ન્યૂઝ અપડેટ્સ
VTV / વિશ્વ / અમેરિકામાં 530 ફ્લાઇટ્સ રદ અને 430 મોડી પડી, અનેક વિમાનો ઉડાન ન ભરી શકતાં હજારો મુસાફરો અટવાયા!
Last Updated: 08:40 AM, 15 November 2026
ADVERTISEMENT
અમેરિકામાં શુક્રવારથી શરૂ થયેલું ફ્લાઇટ સંકટ રવિવારે પણ યથાવત રહેવાની શક્યતા છે. એર ટ્રાફિક કંટ્રોલની સંચાર વ્યવસ્થામાં ખામી સર્જાતા દેશભરમાં હવાઈ સેવાઓને અસર થઈ છે. આ સમસ્યાને કારણે અનેક એરલાઈન્સને પોતાની ફ્લાઇટ્સ રદ કરવાની ફરજ પડી છે. બીજી તરફ, જે ફ્લાઇટ્સ રદ નથી થઈ તેમાં પણ કલાકો સુધીનો વિલંબ થઈ રહ્યો છે. એરલાઈન્સ હવે પોતાની સેવાઓ સામાન્ય કરવા માટે પ્રયાસ કરી રહી છે, પરંતુ વિમાનો, પાયલટ અને અન્ય ક્રૂ મેમ્બર્સનું સમયપત્રક ખોરવાઈ જતાં મુશ્કેલી વધી છે.
ADVERTISEMENT
અમેરિકાના ફેડરલ એવિએશન એડમિનિસ્ટ્રેશન (FAA)ના એર ટ્રાફિક કંટ્રોલ કમ્યુનિકેશન સિસ્ટમમાં ટેકનિકલ ખામી સર્જાઈ હતી. આ સિસ્ટમના આધારે વિમાનોની અવરજવર અને હવાઈ ટ્રાફિકનું સંચાલન કરવામાં આવે છે. તેમાં ખામી આવતાં દેશભરમાં ફ્લાઇટ સંચાલન પર અસર પડી હતી.શનિવારે સાંજ સુધીમાં અમેરિકામાં 6,150થી વધુ ફ્લાઇટ્સ રદ કરવામાં આવી હતી, જ્યારે 7,300થી વધુ ફ્લાઇટ્સ મોડી પડી હતી. આટલી મોટી સંખ્યામાં ફ્લાઇટ્સ પ્રભાવિત થતાં એરપોર્ટ પર મુસાફરોની ભીડ વધી ગઈ હતી. ઘણા મુસાફરોને કલાકો સુધી રાહ જોવી પડી હતી, જ્યારે કેટલાકની મુસાફરીના પ્લાન પણ ખોરવાઈ ગયા હતા.
ADVERTISEMENT
આ ટેકનિકલ ખામીની સૌથી વધુ અસર શુક્રવારે જોવા મળી હતી. તે દિવસે લગભગ 9,200 ફ્લાઇટ્સ રદ કરવામાં આવી હતી, જ્યારે 7,500થી વધુ ફ્લાઇટ્સ મોડી પડી હતી. સ્થિતિ એટલી ગંભીર બની હતી કે FAAએ ગ્રાઉન્ડ સ્ટોપનો આદેશ આપ્યો હતો.આ આદેશને કારણે લગભગ પાંચ કલાક સુધી મોટાભાગની ફ્લાઇટ્સનું સંચાલન અટકાવી દેવામાં આવ્યું હતું. 11 સપ્ટેમ્બર, 2001ના આતંકી હુમલા બાદ અમેરિકામાં હવાઈ મુસાફરી પર આટલી લાંબી અસર જોવા મળી નહોતી. શનિવારની સાંજ સુધીમાં રવિવારે ઉડાન ભરનારી 530થી વધુ ફ્લાઇટ્સ પણ રદ કરવામાં આવી હતી. એટલે કે એક દિવસની ટેકનિકલ ખામીની અસર બીજા દિવસની મુસાફરી પર પણ જોવા મળી રહી છે.
ADVERTISEMENT
અમેરિકાના ડેનવર ઇન્ટરનેશનલ એરપોર્ટ પર પણ ફ્લાઇટ સંકટની મોટી અસર જોવા મળી હતી. શનિવારે અહીં સેંકડો ફ્લાઇટ્સ રદ કરવામાં આવી હતી અથવા મોડી પડી હતી.મળતી માહિતી પ્રમાણે, ડેનવર એરપોર્ટથી ઉડાન ભરનારી ઓછામાં ઓછી 430 ફ્લાઇટ્સ મોડી પડી હતી, જ્યારે 380થી વધુ ફ્લાઇટ્સ રદ કરવામાં આવી હતી. જેના કારણે એરપોર્ટ પર મુસાફરોને ભારે હાલાકીનો સામનો કરવો પડ્યો હતો. ઘણા લોકો પોતાની આગળની કનેક્ટિંગ ફ્લાઇટ પણ પકડી શક્યા નહોતા.
ADVERTISEMENT

ADVERTISEMENT
FAAના વડાએ આ સમગ્ર સમસ્યાને કારણે મુસાફરોને પડેલી મુશ્કેલી બદલ માફી માગી છે. તેમણે જણાવ્યું હતું કે હાલ હવાઈ ટ્રાફિક વ્યવસ્થા સ્થિર છે, પરંતુ રવિવારની સાંજ સુધીમાં સેવાઓ સામાન્ય થઈ જાય તેવી શક્યતા ઓછી છે.એજન્સી ટેકનિકલ ખામી દૂર કરવા અને કામગીરીને ફરી સામાન્ય સ્થિતિમાં લાવવા માટે કામ કરી રહી છે. જોકે, ફ્લાઇટ્સ રદ થવા અને મોડી પડવાને કારણે એરલાઈન્સ સામે નવી મુશ્કેલી ઊભી થઈ છે. વિમાનો, પાયલટ અને અન્ય ક્રૂ મેમ્બર્સને ફરીથી યોગ્ય સમયપત્રક પ્રમાણે ગોઠવવા માટે સમય લાગી શકે છે. આથી ટેકનિકલ સમસ્યા દૂર થયા પછી પણ મુસાફરોને ફ્લાઇટમાં વિલંબનો સામનો કરવો પડી શકે છે.

ADVERTISEMENT
આ પણ વાંચોઃ અમેરિકામાં હવાઈ ઉડાનો પર લાગેલી રોક હટાવાઈ, ટ્રમ્પ પ્રશાસને કહ્યું ''આ સાયબર એટેક નહીં...''
અમેરિકાના પરિવહન વિભાગે આ સમસ્યા પાછળ એર ટ્રાફિક કંટ્રોલ સિસ્ટમના જૂના હાર્ડવેરને જવાબદાર ગણાવ્યું હતું. આ સિસ્ટમ લાંબા સમયથી ઉપયોગમાં હોવાથી તેમાં ટેકનિકલ ખામી સર્જાઈ હતી.સાથે જ જણાવવામાં આવ્યું હતું કે નવી એર ટ્રાફિક કંટ્રોલ સિસ્ટમ તૈયાર કરવા અને જૂની વ્યવસ્થાને બદલવા માટે વધુ ભંડોળની જરૂર છે. આ અંગે સરકાર દ્વારા સંસદ સમક્ષ પણ માંગ કરવામાં આવી રહી છે.આ સમગ્ર મામલે એક વાત સ્પષ્ટ કરવામાં આવી હતી કે આ કોઈ સાયબર એટેક નથી. એટલે કે કોઈ હેકિંગ કે બહારથી કરવામાં આવેલા હુમલાને કારણે ફ્લાઇટ સંકટ સર્જાયું નથી, પરંતુ જૂની ટેકનિકલ વ્યવસ્થામાં ખામી આવતાં હજારો મુસાફરોની મુસાફરી અટવાઈ ગઈ છે.
સંકળાયેલા મુદ્દાઓ