ગુરુગ્રામ / VIDEO : કાર સવારે પીછો કરીને લેડી બાઈકરને મારી ટક્કર, રોડ પર ફરી ગઈ ફેરફૂદડી, જુઓ ખૌફનાક વીડિયો

ગુરુગ્રામમાં એક મહિલા બાઇકર સાથે હિટ એન્ડ રનની ઘટના બની છે. કાર માલિક મનીષે જણાવ્યું હતું કે તે કાર ચલાવતો ન હતો. તેણે ઉમેર્યું હતું કે તે સમયે તેનો મિત્ર કલ્યાણ કાર ચલાવી રહ્યો હતો. પોલીસે કાર માલિક મનીષના નિવેદનના આધારે આ મામલે તપાસ પણ શરૂ કરી છે. તપાસ ચાલુ છે. પોલીસ સમગ્ર મામલાની તપાસ કરે પછી જ સાચું સત્ય બહાર આવશે.

રસ્તા પર બાઇક ખેંચાઈ

રવિવારે, ગોલ્ફ કોર્સ રોડ પર એક કારે એક મહિલા બાઇકરની સ્પોર્ટ્સ બાઇકને ટક્કર મારી, જેના કારણે તે બાઇક પરથી પડી ગઈ અને તેને ઘણા મીટર સુધી ખેંચી ગઈ. કારમાં સવાર લોકો ઘટનાસ્થળેથી ભાગી ગયા.

મહિલાને ઇજાઓ પહોંચી

બાઇક ચલાવનાર યુવતીની ઓળખ સિયા તરીકે થઈ છે. રસ્તા પર પડી જવાથી તેણીને ઈજાઓ થઈ હતી. સિયાએ આ ઘટના તેના ઇન્સ્ટાગ્રામ પ્રોફાઇલ પર શેર કરી છે. સિયાના જણાવ્યા મુજબ, તે રવિવારે ગોલ્ફ કોર્સ રોડ પર તેના ગ્રુપ સાથે એપ્રિલિયા આરએસ 457 સ્પોર્ટ્સ બાઇક ચલાવી રહી હતી. તેણીએ આરોપ લગાવ્યો હતો કે સવારીની શરૂઆતથી જ કારમાં સવાર પુરુષો તેમનો પીછો કરી રહ્યા હતા.

મને બાઇક રોકવાનું કહેવામાં આવ્યું: સિયા

સિયાએ કહ્યું કે કાર તેની પાસે આવી અને તેમાં સવાર લોકોએ અભદ્ર વર્તન કરવાનું શરૂ કર્યું. તેણીએ તેમને અંતર રાખવા કહ્યું, પરંતુ તેઓએ તેને બાઇક રોકવાનું કહ્યું.સિયાનો આરોપ છે કે કારમાં સવાર લોકો નશામાં હોવાનું જણાય છે. થોડી વાર પછી, કારે ઓવરટેક કરતી વખતે તેની બાઇકને બાજુથી ટક્કર મારી.

વધુ વાંચો : સૌથી અમીર ધારાસભ્ય બન્યાં 'એક દિવસના ભિખારી', રોડ પર માંગીને ખાધું, કેમ કરવું પડ્યું આ કામ?

ઘટના બાઇક પર લગાવેલા કેમેરામાં કેદ થઈ

આ ઘટના તેની બાઇક પર લગાવેલા કેમેરામાં રેકોર્ડ થઈ હતી, જે તેણે સોશિયલ મીડિયા પર શેર કરી હતી. વીડિયોમાં સ્પષ્ટપણે દેખાય છે કે કાર તેને ટક્કર મારી રહી છે અને પછી તેને ખેંચી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ