ન્યૂઝ અપડેટ્સ
VTV / ગુજરાત / અમદાવાદના સમાચાર / કાફેમાં આવતા ગ્રાહકે આરોપીને MD ડ્રગ્સની લતે ચડાવ્યો, સરખેજની ફેક્ટરીમાં મોટા ઘટસ્ફોટ
Last Updated: 07:09 PM, 16 November 2026
ADVERTISEMENT
અમદાવાદના સરખેજમાં ઝડપાયેલી ડ્રગ્સ ફેક્ટરી મામલે NCBની તપાસમાં અનેક ચોંકાવનારી વિગતો સામે આવી છે. નશાની લત, યુવતીઓ પાછળ ખર્ચ અને દેવાના બોજમાંથી બહાર આવવા આરોપીએ ડ્રગ્સનું ગેરકાયદે ઉત્પાદન શરૂ કર્યું હોવાનું તપાસમાં ખુલ્યું છે.
ADVERTISEMENT
નશાની લત અને યુવતીઓ પાછળના ખર્ચને કારણે ધીમે ધીમે દેવામાં ડૂબ્યો
NCBની તપાસ મુજબ, આરોપીએ વર્ષ 2007 અને 2008 દરમિયાન કાફે શરૂ કર્યું હતું. કાફેમાં આવતા એક ગ્રાહકના સંપર્કમાં આવ્યા બાદ તે MD ડ્રગ્સના નશાની લતે ચડ્યો હતો. બીજી તરફ, આરોપી બિટકોઈનના વ્યવસાયમાં સારી કમાણી કરી ચૂક્યો હતો, પરંતુ નશાની લત અને યુવતીઓ પાછળના ખર્ચને કારણે ધીમે ધીમે દેવામાં ડૂબતો ગયો હતો.
ADVERTISEMENT

2024થી ડ્રગ્સની ફેક્ટરી શરૂ કરી હોવાનું તપાસમાં સામે આવ્યું
ADVERTISEMENT
દેવાના બોજમાંથી બહાર આવવા માટે આરોપીએ વર્ષ 2024થી ડ્રગ્સની ફેક્ટરી શરૂ કરી હોવાનું તપાસમાં સામે આવ્યું છે. ડ્રગ્સનું ઉત્પાદન કરીને તેનું વેચાણ કરી દેવું ચૂકવવાનો તેનો ઇરાદો હતો. જોકે, ડ્રગ્સના વેચાણમાંથી મળતા નાણાંનો ઉપયોગ પણ તે પોતાની ગર્લફ્રેન્ડ પાછળ કરતો હોવાની વિગતો તપાસમાં બહાર આવી છે.

ADVERTISEMENT
NCBએ આરોપીના એક દિવસના રિમાન્ડ મેળવ્યા
આ કેસમાં NCBએ આરોપીના એક દિવસના રિમાન્ડ મેળવ્યા છે. હવે તપાસ એજન્સી આરોપીના ડ્રગ્સ નેટવર્કની કડીઓ શોધવા પર ધ્યાન કેન્દ્રિત કરશે. ખાસ કરીને ગુજરાતમાં અન્ય કયા સ્થાનિક ડ્રગ્સ પેડલરો આ નેટવર્ક સાથે સંકળાયેલા છે તે દિશામાં પૂછપરછ અને તપાસ હાથ ધરવામાં આવશે.
ADVERTISEMENT

ગુજરાતમાં ફેલાયેલા ડ્રગ્સ નેટવર્કની પણ તપાસ
ADVERTISEMENT
આ ઉપરાંત રાજસ્થાન, મધ્યપ્રદેશ અને ગુજરાતમાં ફેલાયેલા ડ્રગ્સ નેટવર્કની પણ તપાસ કરવામાં આવશે. આરોપી સાથે જોડાયેલા અન્ય લોકો, ડ્રગ્સના સપ્લાય અને વેચાણની ચેનલ અંગે NCB વધુ વિગતો મેળવવાનો પ્રયાસ કરશે.
આ પણ વાંચોઃ હવે યુવા વર્ગમાં પક્કડ મજબૂત કરવા ભાજપે ખોલ્યું 'Gen Z' કાર્ડ, કાઉન્ટર પ્લાન તૈયાર
અન્ય લોકોનાં નામ પણ સામે આવે તેવી શક્યતા
સરખેજ ડ્રગ્સ ફેક્ટરી કેસમાં હવે NCBની તપાસનો વ્યાપ વધતા ડ્રગ્સના આંતરરાજ્ય નેટવર્કમાં સંકળાયેલા અન્ય લોકોનાં નામ પણ સામે આવે તેવી શક્યતા છે.
સંકળાયેલા મુદ્દાઓ
Vishal Khamar is Senior Sub-Editor at VTV Gujarati with 15+ years of digital journalism experience. He covers crime and civic issues.
વધુ વાંચો