ન્યૂઝ અપડેટ્સ
ન્યૂઝ અપડેટ્સ
VTV / મનોરંજન / 'પંચાયત'ની પાંચમી સિરીઝની રાહ જોતા ચાહકોને લાગ્યો મોટો ઝટકો, નિર્માતાઓએ કરી ચોંકાવનારી જાહેરાત
5 ફોટો ગેલેરી
Last Updated: 06:36 PM, 15 November 2026
FOLLOW ON
શેર કરો
1/5
લોકપ્રિય વેબ શ્રેણી 'પંચાયત'ની પાંચમી સિરીઝની આતુરતાપૂર્વક રાહ જોઈ રહેલા દર્શકો માટે એક નિરાશાજનક સમાચાર સામે આવ્યા છે. છેલ્લી ચાર સિરીઝે દર્શકોમાં ભારે ચર્ચા જગાવી હતી, જેમાં સચિવજી, બનરાકસ, પ્રધાનજી અને બિનોદ જેવા પાત્રોને ખૂબ જ પસંદ કરવામાં આવ્યા હતા. આ અપાર લોકપ્રિયતાને કારણે ચાહકો પાંચમી સિરીઝની કાગડોળે રાહ જોઈ રહ્યા હતા, પરંતુ નિર્માતાઓએ ચાહકોની આશાઓ પર પાણી ફેરવતા સ્પષ્ટ કર્યું છે કે આ વર્ષે 'પંચાયત'ની પાંચમી સિરીઝ પ્રસારિત નહીં થાય. આ ચોંકાવનારી જાહેરાત ખુદ સિરીઝના જાણીતા પાત્ર 'બનરાકસ' દ્વારા કરવામાં આવી છે.
આ તસવીર શેર કરો
2/5
છેલ્લા ઘણા સમયથી એવી અટકળો ચાલી રહી હતી કે 'પંચાયત'ની પાંચમી સિરીઝ વર્ષ 2026ના અંત સુધીમાં દર્શકો સમક્ષ આવી જશે. જોકે, નિર્માતાઓએ હવે સ્પષ્ટ કરી દીધું છે કે આ વર્ષે આ સિરીઝ રજૂ કરવામાં આવશે નહીં. એક અણધાર્યા ઘટનાક્રમમાં પ્રસારણ મંચ પર 'પંચાયત'ના બનરાકસ એટલે કે અભિનેતા દુર્ગેશ કુમારની ફૂલોનો હાર પહેરેલી અને હાથ જોડેલી એક તસવીર સામે આવી છે, જેના પર લખવામાં આવ્યું છે કે પંચાયતની પાંચમી સિરીઝ આ વર્ષે નહીં આવે.
આ તસવીર શેર કરો
ADVERTISEMENT
3/5
આ સંદેશે ચાહકોને તેમની મનપસંદ સિરીઝના ભવિષ્યને લઈને ભારે મૂંઝવણમાં મૂકી દીધા છે. પ્રસારણ મંચ તરફથી આવેલા આ રહસ્યમય સંદેશે અનેક અટકળોને જન્મ આપ્યો છે, જેના કારણે દર્શકો એ વિચારવા પર મજબૂર બન્યા છે કે આ અત્યંત લોકપ્રિય શ્રેણી નવી શ્રેણી સાથે પરત ફરશે કે કેમ. આ જાહેરાત જોઈને ચાહકો નિરાશ થયા છે અને બનરાકસને 'જાલિમ' કહીને પોતાની પ્રતિક્રિયા વ્યક્ત કરી રહ્યા છે.
આ તસવીર શેર કરો
4/5
'પંચાયત'ની ચોથી સિરીઝમાં દર્શકોએ જોયું હતું કે પ્રધાનજી એટલે કે રઘુબીર યાદવ અને મંજુ દેવી એટલે કે નીના ગુપ્તાએ પોતાનું પદ ગુમાવવું પડ્યું હતું, જેનાથી ફુલેરા ગામમાં નવા નેતૃત્વ માટેનો માર્ગ મોકળો થયો હતો.
આ તસવીર શેર કરો
ADVERTISEMENT
5/5
ચૂંટણી બાદ ક્રાંતિ દેવી એટલે કે સુનીતા રાજવાર નવા પ્રધાન બન્યા હતા અને તેમની સાથે તેમના પતિ ભૂષણ શર્મા એટલે કે 'બનરાકસ' પણ સત્તામાં આવ્યા હતા. સત્તાના આ નવા સમીકરણ બાદ હવે ફુલેરા ગામમાં 'બનરાકસના રાજ' વચ્ચે આગળ શું નવા વળાંકો આવશે તે પાંચમી સિરીઝમાં જોવા મળશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
