VIDEO / ખેડબ્રહ્મા-લક્ષ્મીપુરા રોડ પર બેફામ દારૂની હેરાફેરીનો વીડિયો વાયરલ, વીડિયો ઉતારતા જાગૃત નાગરિક પર બુટલેગરનો હુમલો!

ગુજરાતમાં દારૂબંધીના કડક કાયદા હોવા છતાં દારૂની હેરાફેરીના બનાવો સામે આવી રહ્યા છે. સાબરકાંઠા જિલ્લાના ખેડબ્રહ્મા-લક્ષ્મીપુરા રોડ પર ખુલ્લેઆમ દારૂની હેરાફેરી થતી હોવાનો એક વીડિયો સોશિયલ મીડિયામાં વાયરલ થયો છે.

વાયરલ વીડિયોમાં ટૂ-વ્હીલર પર દારૂની હેરાફેરી થતી હોવાનો દાવો કરવામાં આવી રહ્યો છે. આ દરમિયાન એક જાગૃત નાગરિકે સમગ્ર ઘટનાનો વીડિયો ઉતારવાનો પ્રયાસ કરતાં બુટલેગર દ્વારા તેમના પર હુમલો કરવામાં આવ્યો હોવાનો પણ આક્ષેપ સામે આવ્યો છે.

આ ઘટનાને પગલે સ્થાનિક વિસ્તારમાં ચર્ચા જાગી છે કે જો જાહેર માર્ગો પર આ રીતે દારૂની હેરાફેરી થતી હોય તો પોલીસ તંત્રની કામગીરી સામે સવાલો ઊભા થવા સ્વાભાવિક છે.

ગુજરાતમાં દારૂબંધીના કાયદાનો અમલ કરાવવાની જવાબદારી પોલીસ તંત્રની છે. ત્યારે ખેડબ્રહ્મા-લક્ષ્મીપુરા રોડ પર બનેલી આ ઘટનામાં પોલીસ દ્વારા ક્યારે કાર્યવાહી કરવામાં આવશે અને દારૂની હેરાફેરી કરતા તત્ત્વો સામે ક્યારે કડક પગલાં લેવાશે તે જોવું રહ્યું.

આ પણ વાંચોઃ ‘પ્રવાસીઓને સિંહ દર્શન કરાવવા રોકવામાં આવે છે’, આંબરડી સફારી પાર્કના વાયરલ વીડિયો પર ACFનો ખુલાસો

હવે મોટો સવાલ એ છે કે પોલીસ તંત્રને આ રીતે દારૂની હેરાફેરી કરતા તત્ત્વો ક્યારે દેખાશે? શું વાયરલ વીડિયો બાદ પોલીસ હરકતમાં આવશે?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ