6 ફોટો ગેલેરી

Report / 8મું પગાર પંચ ક્યારે આપશે રિપોર્ટ? સરકારી કર્મચારીઓના પગાર અને પેન્શનને લઈને આવ્યું નવું અપડેટ!

Last Updated: 02:51 PM, 15 November 2026

FOLLOW ON

શેર કરો

8મા પગાર પંચની ઓફિશિયલ વેબસાઇટ પર કેટલીક સૂચનાઓ અને માહિતી ઉપલબ્ધ છે. આ માધ્યમથી પંચે કર્મચારી સંગઠનો સાથે બેઠકો યોજીને તેમની માંગણીઓ સમજવાનો પ્રયાસ કર્યો છે અને એક નવું પ્લેટફોર્મ પણ રજૂ કર્યું છે.

1/6

1. થઇ પંચની રચના

કેન્દ્ર સરકાર દ્વારા 8મા પગાર પંચ માટે કરવામાં આવી રહેલી તૈયારીઓ પર લાખો કર્મચારીઓ અને પેન્શનરોની ચાંપતી નજર છે. જસ્ટિસ રંજના પ્રકાશ દેસાઈના અધ્યક્ષપદે રચાયેલું આ પંચ વિવિધ શહેરોમાં બેઠકોનો દોર યોજી રહ્યું છે. 3 નવેમ્બર, 2025ના રોજ આ પંચની રચના કરવામાં આવી હતી, તેને હવે એક વર્ષથી વધુ સમય વીતી ગયો છે.

આ તસવીર શેર કરો

2/6

2. ત્રણ સભ્યોની સમિતિની રચના

ટર્મ્સ ઓફ રેફરેન્સ અનુસાર, આ ત્રણ સભ્યોની સમિતિને તેની રચનાની તારીખથી કેન્દ્ર સરકારને પોતાનો અંતિમ અહેવાલ સુપરત કરવા માટે કુલ 18 મહિનાનો સમય આપવામાં આવ્યો છે. અહેવાલ સઘન અને વ્યવહારુ બને તે સુનિશ્ચિત કરવા માટે, આ પંચ દેશભરના કર્મચારીઓ અને પેન્શનધારકોનું પ્રતિનિધિત્વ કરતા સંગઠનો સાથે સતત સંવાદ કરી રહ્યું છે. અત્યાર સુધી થયેલી ચર્ચાઓ દરમિયાન, આયોગે નેશનલ કાઉન્સિલ - જોઈન્ટ કન્સલ્ટેટિવ મશીનરી (NC-JCM), ભારતીય પ્રતિરક્ષા ભારતીય પ્રતિરક્ષા મજૂર સંઘ (BPMS) અને ફેડરેશન ઓફ નેશનલ પોસ્ટલ ઓર્ગેનાઈઝેશન્સ (FNPO) જેવી મુખ્ય સંસ્થાઓ સાથે ઊંડાણપૂર્વક વિચાર-વિમર્શ કર્યો છે.

આ તસવીર શેર કરો

3/6

3. વિવિધ પ્રકારની માંગણીઓ રજૂ કરી

આ બેઠકો દેશના વિવિધ રાજ્યો અને કેન્દ્રશાસિત પ્રદેશોમાં યોજવામાં આવી હતી, જેમાં નવી દિલ્હી, લદ્દાખ, ઉત્તર પ્રદેશ અને પશ્ચિમ બંગાળનો સમાવેશ થાય છે. આ સત્રો દરમિયાન, આયોગ કર્મચારીઓ અને પેન્શનરો દ્વારા ઉઠાવવામાં આવેલી ચિંતાઓ અને મુદ્દાઓને સાંભળે છે, જેમણે વિવિધ પ્રકારની માંગણીઓ રજૂ કરી છે. ખાસ કરીને, યુનિયનોએ આયોગ સમક્ષ કેટલીક મહત્વપૂર્ણ માંગણીઓ મૂકી છે, જેમ કે ફિટમેન્ટ ફેક્ટર, લઘુત્તમ વેતન, ભથ્થાં અને પેન્શનમાં સુધારા સંબંધિત માંગણીઓ.

આ તસવીર શેર કરો

4/6

4. રિપોર્ટ પર શું આવી અપડેટ?

14 નવેમ્બર, 2026 સુધીમાં, કમિશનની અધિકૃત વેબસાઇટ 8cpc.gov.in પરના What's New વિભાગમાં ઉપલબ્ધ સૂચનાઓ અને અપડેટ્સ દર્શાવે છે કે, છેલ્લા કેટલાક મહિનાઓમાં કમિશને પોતાની વહીવટી અને સંશોધન ક્ષમતાઓને મજબૂત કરવા પર વિશેષ ધ્યાન કેન્દ્રિત કર્યું છે. વધુમાં, દેશભરના મુખ્ય શહેરોમાં યોજાયેલી બેઠકોએ માન્ય યુનિયનોને તેમના સૂચનો સીધા કમિશન સમક્ષ રજૂ કરવા માટે એક મંચ પૂરો પાડ્યો છે.

આ તસવીર શેર કરો

5/6

5. નિષ્ણાતોનું અનુમાન

આ વેબસાઇટ પર હજુ સુધી એવી કોઈ ચોક્કસ વિગતો આપવામાં આવી નથી કે કર્મચારીઓ માટે 'ફિટમેન્ટ ફેક્ટર' કેટલો વધી શકે છે, તેમના પગારમાં કેટલો વધારો થઈ શકે છે, અથવા 'મોંઘવારી ભથ્થું' (DA) મૂળ પગારમાં ભેળવી દેવામાં આવશે કે કેમ. આ અહેવાલ ક્યારે રજૂ કરવામાં આવશે તે અંગે પણ કોઈ માહિતી નથી. જોકે, નિષ્ણાતોનું અનુમાન છે કે 8મો પગાર પંચ આવતા વર્ષ સુધીમાં પોતાનો અહેવાલ રજૂ કરી શકે છે.

આ તસવીર શેર કરો

6/6

6. રિપોર્ટ પેશ કર્યા બાદ શું થશે ?

એકવાર 8મા પગાર પંચનો અહેવાલ રજૂ થઈ જાય, પછી તેને યુનિયન કેબિનેટ સમક્ષ મૂકવામાં આવશે, જે પગાર, પેન્શન કે ભથ્થાઓમાં સંભવિત ફેરફારો અંગે નિર્ણય લેશે. કર્મચારીઓના પગારમાં કેટલો વધારો થશે તેનો આધાર 'ફિટમેન્ટ ફેક્ટર', મોંઘવારી ભથ્થું (DA) અને ઘર ભાડા ભથ્થું (HRA) જેવા ઘટકોમાં કરવામાં આવતા ચોક્કસ ફેરફારો પર રહેશે.

આ તસવીર શેર કરો

સંકળાયેલા મુદ્દાઓ

pension hike update 8th pay commission Report employees salary