જનતા જોગ / પાણી ભરી રાખજો, સોમવારે અમદાવાદના આ વિસ્તારોમાં પાણી નહીં આવે

અમદાવાદમાં આવતીકાલે એટલે કે સોમવારે કેટલા વિસ્તારોમાં પાણી કાપ રહેવાનો છે જેમાં બોડકદેવ, ગોતા, થલતેજ, બોપલ અને સરખેજ સહિતના બીજા વિસ્તારો સામેલ છે. જાસપુર વોટર ટ્રીટમેન્ટ પ્લાન્ટના સમારકામ માટે પાણી કાપ મૂકવામાં આવ્યો છે જોકે એકાદ દિવસમાં પાણીનો પુરવઠો ફરી ચાલુ થઈ જશે.

શું ખરાબી થઈ?

AMC દ્વારા જણાવ્યા પ્રમાણે, જાસપુર પ્લાન્ટ આધારિત લાઈન પૈકી લીલાપુર ગામ પાસે આવેલ લીલાપુર તળાવ નજીકની 1300 મીમી વ્યાસની લાઈનના સ્કાઉર વાલ્વનો સ્પીન્ડલ રોડ ખરાબ થઈ ગયો હોવાથી નવો સ્પીન્ડલ રોડ નાખવામાં આવશે. જ્યારે સરખેજ નેશનલ હાઈવે પર કેડીલા સર્કલથી APMC તરફ જતી 750 મીમી વ્યાસની એમ.એસ. ટ્રંકમેઈન લાઈન પર અંબર ટાવર- ક્લાસિક હોમ પાસે ડ્રેનેજ રી-હેબની કામગીરીમાં નડતરરૂપ લાઈન શિફ્ટિંગનું કામ હાથ ધરાશે.

આ પણ વાંચો : નાની દમણના દરિયામાં ભરતી આવતા ટાપુ પર ફસાયો પરિવાર, બે બાળકો સહિત 8 લોકોના જીવ જોખમાયા!

કયા વિસ્તારોમાં પાણીકાપ

ઉત્તર-પશ્ચિમ ઝોનના ગોતા, બોડકદેવ, થલતેજ, હેબતપુર, શીલજ, બોપલ-ઘુમા ઉપરાંત સરખેજ-મક્તમપુરા વોર્ડમાં સવારે પાણી પુરવઠો પુરો પાડ્યા બાદ બપોર પછી સપ્લાય બંધ કરી દેવામાં આવશે. જે બીજા દિવસે એટલે કે મંગળવારે 17 નવેમ્બરે સમારકામ બાદ જેટલું પાણી ઉપલબ્ધ હોય તેટલું આપવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ