ન્યૂઝ અપડેટ્સ
VTV / મનોરંજન / બોલિવૂડ / કોન્સર્ટમાં રાહત ઇન્દોરીનો શેર સંભળાવી દિલજીત દોસાંઝે વિરોધીઓને આપ્યો જવાબ!
Last Updated: 10:24 AM, 16 November 2026
ADVERTISEMENT
જાણીતા પંજાબી સિંગર દિલજીત દોસાંજનો જાદુ હાલમાં તેમના 'ઓરા ઈન્ડિયા ટૂર 2026' દ્વારા સમગ્ર દેશને મંત્રમુગ્ધ કરી રહ્યો છે. આ પ્રવાસના ભાગરૂપે, તેમણે રવિવારે રાત્રે મધ્યપ્રદેશની વ્યાપારી રાજધાની ઈન્દોરમાં એક અત્યંત ઊર્જાસભર લાઈવ કોન્સર્ટ યોજ્યો હતો. જોકે, આ શો તેની ભવ્યતાને કારણે ચર્ચામાં રહ્યો, તો સાથે જ તે વિવાદો અને પ્રતિબંધોના ઘેરામાં પણ આવી ગયો હતો.
ADVERTISEMENT
બોમ્બની ખોટી ધમકીઓ અને વહીવટીતંત્ર દ્વારા લાદવામાં આવેલા વિવિધ પ્રતિબંધો છતાં, દિલજીતે મંચ પર હાજરી આપી અને પોતાના ચાહકોનું દિલ જીતી લીધું. કાર્યક્રમ દરમિયાન, તેમણે સ્વર્ગસ્થ કવિ રાહત ઈંદોરીની પ્રખ્યાત પંક્તિઓ સંભળાવી જેના દ્વારા તેમણે કોઈનું નામ લીધા વિના જ, પોતાની ટીકા કરનારાઓ અને વિરોધીઓને સચોટ જવાબ આપ્યો. આ ઘટનાનો એક વીડિયો હાલ સોશિયલ મીડિયા પર વાયરલ થઈ રહ્યો છે.
મહાકાલની ધરતી પર કોઇ નહીં રોકી શકતા
ADVERTISEMENT
ઈન્દોરના 'ડિલાઈટ દસ્તૂર' મેદાનમાં આયોજિત કોન્સર્ટની શરૂઆત ખૂબ જ ઉત્સાહ અને ઊર્જા સાથે થઈ. મંચ પર આવતાની સાથે જ, દિલજીત દોસાંજે સૌપ્રથમ ઉપસ્થિત ચાહકો સાથે મળીને 'જય શ્રી મહાકાલ'નો જયઘોષ કર્યો. તેમણે પ્રેક્ષકો સમક્ષ સ્પષ્ટ શબ્દોમાં કહ્યું કે આ બાબા મહાકાલની પવિત્ર નગરી છે અને અહીં આવતા તેમને કોઈ રોકી શક્યું ન હોત. પોતાની આગવી અને નિખાલસ શૈલીમાં દિલજીતે જણાવ્યું કે તેઓ ક્યારેય ડર્યા નથી અને અત્યારે પણ ડરતા નથી તેમજ તેમના ચાહકોની તાકાતને કારણે જ તેઓ આજે અહીં ઊભા રહીને પ્રદર્શન કરી શક્યા છે.
કોન્સર્ટ દરમિયાન, દિલજીતે ઉલ્લેખ કર્યો કે તેમને ઈન્દોર આવતા રોકવા માટે કેવા અને કેટલા પ્રયાસો કરવામાં આવ્યા હતા. પોતાના ચાહકોને સંબોધતા તેમણે કહ્યું કે, તેમને રોકવા માટે લાદવામાં આવેલા તમામ પ્રતિબંધો છતાં, તેઓ આપેલું વચન પાળવા માટે આ શહેરમાં આવી પહોંચ્યા છે. ગાયકે ભારપૂર્વક કહ્યું કે, એકવાર તેમણે જનતાને આવવાનું વચન આપી દીધું હતું, તો તેઓ તેમાંથી પીછેહઠ નહોતા કરવા માંગતા, તેના બદલે તેમણે તમામ અવરોધોને પાર કર્યા અને આજે તેમની સમક્ષ ઉપસ્થિત થયા છે.
ADVERTISEMENT
રાહત ઇન્દોરીના શેરોથી ફૂંક્યો જીવ
વહીવટીતંત્રે કોન્સર્ટ માટે કેટલાક પ્રતિબંધો લાદ્યા હતા, જેમાં ચાર ચોક્કસ ગીતો ન ગાવાની સૂચના પણ સામેલ હતી, આ બાબતે દિલજીત મંચ પર સ્પષ્ટપણે રોષે ભરાયા હતા. તેમણે ઈન્દોરના સ્વર્ગસ્થ દિગ્ગજ કવિ રાહત ઈન્દોરીની એક પ્રખ્યાત ગઝલની પંક્તિઓ સંભળાવીને સાંજનો આખો માહોલ જ બદલી નાખ્યો. પ્રતિબંધો પર કટાક્ષ કરતા તેમણે કહ્યું, "આ ન ગાઓ, પેલું ન ગાઓ; આ ન કરી શકો, પેલું ન કરી શકો... પણ અમારા હોઠોમાંથી જે કંઈ નીકળે છે, તે જ પરમ સત્ય છે."
ADVERTISEMENT
આગળની પંક્તિઓ બોલતા તેણે કહ્યું કે, જો કોઈ વિરોધ કરતું હોય તો કરવા દો, આમાં કોઈના જીવ જવાની વાત નથી; આખરે, આ તો માત્ર ધુમાડો છે, આખું આકાશ નથી. "આપણા વિરોધીઓ પણ કંઈ ઓછા શક્તિશાળી નથી, પરંતુ આપણાથી વિપરીત, તેઓ પોતાનો જીવ હથેળી પર લઈને નથી ફરતા" અને "ભારત કોઈના બાપનું નથી" જેવી પંક્તિઓ દ્વારા દિલજીતે પોતાના ટીકાકારોને એક ધારદાર મેસેજ આપ્યો.
આ પણ વાંચોઃ શૂટિંગને રિયલ બનાવવા આદિત્ય રોય કપૂરે ખરેખર પીધો દારૂ, પછી કંઈક એવું થયું કે અટકાવવું પડ્યું શૂટિંગ!
ADVERTISEMENT
ધમકિયોની વચ્ચે શોની તૈયારીઓ
નોંધનીય છે કે, ઈન્દોરમાં દિલજીત દોસાંજનો મેગા-કોન્સર્ટ યોજાવાનો હતો તે પહેલાં જ સુરક્ષા એજન્સીઓ અને વહીવટીતંત્ર હાઈ એલર્ટ પર આવી ગયા હતા. કાર્યક્રમમાં અવરોધ ઊભો કરવાના ઈરાદાથી, શહેરના મેયરની કચેરી, ત્રણ મોટી બેંકો અને ત્રણ ખાનગી શાળાઓને ઈમેલ દ્વારા બોમ્બ હુમલાની ધમકીઓ આપવામાં આવી હતી. ઝીણવટભરી તપાસ બાદ, આ સંદેશાઓ સંપૂર્ણપણે બનાવટી હોવાનું માલૂમ પડ્યું હતું. આ સ્પષ્ટતા થયા પછી જ, પોલીસની સઘન સુરક્ષા વચ્ચે કાર્યક્રમ યોજવાની મંજૂરી આપવામાં આવી હતી.
ADVERTISEMENT
સંકળાયેલા મુદ્દાઓ