ક્રિકેટ / ભારત કરશે 2029ની ચેમ્પિયન ટ્રોફી અને 2031 ODI વર્લ્ડ કપની મેજબાની, ICCનું મોટું એલાન

ઇન્ટરનેશનલ ક્રિકેટ કાઉન્સિલે (ICC) 2035 સુધી મુખ્ય પુરુષોની ક્રિકેટ ટૂર્નામેન્ટનું શિડ્યુઅલ જાહેર કરી દીધું છે. ICC બોર્ડે ઇન્ડોનેશિયાના બાલીમાં યોજાયેલી બેઠકો બાદ આ નિર્ણય લીધો છે. કેલેન્ડરમાં ODI વર્લ્ડ કપ, T20 વર્લ્ડ કપ, ચેમ્પિયન્સ ટ્રોફી અને વર્લ્ડ ટેસ્ટ ચેમ્પિયનશિપ (WTC) ફાઇનલનો સમાવેશ થાય છે.

🚨 ICC TOURNAMENT ROADMAP FOR 2033–2035! 🚨 The upcoming ICC calendar features a packed schedule of international cricket events. Five major tournaments are scheduled between June 2033 and November 2035. 🏏🏟️ #ICC | #Cricket | #CWC https://t.co/emaX0qG0xB

— CricFollow (@CricFollow56) November 15, 2026

ભારતને મળી બે મોટી ટૂર્નોમેન્ટની મેજબાની

આ જાહેરાત મુજબ, ભારત બે મુખ્ય ICC ટુર્નામેન્ટનું આયોજન કરશે. ભારત ઓક્ટોબર 2029 માં ચેમ્પિયન્સ ટ્રોફીનું આયોજન કરશે . ભારત અને બાંગ્લાદેશ સંયુક્ત રીતે 2031 માં ODI વર્લ્ડ કપનું આયોજન કરશે. આ ટુર્નામેન્ટ 9 ઓક્ટોબરથી 23 નવેમ્બર સુધી રમાશે.

T20 વર્લ્ડ કપનું શિડ્યુઅલ પણ નક્કી

ઓસ્ટ્રેલિયા અને ન્યુઝીલેન્ડ સંયુક્ત રીતે 2028માં T20 વર્લ્ડ કપનું આયોજન કરશે. આ ટુર્નામેન્ટ 12 ઓક્ટોબરથી 12 નવેમ્બર દરમિયાન રમાશે. આવૃત્તિ હશે. ઇંગ્લેન્ડ, આયર્લેન્ડ અને સ્કોટલેન્ડ 2030 માં સંયુક્ત રીતે T20 વર્લ્ડ કપનું આયોજન કરશે. આ ટુર્નામેન્ટ 4 જુલાઈથી 4 ઓગસ્ટ દરમિયાન યોજાશે. 2032 T20 વર્લ્ડ કપ 14 ઓક્ટોબરથી 14 નવેમ્બર દરમિયાન અને 2034 વર્લ્ડ કપ 6 જુલાઈથી 6 ઓગસ્ટ દરમિયાન યોજાવાનો છે.

ઇંગ્લેન્ડ WTC ફાઇનલનું આયોજન કરશે

ઇંગ્લેન્ડ 2029 અને 2031 WTC ફાઇનલનું આયોજન કરશે. 2029 ફાઇનલ 8-12 જૂન દરમિયાન અને 2031 ફાઇનલ 12-16 જૂન દરમિયાન રમાશે.

વધુ વાંચો : VIDEO : 'આપણે સિંહના સંતાન' ઉનામાં કોળી સમાજના સ્નેહ મિલનમાં પરુષોત્તમ સોલંકીનો આગવો અંદાજ

બે ચેમ્પિયન્સ ટ્રોફી ભારતમાં રમાશે

ભારતમાં 2029 માં ચેમ્પિયન્સ ટ્રોફી પછી , આગામી આવૃત્તિ 2033 માં યોજાશે. 2033 ની ટુર્નામેન્ટ 2 થી 23 ઓક્ટોબર દરમિયાન યોજાશે. જોકે, યજમાન દેશની હજુ સુધી જાહેરાત કરવામાં આવી નથી. ODI વર્લ્ડ કપની વાત કરીએ તો, આ ઇવેન્ટ આવતા વર્ષે દક્ષિણ આફ્રિકામાં યોજાનારી ટુર્નામેન્ટ પછી ઉપખંડમાં પાછી ફરશે. ભારત અને બાંગ્લાદેશ 2031માં સંયુક્ત રીતે તેનું આયોજન કરશે. ત્યારબાદ 2035નો ODI વર્લ્ડ કપ ઓક્ટોબર-નવેમ્બરમાં યોજાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ