ન્યૂઝ અપડેટ્સ

logo

VTV / ગુજરાત / અન્ય જિલ્લા / ભાજપના શાસનમાં કોળી સમાજને દેશમાં સર્વોચ્ચ સ્થાન મળ્યું, રાષ્ટ્રપતિ કોળી સમાજમાંથી બન્યા હતાઃ હીરા સોલંકી

VIDEO / ભાજપના શાસનમાં કોળી સમાજને દેશમાં સર્વોચ્ચ સ્થાન મળ્યું, રાષ્ટ્રપતિ કોળી સમાજમાંથી બન્યા હતાઃ હીરા સોલંકી

Published By: Vishal Khamar

Last Updated: 04:51 PM, 18 November 2026

logo

FOLLOW ON

logo

શેર કરો

logo logo logo
article-logo

કોળી સમાજમાંથી મુખ્યમંત્રી બનાવવાની માગ પર ધારાસભ્ય હીરા સોલંકીએ આપી સ્પષ્ટતા. રામનાથ કોવિંદને રાષ્ટ્રપતિ બનાવ્યાનો ઉલ્લેખ કરી પરષોત્તમ સોલંકીના નિવેદન પર પણ આપી પ્રતિક્રિયા.

ADVERTISEMENT

ગુજરાત વિધાનસભાની આગામી ચૂંટણીને હજુ એક વર્ષથી વધુ સમય બાકી છે, પરંતુ રાજ્યના રાજકારણમાં અત્યારથી જ મુખ્યમંત્રી પદ અને સમાજના રાજકીય પ્રતિનિધિત્વને લઈને ચર્ચાઓ શરૂ થઈ ગઈ છે. દ્વારકાના ભાજપના ધારાસભ્ય પબુભા માણેકે કોળી સમાજમાંથી મુખ્યમંત્રી હોવા જોઈએ તેવું નિવેદન આપ્યા બાદ રાજકીય માહોલ ગરમાયો છે. રાજ્ય સરકારના મંત્રી પરસોત્તમ સોલંકીએ આ નિવેદનને સમર્થન આપ્યું હતું. હવે રાજુલાના ધારાસભ્ય હિરા સોલંકીએ પણ આ મુદ્દે પોતાની પ્રતિક્રિયા આપી છે.

હિરા સોલંકીએ પબુભા માણેકના નિવેદનને યોગ્ય ગણાવતાં કહ્યું હતું કે, સમાજને હજુ વધુ મોટું સ્થાન મળવું જોઈએ. જોકે, મુખ્યમંત્રી કોને બનાવવા તે નિર્ણય ભાજપનું મોવડીમંડળ જ લેતું હોય છે.

ભાજપના શાસનમાં કોળી સમાજને ઉચ્ચ સ્થાન મળ્યું છે: હિરા સોલંકી

કોળી સમાજમાંથી મુખ્યમંત્રી બનાવવાની માગ વચ્ચે ભાજપના ધારાસભ્ય હીરા સોલંકીએ સમગ્ર મુદ્દે પોતાની સ્પષ્ટતા રજૂ કરી છે. તેમણે જણાવ્યું હતું કે મુખ્યમંત્રી કોને બનાવવા તે નિર્ણય પક્ષ દ્વારા લેવામાં આવે છે. ભાજપના શાસનમાં કોળી સમાજને દેશના ઉચ્ચ પદ પર સ્થાન આપવામાં આવ્યું હોવાનું જણાવતાં તેમણે પૂર્વ રાષ્ટ્રપતિ રામનાથ કોવિંદનું ઉદાહરણ આપ્યું હતું. હીરા સોલંકીએ કહ્યું કે કોળી સમાજમાંથી આવતા રામનાથ કોવિંદને દેશના રાષ્ટ્રપતિ બનાવવામાં આવ્યા હતા. બીજી તરફ, પરષોત્તમ સોલંકીના નિવેદન અંગે પ્રતિક્રિયા આપતાં તેમણે કહ્યું કે દરેક વ્યક્તિના વિચારો અલગ-અલગ હોય છે. ભાઈએ જે વાત કરી છે તે મુજબ સમાજને હજુ પણ વધુ મળવું જોઈએ. આમ, કોળી સમાજને વધુ રાજકીય પ્રતિનિધિત્વ આપવાની માગને લઈને હીરા સોલંકીએ પક્ષની ભૂમિકા અને સમાજની અપેક્ષાઓ બંને અંગે પોતાનો અભિપ્રાય વ્યક્ત કર્યો છે.
પબુભા માણેક અને પરસોત્તમ સોલંકીના નિવેદન અંગે હિરા સોલંકીએ કહ્યું હતું કે, "ભાઈએ જે વાત કરી છે તે બરાબર છે. દરેકના વિચારો અલગ-અલગ હોય છે. સમાજને હજુ મોટું સ્થાન મળવું જોઈએ. દરેક સમાજની આવી લાગણી હોય છે અને તે થવું પણ જોઈએ. જોકે, મુખ્યમંત્રી અંગેનો અંતિમ નિર્ણય તો પાર્ટીનું મોવડીમંડળ જ લેતું હોય છે."

પબુભા માણેકે કોળી સમાજના મુખ્યમંત્રીની કરી હતી માંગ

ઉલ્લેખનીય છે કે, દ્વારકામાં કોળી સમાજની વાડી ખાતે 12 નવેમ્બરે યોજાયેલા માતાજીના માંડવાના પ્રસંગમાં પબુભા માણેકે કોળી સમાજના રાજકીય સ્થાન અંગે નિવેદન આપ્યું હતું. આ પ્રસંગે રાજુલાના ધારાસભ્ય હિરા સોલંકી પણ ઉપસ્થિત હતા.

પબુભા માણેકે કહ્યું હતું કે, ગુજરાતના મુખ્યમંત્રી પણ કોળી સમાજના હોવા જોઈએ. તેમણે કોળી સમાજને ગુજરાતમાં બીજા નંબરનો મોટો સમાજ ગણાવી યુવાનોને જાગૃત થવાની અપીલ કરી હતી. તેમણે કહ્યું હતું કે, અગાઉના વડીલોએ પણ સમાજ માટે સારાં કામ કર્યાં છે, પરંતુ હવે યુવાનોએ આગળ આવીને પોતાની તાકાત અને એકતા બતાવવાની જરૂર છે.

પરસોત્તમ સોલંકીનું પણ નિવેદનને સમર્થન

પબુભા માણેકના નિવેદન બાદ રાજ્ય સરકારના મંત્રી અને કોળી સમાજના અગ્રણી નેતા પરસોત્તમ સોલંકીએ પણ ખુલ્લેઆમ સમર્થન આપ્યું હતું. ગાંધીનગરમાં આ મુદ્દે પ્રતિક્રિયા આપતાં તેમણે કહ્યું હતું કે, પબુભા માણેકે જે વાત કરી છે તેને તેમનું સંપૂર્ણ સમર્થન છે. પરસોત્તમ સોલંકીએ વધુમાં જણાવ્યું હતું કે, સમાજના પ્રમાણમાં કોળી સમાજને પણ સત્તા અને રાજકારણમાં મોટું સ્થાન મળવું જોઈએ. આ સાથે તેમણે આશા વ્યક્ત કરતાં કહ્યું હતું કે, "આનું પરિણામ મળશે, મળશેને મળશે."

આ પણ વાંચોઃ ગુજરાતમાં પ્રદૂષણ સંબંધિત આરોગ્ય વીમા દાવા 3 વર્ષમાં 3.7 ગણા વધ્યા, ₹7.26 કરોડનું વળતર ચૂકવાયું

ચૂંટણી પહેલાં કોળી સમાજના રાજકીય પ્રતિનિધિત્વની ચર્ચા તેજ

પબુભા માણેકના નિવેદનથી શરૂ થયેલી ચર્ચાને પરસોત્તમ સોલંકી અને હિરા સોલંકીનું સમર્થન મળતાં ગુજરાતના રાજકારણમાં કોળી સમાજના રાજકીય પ્રતિનિધિત્વનો મુદ્દો ફરી કેન્દ્રસ્થાને આવ્યો છે. જોકે, ભાજપના નેતૃત્વ દ્વારા મુખ્યમંત્રી પદ અંગે કોઈ નિર્ણય કે સંકેત આપવામાં આવ્યો નથી. તેમ છતાં, આગામી વિધાનસભા ચૂંટણી પહેલાં કોળી સમાજને સત્તામાં વધુ મહત્વ અને ઉચ્ચ રાજકીય સ્થાન આપવાની માંગ ભાજપ માટે રાજકીય ચર્ચાનો મહત્વનો વિષય બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Koli CM Demand Koli Community Hira Solanki

Published by

Vishal Khamar

Vishal Khamar is Senior Sub-Editor at VTV Gujarati with 15+ years of digital journalism experience. He covers crime and civic issues.

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ