જાણવા જેવું / શું લાખો ડૉલરનું રોકાણ કરીને અમેરિકાનું ગ્રીન કાર્ડ મળી શકે? હા કે ના, જાણો વિગત

જેઓ અમેરિકામાં ઈન્વેસ્ટમેન્ટ કરીને ત્યાંનું ગ્રીન કાર્ડ મેળવવા માગે છે, તેમના માટે EB-5 વિઝા સૌથી શ્રેષ્ઠ વિકલ્પમ માનવામાં આવે છે.. EB-5 વિઝા એ H-1B વિઝાનો એક બહુ જોરદાર વિકલ્પ છે. તેમાં દર વર્ષે લગભગ 10,000 વિઝા આપવામાં આવે છે અને રોકાણ પર બહુ સારું વળતર પણ મળી રહે છે. આમાં જે તે વ્યક્તિએ કમ સે કમ 8 લાખ ડોલરનું રોકાણ અમેરિકામાં કરવું પડે છે અને તેના આ ઇન્વેસ્ટમેન્ટથી અમેરિકામાં ઓછામાં ઓછા બે વર્ષ માટે 10 ફુલટાઇમ જોબ ઉભી થવી જોઇએ તે જરૂરી છે.  અમેરિકાને આ વિઝા પ્રોગ્રામ બહુ ફળ્યો છે. EB-5 ટ્રેડ એસોસિયેશન મુજબ 2023ના પ્રથમ બે ક્વાર્ટરમાં ઓછામાં ઓછા 834 મિલિયન ડોલર ઈન્વેસ્ટ કરવામાં આવ્યા હતા. આ ફંડ દ્વારા કોમર્શિયલ રિયલ એસ્ટેટ અને ઈન્ફ્રા પ્રોજેક્ટને ડેવલપ કરવામાં આવ્યું હતું.

યોગ્ય આયોજનનો અભાવ હોય તો પરિણામ બહુ ખરાબ આવી શકે છે.

 EB-5 રિયલ એસ્ટેટ ઈન્વેસ્ટમેન્ટમાં કેટલાક જોખમો અને રિવોર્ડ પણ સામેલ હોય છે. તેથી ઈન્વેસ્ટરોએ પોતાના હિત સાચવવા માટે અવનવા ઉપાયો અજમાવવા પડે છે. EB-5માં તમે રિયલ એસ્ટેટમાં રોકાણ કર્યું હોત તો તેમાં જે ફાયદા છે તે અઢળક છે, પરંતુ તેમાં યોગ્ય આયોજનનો અભાવ હોય તો પરિણામ બહુ ખરાબ આવી શકે છે. EB-5 રિયલ એસ્ટેટમાં રોકાણ કરવામાં આવે તો તેના જોખમો સમજવા જરૂરી છે. જેમ કે માર્કેટમાં શિફ્ટ આવે, રેગ્યુલેટરી નિયમો બદલાય, પ્રોજેક્ટને લગતી મુશ્કેલીઓ હોય તો તે સફળ ઈન્વેસ્ટમેન્ટને પણ નુકસાન પહોંચાડી શકે છે. તેથી રિસ્ક એસેસમેન્ટ કરીને પછી જ રોકાણ કરવું જોઈએ.

આ પણ વાંચોઃ ઉનાળાની ગરમીને લઇ મહત્વનો નિર્ણય: હવેથી વંદે ભારતમાં યાત્રિકોને મળશે માત્ર આટલા લિટર પાણી

જોખમો તો હોય છે, પરંતુ સાથે  ફાયદા પણ હોય છે 

EB-5 રિયલ એસ્ટેટ ઈન્વેસ્ટમેન્ટથી કેટલા ફાયદા થાય છે તે પણ સમજી લેવા જરૂરી છે. આમાં કેટલાક જોખમો હોય છે પરંતુ તેની સાથે બહુ આકર્ષક વળતર પણ મળી શકે છે. EB-5નો મુખ્ય હેતુ અમેરિકામાં પર્મેનન્ટ રેસિડન્સી આપવાનો છે. જોકે, તેમાં કેટલાક વધારાના ફાયદા પણ હોય છે જેમ કે તેમાં ફાઈનાન્શિયલ ગ્રોથ અને નફાકારક રિટર્નનો રસ્તો ખુલી જાય છે. અમેરિકન બ્યૂરો ઓફ ઈકોનોમિક એનાલિસિસ કહે છે કે છેલ્લા કેટલાક વર્ષોથી અમેરિકામાં રિયલ એસ્ટેટમાં જોરદાર ગ્રોથ થયો છે અને દેશના જીડીપીમાં તે મહત્ત્વનું યોગદાન આપે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો