અકસ્માત / રોડ પર પટકાતાં માસિયાઈ ભાઈના માથાં ફાટ્યાં, વિસાવદરમાં બાઈક અને કાર વચ્ચે ગમખ્વાર અકસ્માત

વિસાવદર તાલુકાના કુબા રાવણી ગામ પાસે બાઈક અને કાર વચ્ચે ગંભીર અકસ્માત સર્જાયો હતો જેમાં બે સગીરના ઘટનાસ્થળે જ મોત થયા હતા. બન્ને માસિયાઈ ભાઈ હતા.

કારની ટક્કરથી રોડ પર પટકાયા

વિરાજગીરી અતુલગીરી અને જેનીલગીરી બ્રિજેશગીરી નામના બંને સગીર ટુ-વ્હીલર પર સવાર થઈને કુબા ગામથી મેંદરડા તરફ જઈ રહ્યા હતા. આ દરમિયાન કુબા રાવણી ગામ નજીક સામેથી આવી રહેલી કાર અને તેમના ટુ-વ્હીલર વચ્ચે જોરદાર ટક્કર થઈ હતી. અકસ્માત એટલો ભયાનક હતો કે બંને સગીરને માથા અને શરીરના ભાગે ગંભીર ઈજાઓ પહોંચતા તેમણે ઘટનાસ્થળે જ દમ તોડ્યો હતો.

પરિવારમાં હૈયાફાટ રુદન

અકસ્માતમાં જીવ ગુમાવનારા વિરાજગીરી અને જેનીલગીરી બંને સંબંધમાં માસિયાઈ ભાઈ હતા. આ ઘટનાની જાણ થતાં જ પરિવારે હૈયાફાટ રુદન કર્યું હતું. એકસાથે બે સગીરના મોતથી કુબા રાવણી સહિત આસપાસના ગ્રામ્ય વિસ્તારોમાં શોકની લાગણી પ્રસરી ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ