ન્યૂઝ અપડેટ્સ
VTV / અજબ ગજબ / વિશ્વ / 13 નવેમ્બર 2026એ દુનિયાનો આવવાનો હતો અંત? 66 વર્ષ પહેલાં વૈજ્ઞાનિકોએ કરી હતી ભયાનક આગાહી, જાણો કેમ ખોટું પડ્યું ગણિત
Last Updated: 12:12 AM, 17 November 2026
ADVERTISEMENT
1960ના દાયકામાં વૈજ્ઞાનિકોએ એક એવી આગાહી કરી હતી જે આજે યાદ આવે તો હાસ્યાસ્પદ લાગે છે. ભૌતિકશાસ્ત્રી હેઈન્ઝ વોન ફોર્સ્ટરની આગેવાની હેઠળની ટીમે ‘ડૂમ્સડે સ્ટડી’ નામની રિસર્ચમાં કહ્યું હતું કે 13 નવેમ્બર 2026 સુધીમાં વિશ્વની વસ્તી અનંત સુધી પહોંચી જશે. એટલી બધી વસ્તી હશે કે લોકો એકબીજા નીચે કચડાઈને મૃત્યુ પામશે. ભૂખે નહીં પણ જગ્યાના અભાવે.
ADVERTISEMENT
આ આગાહી છેલ્લા બે હજાર વર્ષની વસ્તી વૃદ્ધિના ગાણિતિક મોડલ પર આધારિત હતી. તેમને માન્યું કે જો વસ્તી એ જ ઝડપે વધતી રહેશે તો એક દિવસ તે અનંત સુધી પહોંચી જશે. પણ 13 નવેમ્બર 2026 પસાર થઈ ગયું અને કંઈ નથી થયું. આપણે હજુ પણ સુરક્ષિત છીએ.
આ આગાહી ખોટી પડવાનું મુખ્ય કારણ એ છે કે 1960 પછી વિકસિત દેશોમાં જન્મદર ઘટવા લાગ્યો. યુદ્ધ પછીના સમયમાં બાળકોની સંખ્યા ઝડપથી વધી હતી પણ પછી તે ધીમી પડી. સંયુક્ત રાષ્ટ્રના અંદાજ મુજબ વિશ્વની વસ્તી 2085ની આસપાસ પોતાની સર્વોચ્ચ સીમા 10.3 અબજ સુધી પહોંચશે અને ત્યારબાદ સ્થિર થઈ શકે કે ઘટવા લાગે.
ADVERTISEMENT
ADVERTISEMENT
જોકે વસ્તીનો ખતરો ટળી ગયો હોય તો પણ બીજા ગંભીર પડકારો હજુ કાયમ છે. જેમાં કલાઈમેટ ચેન્જ, વૈશ્વિક તાપમાન વૃદ્ધિ, મહામારીઓ અને અણુ હથિયારોનો ભય હજુ પણ વિશ્વને ઘેરી રહ્યો છે. ‘ડૂમ્સડે ક્લોક’ આ ખતરાનું પ્રતીક છે. 2026ની શરૂઆતમાં તેને મીડનાઈટથી માત્ર 85 સેકન્ડ પહેલાં સેટ કરવામાં આવ્યું હતું જે અત્યાર સુધીનું સૌથી ચિંતાજનક સ્તર છે. જૂની આગાહીઓ ખોટી પડી શકે છે પણ વર્તમાન પડકારોને અવગણી શકાય તેમ પણ નથી.
ADVERTISEMENT
સંકળાયેલા મુદ્દાઓ