7 ફોટો ગેલેરી

કામની વાત / ના મોટી બચતની દોડ, ના મોજમસ્તી સાથે સમાધાન, Gen Zની નવી થિયરી 'સોફ્ટ સેવિંગ'થી બદલાઈ રહી છે પૈસાની રમત

Last Updated: 04:18 PM, 15 November 2026

FOLLOW ON

શેર કરો

આજની Gen Z માટે પૈસા કમાવવાનો હેતુ માત્ર બેંક બેલેન્સ વધારવાનો નથી પરંતુ પોતાની શરતે જિંદગી જીવવાનો પણ છે. એટલે જ યુવાનો હવે બચતના પરંપરાગત નિયમોને બદલે 'સોફ્ટ સેવિંગ' તરફ વળી રહ્યા છે.

1/7

1. સોફ્ટ સેવિંગ

એક સમય હતો જ્યારે નોકરી શરૂ થતાં જ લોકોની પહેલી પ્રાથમિકતા બચત કરવાની રહેતી હતી. જેમાં પગાર આવે એટલે અમુક રકમ બેંકમાં જમા કરાવવી, ફિક્સ ડિપોઝિટ કરાવવી કે ભવિષ્ય માટે પૈસા ભેગા કરવા. પરંતુ હવે નવી પેઢીની વિચારસરણીમાં મોટો બદલાવ જોવા મળી રહ્યો છે. ખાસ કરીને Gen Z પૈસા બચાવવા માટેનો જૂનો અભિગમ છોડીને એક નવી રીત અપનાવી રહી છે, જેને 'સોફ્ટ સેવિંગ' કહેવામાં આવે છે.

આ તસવીર શેર કરો

2/7

2. શું છે સોફ્ટ સેવિંગ?

સોફ્ટ સેવિંગ એટલે બચતને એક કડક શિસ્ત ન બનાવવી. ભવિષ્ય માટે થોડું રાખવું, પણ આજની જીંદગીને પણ અવગણવી નહીં. મિત્રો સાથે ટ્રિપ, કોન્સર્ટ, થોડી શોપિંગ કે પોતાની પસંદગીની વસ્તુને પણ જરૂરી માનવામાં આવે છે. જેમાં પૂરી કમાણી બચાવવાની જગ્યાએ સંતુલન જાળવવાની વાત છે.

આ તસવીર શેર કરો

3/7

3. પરંપરાગત બચત

પરંપરાગત બચતમાં ભવિષ્ય સૌથી મહત્વનું હતું. નાની-મોટી ખુશીઓને પણ પોસ્ટપોંડ રાખવામાં આવતી. સોફ્ટ સેવિંગમાં આજ અને કાલ બંનેને સમાન વજન આપવામાં આવે છે. તેનો અર્થ એ નથી કે યુવાનો બિલકુલ નથી બચાવતા. તેઓ ઈમરજન્સી ફંડ અને લાંબા ગાળાની જરૂરિયાતો માટે પણ રકમ અલગ રાખે છે પણ દરેક ખુશીને “બાદમાં” માટે છોડી દેતા નથી.

આ તસવીર શેર કરો

4/7

4. વલણના કારણો

આ વલણના પાછળના કારણો સ્પષ્ટ છે. જેમાં મોંઘવારી, વધતું ભાડું, નોકરીની અનિશ્ચિતતા અને ઘર ખરીદવાની વધતી મુશ્કેલી. ઘણા યુવાનોને લાગે છે કે વધુ પડતી કડક બચત કર્યા છતાં મોટા ટાર્ગેટ સરળતાથી પૂરા નહીં થાય. આથી તેઓ આજની અનુભૂતિઓ અને યાદોને પણ મહત્વ આપે છે.

આ તસવીર શેર કરો

5/7

5. સોશિયલ મીડિયાનો પ્રભાવ

સોશિયલ મીડિયાનો પણ પ્રભાવ છે. જેમાં ટ્રાવેલ, લાઈફસ્ટાઈલ અને અનુભવોનું કન્ટેન્ટ જોઈને યુવાનો માત્ર બેંક બેલેન્સ વધારવા કરતાં જીંદગી જીવવાને વધુ પ્રાધાન્ય આપે છે. તેમના માટે સારી જીંદગી એટલે માત્ર આર્થિક સુરક્ષા નહીં પણ સારા અનુભવો અને યાદો પણ.

આ તસવીર શેર કરો

6/7

6. લાપરવાહી ખર્ચ

સોફ્ટ સેવિંગનો અર્થ લાપરવાહી ખર્ચ નથી. વગર પ્લાનના વધુ પડતું ખર્ચ કરવું એ સોફ્ટ સેવિંગ નથી. જેમા સાચો અર્થ છે કે બચત અને ખર્ચ વચ્ચે સમતોલન. ભવિષ્ય માટે તૈયારી પણ હોય અને આજની જીંદગી પણ સારી રીતે જીવાય.

આ તસવીર શેર કરો

7/7

7. વ્યાખ્યા બદલાઈ રહી છે

Gen Z ની બચતની વ્યાખ્યા બદલી રહી છે. તેમના માટે સફળતા માત્ર વધુ પૈસા જમા કરવામાં નથી, પણ પૈસાનો સમજદારીપૂર્વક ઉપયોગ કરવામાં છે. જેમાં આજને પણ જીવીને અને કાલ માટે પણ તૈયાર રહીને સેવિંગ કરાય છે.

આ તસવીર શેર કરો

સંકળાયેલા મુદ્દાઓ

Soft Saving Gen Z Financial Planning