ન્યૂઝ અપડેટ્સ
VTV / ગુજરાત / અન્ય જિલ્લા / વિસાવદરના રબારીકામાં કાળમુખી સિંહણનો આતંક, ખેતરમાં કામ કરતા 55 વર્ષીય ખેડૂતને ફાડી ખાતા અરેરાટી
Last Updated: 12:06 AM, 21 November 2026
ADVERTISEMENT
ગીર જંગલની સરહદને અડીને આવેલા વિસ્તારોમાં માનવ અને વન્યજીવો વચ્ચેના સંઘર્ષની વધુ એક હૃદયદ્રાવક ઘટના સામે આવી છે. જૂનાગઢ જિલ્લાના વિસાવદર તાલુકાના રબારીકા ગામની સીમમાં ખેતીકામ કરી રહેલા 55 વર્ષીય આધેડ ખેડૂત પર સિંહણે અચાનક હુમલો કરતા તેમનું ઘટનાસ્થળે જ કમકમાટીભર્યું મોત નીપજ્યું છે. આ બનાવના પગલે સમગ્ર પંથકમાં ભારે અરેરાટી સાથે ફફડાટ વ્યાપી ગયો છે.
ADVERTISEMENT

ADVERTISEMENT
મળતી માહિતી મુજબ રબારીકા ગામના 55 વર્ષીય ખેડૂત નિત્યક્રમ મુજબ પોતાના ખેતરમાં ખેતીકામમાં વ્યસ્ત હતા. આ દરમિયાન આસપાસની ઝાડીઓમાંથી અચાનક ધસી આવેલી એક સિંહણે તેમના પર જીવલેણ હુમલો કરી દીધો હતો. સિંહણના અચાનક થયેલા આ હુમલામાં ખેડૂતને બચવાની કોઈ તક મળી ન હતી અને ગંભીર ઈજાઓ પહોંચવાના કારણે તેમનું સ્થળ પર જ પ્રાણપંખેરું ઊડી ગયું હતું. ખેડૂતના અકાળે અવસાનથી તેમના પરિવાર પર આભ તૂટી પડ્યું છે અને સમગ્ર ગામમાં શોકની કાલીમા છવાઈ ગઈ છે.
ADVERTISEMENT
આ લોહીયાળ ઘટનાની જાણ થતાં જ સ્થાનિક ગ્રામજનો અને વન વિભાગનો કાફલો તાત્કાલિક રબારીકા ગામની સીમમાં દોડી આવ્યો હતો. વન વિભાગે મૃતદેહને પોસ્ટમોર્ટમ અર્થે ખસેડવાની તજવીજ હાથ ધરી હતી. બીજી તરફ, આ હુમલાખોર સિંહણ અન્ય કોઈ ગ્રામજન કે ખેડૂતને નિશાન ન બનાવે તે માટે વન વિભાગ દ્વારા વિસ્તારમાં અલગ-અલગ સ્થળોએ પાંજરા ગોઠવીને તેને પાંજરે પૂરવા માટે સઘન ઓપરેશન શરૂ કરવામાં આવ્યું છે.
આ પણ વાંચોઃ અમદાવાદના સરદારનગરમાં દારૂ પાર્ટી મામલે 4 લોકો સામે ગુનો દાખલ, ભાજપના ધારાસભ્યએ આપ્યો ખુલાસો
ADVERTISEMENT
વિસાવદર તાલુકાનો આ વિસ્તાર ગીર અભયારણ્યની ખૂબ જ નજીક આવેલો હોવાથી અહીં ખેતરો અને રહેણાંક વિસ્તારોમાં સિંહ, દીપડા સહિતના હિંસક વન્યપ્રાણીઓની અવરજવર સામાન્ય બની ગઈ છે. અગાઉ પણ આ પંથકમાં વન્યજીવોના હુમલાના બનાવો બની ચૂક્યા છે, ત્યારે વારંવાર બનતી આવી ઘટનાઓને પગલે ખેતરોમાં દિવસ-રાત મહેનત કરતા ધરતીપુત્રોમાં પોતાની સુરક્ષાને લઈને ભારે ચિંતા જોવા મળી રહી છે.
ADVERTISEMENT
સંકળાયેલા મુદ્દાઓ