલામાં લોન મેળવવી છે કે સરળતાથી પૈસા તમારા ખાતામાં આવી જાય અને શેરને બચાવવાની પણ જરૂર નહીં પડે. તેનાથી આગળ તમારા શેર ચડવા પર જે નફો થશે તે પણ યથાવત રહેશે.

સરળતાથી મળશે લોન

તમારૂ ડીમેટ એકાઉન્ટ કોઈને કોઈ બેંક સાથે લિંક થઈને ખોલવામાં આવે છે. જો તમે શેરના બદલામાં લોન લેવાની અરજી કરો છો તો બેંક તમારા શેરને કોલેટરલના રૂપમાં લે છે અને તેના અવેજમાં તમને પૈસા આપે છે. આ બધુ જ કામ એક જ બેંક કે નાણાકીય સંસ્થાન દ્વારા કરવામાં આવે છે. માટે તેની પ્રોસેસ ખૂબ જ સરળ થઈ જાય છે અને પૈસા જલ્દી તમારા ખાતામાં આવી જાય છે.

વધુ વાંચો: ડિપ્લોમેટિક પાસપોર્ટ શું છે? જેના આધારે વિશ્વના કોઇ પણ દેશમાં ભારતીયને મળી શકે છે આસાનીથી એન્ટ્રી!

બધા ફાયદા મળતા રહેશે

જ્યારે તમે શેરોના બદલામાં લોન લો છો તો તમારા ડીમેટ એકાઉન્ટમાં શેર તમારા અધિકારમાં જ રહે છે. ભલે તમે તેના પર લોન લીધી છે. તેની શેર પર મળતા અન્ય ફાયદા જેવા કે ડિવિડન્ટ, બોનસ અને રાઈટ તમને મળતા રહેશે. તેનો એક ફાયદો એ પણ છે કે સમયન સાથે તમારા શેરની કિંમત વધી તો તમે બાદમાં વધેલી કિંમત પર વેચીને લોનના પૈસા ત્યાંથી જ ચુકતા કરી શકો છો.