NRI / H-1B ધારકોને પરેશાન કરવા અમેરિકાને ભારે પડશે! 'ઈન્ડિયાસ્પોરા'ની ખુલ્લી ચેતવણી

અમેરિકામાં ચૂંટણીનો સમય ચાલી રહ્યો છે અને H-1B વિઝા પર કડક નિયમો લાવવાની વાતો થઈ રહી છે. આ બેકડ્રોપમાં ‘ઇન્ડિયાસ્પોરા’ નામની સંસ્થાએ ચેતવણી આપી છે કે ભારતીય પ્રોફેશનલને નિશાન બનાવવાથી અમેરિકી અર્થતંત્રને ગંભીર નુકસાન થઈ શકે છે.

સંસ્થાના કાર્યકારી નિર્દેશક સંજીવ જોશીપુરાએ કહ્યું, “ભારતથી આવેલા H-1B કર્મચારીઓએ અમેરિકાને વિશ્વમાં ઇનોવેશનનું લીડર બનાવવામાં મદદ કરી છે. તેમને અમેરિકી અર્થતંત્રમાં અબજો ડોલરનું યોગદાન આપ્યું છે. તેમને પાછા મોકલવાથી મોટા શહેરોથી લઈને નાના કસ્બાઓ સુધીના સમુદાયો પર ગંભીર અસર પડી શકે છે.”

સંસ્થાએ પ્રસ્તાવિત નવા નિયમો અંગે પણ ચિંતા વ્યક્ત કરી છે. આમાં હાઇ-ટેક અને હેલ્થકેર કંપનીઓ પાસેથી 1 લાખ ડોલરથી વધુની ફી લેવી, લોટરી સિસ્ટમની જગ્યાએ સેલરીના આધારે વિઝા આપવું અને નોકરી છૂટે ત્યારે મળતા 60 દિવસના સમયને રદ કરવાનો સમાવેશ થાય છે. તેમજ H-4 જીવનસાથીના વર્ક પરમિટ (EAD) રોકવા અને OPT તથા STEM એક્સટેન્શન પર 70,000 ડોલર સુધીની ફી લગાવવાની દરખાસ્તો પર પણ વાંધો ઉઠાવ્યો છે.

વધુ વાંચો : કેનેડામાં ખુલ્યો PRનો નવો રસ્તો, ભારતીય વર્કર્સને થશે સીધો ફાયદો! કેવી રીતે?

અમેરિકાના ઘણા પછાત અને ગ્રામીણ વિસ્તારોમાં ડોક્ટરો અને શિક્ષકોની તીવ્ર અછત છે. સ્થાનિક લોકોમાંથી તરત આ અછત પૂરી થઈ શકતી નથી. ભારત અને બીજા દેશોમાંથી આવેલા પ્રોફેશનલ આ વિસ્તારોમાં જઈને કામ કરે છે અને ત્યાંના લોકોને સારવાર તથા શિક્ષણની સુવિધા મળી રહે છે. જો તેમને રોકવામાં આવે તો આ વિસ્તારોની વ્યવસ્થા ઠપ થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ