ન્યૂઝ અપડેટ્સ

logo

VTV / VTV વિશેષ / નવા વર્ષે અમિત શાહે ટૂંકામાં ઘણું કહી દીધું, તો આદિવાસી વિસ્તારોની મુલાકાતો પાછળનું શું છે ગણિત?

Inside Story / નવા વર્ષે અમિત શાહે ટૂંકામાં ઘણું કહી દીધું, તો આદિવાસી વિસ્તારોની મુલાકાતો પાછળનું શું છે ગણિત?

Published By: Nidhi Panchal
Reported By: Mehul Desai

Last Updated: 09:00 AM, 16 November 2026

logo

FOLLOW ON

logo

શેર કરો

logo logo logo
article-logo

એ નવા વર્ષના હૌને રામ રામ હોં ભઈ! ગાંધીનગરની કેટલીક ચટપટી વાતો લઈને આવી ગ્યો છું, પણ તમને તો જ કહું જો તમે નવા વર્ષે મને વચન આપો કે તમે કોઈને કહેશો નહીં! કારણ કે વાત એવી છે કે એક ધારાસભ્ય મંત્રી બનવા હવન કરી રહ્યા છે...

ADVERTISEMENT

અલ્યા, ગુજરાતમાં કંઈ બદલાવાનું નથી!

સોશિયલ મીડિયા પર વારંવાર એવી ચર્ચા થાય છે કે ગુજરાતના રાજકારણમાં કંઈક મોટું થવાનું છે. પીએમ મોદીની બેઠકો પછી તો આ ચર્ચાને હવા મળી છે. પરંતુ જો તમે કેન્દ્રીય ગૃહ મંત્રી અમિત શાહના નિવેદન પર ધ્યાન આપો તો સમજાય કે આ બધી માત્ર અફવાઓ છે. એક સભામાં સંબોધન કરતા અમિત શાહે કહ્યું ઉપર નરેન્દ્રભાઈ અને નીચે ભૂપેન્દ્રભાઈ એટલે કોઈ ચિંતા નથી. આમ, વિધાનસભાની ચૂંટણી પહેલા રાહ જોઈને બેઠેલા કેટલાક નેતાઓને અને અફવા ફેલાવતા લોકોને શાહે સાનમાં સંદેશો આપી દીધો!

કાળીચૌદસે કાળા કપડામાં હવન!

વાંચીને વિચિત્ર લાગે છે ને! પણ એક ધારાસભ્યે આવું કર્યું છે. જેનો ફોટો પણ સોશિયલ મીડિયા પર વાઈરલ છે. આમ તો ગાંધીનગરમાં એવું કહેવાય કે ધારાસભ્ય બનવા ઈચ્છતા નેતાઓ અને મંત્રી બનવા ઈચ્છતા ધારાસભ્યો પોતપોતાની રીતે હવન કરાવતા હોય છે, હવે આ નેતાજી ઓલરેડી ધારાસભ્ય છે, તો કાળીચૌદસે કાળા કપડામાં હવન કરાવીને શું તેઓ મંત્રી બનવાની ઈચ્છા ધરાવે છે?

અચાનક ‘આદિવાસી’ રાજકારણ!

સીએમ ત્રણ દિવસ આદિવાસી વિસ્તારોમાં રોકાશે. આ પહેલા ત્રણ મંત્રીજીઓને પણ આદિવાસી વિસ્તારોમાં મોકલવામાં આવ્યા હતા. નાયબ મુખ્યમંત્રી હર્ષ સંઘવી પણ આદિવાસી વિસ્તારની મુલાકાત લેતા રહે છે. પણ, આ બધું અચાનક નથી. સ્થાનિક સ્વરાજની ચૂંટણીમાં ભાજપને આદિવાસી વિસ્તારોમાં નુક્સાન થયું છે. હવે વિધાનસભામાં આ વાતનું પુનરાવર્તન ન થાય, તે માટે પ્રદેશ ભાજપે અત્યારથી જ કમર કસી લીધી છે.

શુભેચ્છા મુલાકાત કે રિમાઈન્ડર મુલાકાત?

દિવાળી બાદ હવે આજથી તો ગાંધીનગર પણ ધમધમી ઉઠ્યુ છે. પરંતુ દિવાળીની રજાઓમાં બનેલી કેટલીક ઘટનાઓ ધ્યાન ખેંચનારી છે. નવા વર્ષે પૂર્વ ધારાસભ્યો, વર્તમાન ધારાસભ્યો, મંત્રીઓ આગેવાનો અને અધિકારીઓ સીએમને નવા વર્ષની શુભેચ્છા પાઠવવા મળતા હોય છે, પરંતુ આ વખતે લાંબા સમયથી નિવૃત્ત થયેલા બે IAS પણ શુભેચ્છા આપવા પોહોંચ્યા હતા. આ અધિકારીઓ સરકારની ગુડબુકમાં ન હતા અને સરકારે પણ તેમની નિવૃત્તિ પછી કોઈ વિશેષ જવાબદારી નથી સોંપી ત્યારે શું આ એક રિમાઈન્ડર મુલાકાત હતી? કે, સાહેબ અમારું પણ કંઈક જોજો હોં!

આ પણ વાંચો : યુથ આઈકન બન્યા નાયબ મુખ્યમંત્રી હર્ષ સંઘવી, બીજી બાજુ CM નહીં બદલાવાનો આડકતરો ઈશારો! રાજકારણમાં નવી સરપ્રાઈઝ!

આકસ્મિક સંજોગો કે આયોજનબદ્ધ મુલાકાત?

રાજકારણમાં કશુંય અશક્ય નથી. નવા વર્ષે બનેલી એક ઘટના અનેક રાજકીય ચર્ચાઓ ઉભા કરી રહી છે. બેસતા વર્ષના દિવસે સીએમે ગાંધીનગર પંચદેવ મંદિરમાં દર્શન કરી દિવસની શરૂઆત કરી. નરેન્દ્ર મોદીથી શરૂ કરીને વિજય રૂપાણી સુધી અને ભૂપેન્દ્રભાઈએ પણ આ પરંપરા જાળવી રાખી છે. સામાન્ય રીતે સીએમ આવે ત્યારે બીજા કોઈ આગેવાનો દર્શન કરવા આવતા નથી. પરંતુ આ વખતે સીએમ જેવા દર્શન કરીને નીકળ્યા ત્યારે દૂધસાગર ડેરીના પૂર્વ ચેરમેન અને પૂર્વ ગૃહમંત્રી વિપુલ ચૌધરી મંદિરે દર્શન કરવા પહોંચ્યા હતા. હવે ચર્ચા એ શરૂ થઈ છે કે આ ખરેખર આકસ્મિક મુલાકાત હતી કે પછી....

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Gandhinagar Politics Amit Shah Gujarat BJP

Published by

Nidhi Panchal

media professional with nine years of expertise in frontline reporting and crafting compelling special stories.

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ