સ્પોર્ટ્સ / મહિલા એશિયા કપ 2026: ફાઇનલમાં શ્રીલંકાને 72 રને કચડીને ભારતીય ટીમ બની ચેમ્પિયન

મહિલા એશિયા કપ 2026 ની ફાઇનલ મેચમાં ભારતીય મહિલા ક્રિકેટ ટીમે શાનદાર પ્રદર્શન કરતા શ્રીલંકાને 72 રનના વિશાળ માર્જિનથી પરાજય આપીને ઐતિહાસિક વિજય મેળવ્યો છે. આ જીત સાથે જ ભારતે 8મી વખત એશિયા કપની ટ્રોફી પોતાના નામે કરીને એશિયન ક્રિકેટના ઇતિહાસમાં સુવર્ણ અક્ષરે પોતાનું નામ અંકિત કર્યું છે.

શેફાલી-સ્મૃતિની વિસ્ફોટક ઓપનિંગ ભાગીદારી

ટોસ જીતીને પ્રથમ બેટિંગ કરવાનો નિર્ણય લેનાર ભારતીય ટીમ તરફથી ઓપનર શેફાલી વર્મા અને સ્મૃતિ મંધાનાએ ધમાકેદાર શરૂઆત અપાવી હતી. બંનેએ પ્રથમ વિકેટ માટે 129 રનની મજબૂત ભાગીદારી નોંધાવી હતી. શેફાલી વર્માએ માત્ર 39 બોલમાં 9 ચોગ્ગા અને 2 છગ્ગા સાથે 174 થી વધુના સ્ટ્રાઇક રેટથી 68 રનની તાબડતોડ ઇનિંગ રમી હતી. બીજી તરફ, સ્મૃતિ મંધાનાએ પણ 39 બોલમાં 5 ચોગ્ગા અને 3 છગ્ગાની મદદથી 59 રન બનાવ્યા હતા, પરંતુ કપ્તાન હરમનપ્રીત કૌર સાથે રન દોડવામાં થયેલી ભૂલને કારણે તે રન આઉટ થઈ હતી.

વધુ વાંચો :ટીમ ઈન્ડિયાના ખેલાડીઓની મુશ્કેલી વધશે? કોન્ટ્રાક્ટ માટે હવે માત્ર પ્રદર્શન નહીં, ફિટનેસ પણ ચકાસાશે

ભારતે આપ્યો 184 રનનો લક્ષ્યાંક

ઓપનર્સ આઉટ થયા બાદ કેપ્ટન હરમનપ્રીત કૌર (14) અને રિચા ઘોષ (17) મોટી ઇનિંગ રમવામાં નિષ્ફળ રહી હતી. જોકે, અંતિમ ઓવરોમાં જી. કમલિનીએ માત્ર 5 બોલમાં અણનમ 15 રન ફટકારીને ભારતનો સ્કોર નિર્ધારિત 20 ઓવરમાં 183 રન સુધી પહોંચાડ્યો હતો. 184 રનના આ પડકારજનક લક્ષ્યાંકનો પીછો કરવા ઉતરેલી શ્રીલંકન ટીમ ભારતીય બોલરોના શિસ્તબદ્ધ મારો સામે ટકી શકી નહોતી અને આખી ટીમ નિર્ધારિત ઓવરોમાં લક્ષ્યાંકથી ઘણી દૂર રહી ગઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ