ન્યૂઝ અપડેટ્સ
VTV / ગુજરાત / અન્ય જિલ્લા / વડનગરને નવી આધ્યાત્મિક ઓળખ મળશે, શંકરાચાર્ય સ્વામીજીએ CMને કહ્યું- `હાટકેશ્વર મહાદેવ મંદિરને ગુજરાતની કાશી બનાવો'
Last Updated: 10:03 PM, 20 November 2026
ADVERTISEMENT
વડનગર: ઐતિહાસિક, સાંસ્કૃતિક અને ધાર્મિક વારસાની અમૂલ્ય ધરોહર ધરાવતા વડનગરને હવે ગુજરાતના એક વિશિષ્ટ આધ્યાત્મિક કેન્દ્ર તરીકે વિકસાવવાની દિશામાં નવી પહેલ થવા જઈ રહી છે. કાંચી કામકોટી પીઠના શંકરાચાર્ય પૂજ્ય સ્વામી શંકર વિજયેન્દ્ર સરસ્વતીજીએ વડનગરને 'ગુજરાતનું કાશી' બનાવવાની ભાવના વ્યક્ત કરી છે. ખાસ કરીને વડનગરના પ્રસિદ્ધ હાટકેશ્વર મહાદેવ મંદિરને કેન્દ્રમાં રાખીને ભવ્ય આધ્યાત્મિક વિકાસની સંકલ્પના રજૂ કરવામાં આવી છે.
ADVERTISEMENT
વડનગર ખાતે આયોજિત વિશ્વ શાંતિ યજ્ઞના પવિત્ર અવસરે શંકરાચાર્ય સ્વામીજી અને ગુજરાતના મુખ્યમંત્રી ભૂપેન્દ્ર પટેલ વચ્ચે આ મહત્વપૂર્ણ વિચારણા અંગે ચર્ચા થઈ હતી. સ્વામીજીએ વડનગરના પ્રાચીન ધાર્મિક મહત્ત્વને ઉજાગર કરતાં હાટકેશ્વર મહાદેવ મંદિરને ગુજરાતના મુખ્ય શૈવ તીર્થધામ તરીકે વિકસાવવાની ભાવના વ્યક્ત કરી હતી.
ADVERTISEMENT
આ પણ વાંચોઃ અમદાવાદમાં નકલી નોટનું કૌભાંડ ઝડપાયું, ઘાટલોડિયા પોલીસે 2 આરોપીની કરી ધરપકડ
ધાર્મિક પરંપરા અને આધુનિક વિકાસનો સમન્વય
ADVERTISEMENT
હાટકેશ્વર મહાદેવ મંદિર વડનગરની ધાર્મિક આસ્થાનું મહત્વપૂર્ણ કેન્દ્ર છે. ભગવાન શિવ પ્રત્યેની અખૂટ શ્રદ્ધા સાથે જોડાયેલા આ મંદિરને વધુ સુવિધાસભર અને ભવ્ય સ્વરૂપ આપવાથી રાજ્યના વિવિધ વિસ્તારોમાંથી આવતા શ્રદ્ધાળુઓને લાભ મળી શકે છે. આ સંકલ્પનામાં મંદિરના ધાર્મિક મહત્ત્વની સાથે વડનગરના ઐતિહાસિક વારસા અને સાંસ્કૃતિક ઓળખને પણ વિશેષ સ્થાન મળી શકે છે.
સંકળાયેલા મુદ્દાઓ
Vishal Khamar is Senior Sub-Editor at VTV Gujarati with 15+ years of digital journalism experience. He covers crime and civic issues.