ન્યૂઝ અપડેટ્સ
ન્યૂઝ અપડેટ્સ
5 ફોટો ગેલેરી
Last Updated: 07:34 AM, 15 November 2026
FOLLOW ON
શેર કરો
1/5
ઘરની સુંદરતા વધારવા માટે બાલ્કની, અગાસી અને આંગણામાં છોડ લગાવવાનો ટ્રેન્ડ વધી રહ્યો છે. કેટલાક છોડ ઓછા સમયમાં ઘરને સુંદર અને આકર્ષક બનાવી દે છે. જોકે, છોડ પસંદ કરતી વખતે તેની સુંદરતાની સાથે વાસ્તુના નિયમોનું પણ ધ્યાન રાખવામાં આવે છે. વાસ્તુશાસ્ત્રમાં અમુક છોડને ઘરમાં રાખવા યોગ્ય માનવામાં આવતા નથી. એવી માન્યતા છે કે આ છોડ ઘરમાં નકારાત્મકતા, પરિવારના સભ્યો વચ્ચે તણાવ અને આર્થિક મુશ્કેલીઓનું કારણ બની શકે છે. તો જાણીએ એવા કયા 3 છોડ છે જેને ઘરમાં લગાવવાનું ટાળવું જોઈએ.
આ તસવીર શેર કરો
2/5
ઘરની સજાવટ માટે ઘણા લોકો કેક્ટસ સહિતના કાંટાવાળા છોડ લગાવવાનું પસંદ કરે છે. આવા છોડ ઓછા પાણીમાં પણ ઉગી શકે છે અને દેખાવમાં પણ અલગ લાગે છે. જોકે, વાસ્તુશાસ્ત્રમાં કાંટાવાળા છોડને ઘરમાં રાખવા શુભ માનવામાં આવતા નથી.વાસ્તુની માન્યતા પ્રમાણે કાંટાવાળા છોડ ઘરમાં નકારાત્મકતા વધારી શકે છે. તેની અસર પરિવારના વાતાવરણ પર પડી શકે છે. પરિવારના સભ્યો વચ્ચે નાની-નાની વાતોમાં મતભેદ, બોલાચાલી અને તણાવ વધવાની શક્યતા માનવામાં આવે છે. તેથી ઘરની અંદર કાંટાવાળા છોડ રાખવાનું ટાળવાની સલાહ આપવામાં આવે છે.જોકે, ગુલાબના છોડને આ નિયમથી અલગ રાખવામાં આવે છે. ગુલાબમાં કાંટા હોવા છતાં તેને ઘરમાં લગાવવો શુભ માનવામાં આવે છે. તેથી ઘરમાં ગુલાબનો છોડ લગાવી શકાય છે.
આ તસવીર શેર કરો
ADVERTISEMENT
3/5
બોન્સાઈના છોડ દેખાવમાં ખૂબ જ સુંદર હોય છે. નાના કુંડામાં ઉગતા આ છોડને ઘરની અંદર ઓછી જગ્યામાં પણ રાખી શકાય છે. ખાસ કરીને ઘરના ડ્રોઇંગ રૂમ, બાલ્કની અને ઓફિસમાં સજાવટ માટે લોકો બોન્સાઈ પસંદ કરે છે.પરંતુ વાસ્તુશાસ્ત્રમાં બોન્સાઈનો છોડ ઘરમાં રાખવાની સલાહ આપવામાં આવતી નથી. તેનું મુખ્ય કારણ એ છે કે આ છોડને ખાસ પદ્ધતિથી એક મર્યાદિત કદમાં જ રાખવામાં આવે છે. તેને કુદરતી રીતે મોટો થવા દેવામાં આવતો નથી.વાસ્તુની માન્યતા પ્રમાણે બોન્સાઈનો છોડ અટકેલી પ્રગતિ અને વિકાસ સાથે જોડવામાં આવે છે. એવું માનવામાં આવે છે કે ઘરમાં આ છોડ રાખવાથી વ્યક્તિની કારકિર્દી, નોકરી અને વ્યવસાયમાં આગળ વધવાની તક પર અસર થઈ શકે છે. આર્થિક વિકાસમાં પણ અડચણો આવવાની માન્યતા છે. તેથી ઘરમાં બોન્સાઈ રાખવાનું ટાળવાની સલાહ આપવામાં આવે છે.
આ તસવીર શેર કરો
4/5
કેટલાક છોડની ડાળી કે પાંદડું તોડવામાં આવે ત્યારે તેમાંથી સફેદ રંગનો દૂધ જેવો રસ નીકળે છે. આવા છોડને ઓળખવા પણ સરળ છે. બગીચામાં કે ઘરની આસપાસ જોવા મળતા કેટલાક છોડમાં આ પ્રકારનો રસ હોય છે.વાસ્તુશાસ્ત્ર અનુસાર દૂધ જેવો સફેદ રસ નીકળતા છોડને ઘરમાં લગાવવા શુભ માનવામાં આવતા નથી. એવી માન્યતા છે કે આવા છોડ ઘરમાં રાખવાથી પૈસાની તંગી વધી શકે છે. પરિવારને આર્થિક મુશ્કેલીઓનો સામનો કરવો પડી શકે છે અને દેવું વધવાની સ્થિતિ પણ સર્જાઈ શકે છે.આવી માન્યતાને ધ્યાનમાં રાખીને ઘરમાં છોડ લગાવતી વખતે તેની પસંદગી સાવધાનીપૂર્વક કરવાની સલાહ આપવામાં આવે છે. ખાસ કરીને જે છોડમાંથી સફેદ દૂધ જેવો રસ નીકળતો હોય તેને ઘરની અંદર રાખવાનું ટાળવું જોઈએ.
આ તસવીર શેર કરો
ADVERTISEMENT
5/5
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
