5 ફોટો ગેલેરી

ટેક ટિપ્સ / નવું રાઉટર નહીં, આ ટ્રિકથી 5 મિનિટમાં ફાસ્ટ કરો Wi-Fi!

Last Updated: 04:18 PM, 14 September 2026

FOLLOW ON

શેર કરો

જો તમે ધીમા Wi-Fi થી પરેશાન હોવ, તો નવું રાઉટર ખરીદતા પહેલા કેટલીક સરળ યુક્તિઓ અજમાવી જુઓ. યોગ્ય બેન્ડની પસંદગી કરવી, રાઉટરનું ફર્મવેર અપડેટ કરવું અને તેને યોગ્ય સ્થાને મૂકવાથી ઇન્ટરનેટની ઝડપમાં સુધારો થઈ શકે છે.

1/5

1. બફરિંગની સમસ્યા

જો તમારું Wi-Fi વારંવાર ધીમું પડી જતું હોય અથવા ઇન્ટરનેટ વાપરતી વખતે તમને બફરિંગની સમસ્યાનો સામનો કરવો પડતો હોય, તો તમારે તરત જ નવું રાઉટર ખરીદવાની જરૂર નથી. ઘણીવાર સમસ્યા રાઉટરમાં નહીં, પરંતુ તેના સેટિંગ્સ અથવા તેને મૂકવાની જગ્યામાં હોય છે.

આ તસવીર શેર કરો

2/5

2. રાઉટરનું સ્થાન

કેટલાક સરળ ફેરફારો કરીને તમે કોઈ પણ ખર્ચ કર્યા વિના Wi-Fi ની ઝડપ અને સ્થિરતામાં સુધારો કરી શકો છો. તમારે ફક્ત એ સમજવાની જરૂર છે કે, કયા ક્યા ડિવાઇસને Wi-Fi બેન્ડ સાથે જોડવા અને તમારા રાઉટર માટે શ્રેષ્ઠ સ્થાન કયું છે તે નક્કી કરવું.

આ તસવીર શેર કરો

3/5

3. ડિવાઇસના હિસાબથી પસંદ કરો Wi-Fi બેન્ડ

ગીગાહર્ટ્ઝનું ઊંચું રેટિંગ હંમેશાં વધુ સારી Wi-Fi સુવિધા સૂચવતું નથી. 2.4GHz Wi-Fi દિવાલો અને અન્ય અવરોધોને વધુ સરળતાથી પાર કરી શકે છે, જેનાથી દૂરના રૂમમાં પણ સારી રેન્જ મળે છે. તેથી, દરેક ઉપકરણને 5GHz અથવા 6GHz બેન્ડ સાથે જોડવું એ શ્રેષ્ઠ અભિગમ નથી. કયું ડિવાઇસ કયા બેન્ડ સાથે જોડાવું જોઈએ તેનો નિર્ણય રાઉટર પર છોડવાને બદલે તમારે જાતે લેવો જોઈએ.

આ તસવીર શેર કરો

4/5

4. 2.4GHz અને 5GHz આ રીતે કરો ઉપયોગ

તમારે 2.4GHz Wi-Fi નેટવર્કને બંધ ન કરવું જોઈએ. સ્માર્ટ પ્લગ, ટીવી રિમોટ કે પ્રિન્ટર જેવાં ઓછી બેન્ડવિડ્થની જરૂરિયાત ધરાવતાં ઉપકરણોને 2.4GHz બેન્ડ સાથે કનેક્ટ કરી શકાય છે. બીજી તરફ, ફોન, લેપટોપ અને ગેમિંગ કન્સોલ જેવાં વધુ ઝડપની જરૂરિયાત ધરાવતાં ઉપકરણોને 5GHz Wi-Fi નેટવર્ક સાથે કનેક્ટ કરવાં વધુ હિતાવહ છે. આ રીતે વિવિધ ઉપકરણો માટે યોગ્ય બેન્ડ પસંદ કરીને તમે તમારા Wi-Fi ના ઉપયોગને શ્રેષ્ઠ બનાવી શકો છો.

આ તસવીર શેર કરો

5/5

5. રાઉટર અપડેટ અને યોગ્ય જગ્યા છે જરુરી

રાઉટરના સોફ્ટવેર અથવા ફર્મવેરને અપડેટ કરવાથી પણ Wi-Fi સંબંધિત સમસ્યાઓ ઉકેલવામાં મદદ મળી શકે છે. જો રાઉટરમાં કોઈ ટેકનિકલ ખામી કે 'બગ' હોય, તો અપડેટ દ્વારા તે સુધારી શકાય છે. સામાન્ય રીતે આ પ્રક્રિયા રાઉટરના 'એડમિન પેજ' દ્વારા કરી શકાય છે, જોકે કેટલાક ઇન્ટરનેટ સર્વિસ પ્રોવાઇડર્સ યૂઝર્સને જાતે અપડેટ કરવાની સુવિધા આપતા નથી. આ ઉપરાંત, રાઉટરને ઘરની મધ્યમાં આવેલી ખુલ્લી જગ્યાએ અને થોડી ઊંચાઈ પર રાખવું જોઈએ. તેને જમીન પર કે બંધ કબાટની અંદર રાખવાનું ટાળવું જોઈએ.

આ તસવીર શેર કરો

સંકળાયેલા મુદ્દાઓ

technology Tips Slow Wi Fi Speed use These 3 Simple Tricks