ન્યૂઝ અપડેટ્સ

logo

VTV / ભારત / ટ્રમ્પે PM મોદીના કર્યા ભરપૂર વખાણ, કહ્યું- 'મોદી અત્યંત કડક વ્યક્તિ છે', આગામી 12 મહિનામાં અમેરિકા દુનિયાને ચોંકાવશે

મોટા સંકેત / ટ્રમ્પે PM મોદીના કર્યા ભરપૂર વખાણ, કહ્યું- 'મોદી અત્યંત કડક વ્યક્તિ છે', આગામી 12 મહિનામાં અમેરિકા દુનિયાને ચોંકાવશે

Published By: Pravin Joshi

Last Updated: 10:50 PM, 17 November 2026

logo

FOLLOW ON

logo

શેર કરો

logo logo logo
article-logo

ક્વાડ શિખર સંમેલનમાં અમેરિકી રાષ્ટ્રપતિ ડોનાલ્ડ ટ્રમ્પે PM મોદીને અત્યંત કડક નેતા ગણાવતા સંયુક્ત સૈન્ય અભ્યાસ, વર્ષ 2027માં આર્થિક બેઠક અને આગામી 12 મહિનામાં દુનિયાને ચોંકાવી દેનારા મોટા કાર્યો કરવાની જાહેરાત કરી છે.

ADVERTISEMENT

અમેરિકાના રાષ્ટ્રપતિ ડોનાલ્ડ ટ્રમ્પે ક્વાડ શિખર સંમેલનમાં ભારતના વડાપ્રધાન નરેન્દ્ર મોદીની ભરપૂર પ્રશંસા કરી છે. ટ્રમ્પે વડાપ્રધાન મોદીને અત્યંત કડક અને મજબૂત વ્યક્તિ ગણાવ્યા છે. આ સાથે જ તેમણે જણાવ્યું હતું કે આ વર્ષ અમારા માટે ઘણું મહત્વપૂર્ણ રહ્યું છે. ફિલિપાઈન્સની રાજધાની મનીલા ખાતે ક્વાડ દેશોના નેતાઓ સાથેની બેઠકમાં અમેરિકી રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીના વખાણ કરતા તેમને 'ખૂબ જ કડક વ્યક્તિ' ગણાવ્યા હતા. ટ્રમ્પે કહ્યું કે વડાપ્રધાન મોદી અત્યંત મજબૂત વ્યક્તિત્વ ધરાવતા નેતા છે અને તેમની સાથે અમેરિકાના ખૂબ જ સારા સંબંધો છે. આ દરમિયાન ટ્રમ્પે જાહેરાત કરી હતી કે ક્વાડના સભ્ય દેશો સાથે મળીને સંયુક્ત સૈન્ય યુદ્ધાભ્યાસ કરશે. આ ઉપરાંત તેમણે દાવો કર્યો હતો કે અમેરિકા પાસે વિશ્વની સૌથી શક્તિશાળી સબમરીન છે. ટ્રમ્પે વધુમાં જણાવ્યું કે આગામી 12 મહિનામાં અમેરિકા દુનિયાને ચોંકાવી દે તેવા કાર્યો કરવા જઈ રહ્યું છે. અમે ખૂબ જ મોટું કામ કરી રહ્યા છીએ અને પુરવઠા શૃંખલાને વધુ મજબૂત બનાવીશું.

આ તમામ ખૂબ જ શાનદાર લોકો છે: ટ્રમ્પ

વડાપ્રધાન મોદીની પ્રશંસા કરતા અમેરિકી રાષ્ટ્રપતિ ટ્રમ્પે કહ્યું, તેઓ ખૂબ જ કડક વ્યક્તિ છે. શક્ય છે કે જાપાનના વડાપ્રધાન સનાએ તાકાઈચી તેમના કરતા પણ વધુ કડક હોય, અને અમે પણ સારા છીએ. ટ્રમ્પે આગળ ઉમેર્યું કે, આ નેતાઓ અને આ દેશો સાથે અમારા શરૂઆતથી જ ખૂબ જ સારા સંબંધો રહ્યા છે. હું ઘણા લાંબા સમયથી આ ત્રણેય નેતાઓ સાથે જોડાયેલો રહ્યો છું. આ તમામ ખૂબ જ શાનદાર લોકો છે અને મારા મિત્રો છે, જેનાથી ઘણી મદદ મળે છે.

આ વર્ષ અમારા માટે ઘણું મહત્વપૂર્ણ: ટ્રમ્પ

ક્વાડ નેતાઓ સાથેની બેઠકમાં ડોનાલ્ડ ટ્રમ્પે જણાવ્યું હતું કે, આ વર્ષ અમારા માટે અત્યંત મહત્વપૂર્ણ રહ્યું છે. ક્વાડ સંગઠનનો પુનરુદ્ધાર થયો છે, અમારો સહયોગ વધ્યો છે અને અમારી મિત્રતા વધુ ગાઢ બની છે. અમે બધા મિત્રો છીએ, જેના કારણે બાબતો ઘણી સરળ બની જાય છે. આ દેશો વિશ્વની કેટલીક સૌથી મહત્વપૂર્ણ ભાગીદારીનું પ્રતિનિધિત્વ કરે છે. અમે દુનિયાના સૌથી સફળ દેશોમાંના એક છીએ અને કેટલીક બાબતોમાં વિશ્વના સૌથી શક્તિશાળી દેશોમાં પણ સામેલ છીએ. અમારા દેશો એક સ્વતંત્ર, ખુલ્લા, સ્થિર અને અત્યંત સમૃદ્ધ હિંદ-પ્રશાંત ક્ષેત્રના ચાર મુખ્ય આધારસ્તંભ છે. અમારા સંબંધો ખૂબ જ ઉત્તમ છે અને અમે પ્રાદેશિક સુરક્ષા તથા આર્થિક કૂટનીતિના મુદ્દાઓ પર સાથે મળીને કામ કરીએ છીએ.

વર્ષ 2027માં યોજાશે ક્વાડ દેશોની આર્થિક બેઠક

ટ્રમ્પે કહ્યું કે ભારત, અમેરિકા, જાપાન અને ઓસ્ટ્રેલિયા વચ્ચે બનેલા ક્વાડ જૂથના તમામ દેશો સાથે તેમના સારા સંબંધો છે. અમેરિકા આ જૂથમાં મોટા પાયે રોકાણ કરશે. તેમણે એવી પણ માહિતી આપી હતી કે વર્ષ 2027માં ક્વાડ દેશોની આર્થિક બેઠકનું આયોજન કરવામાં આવશે. ટ્રમ્પના આ નિવેદનોને ક્વાડના સભ્ય દેશો વચ્ચે સંરક્ષણ, સુરક્ષા અને આર્થિક સહયોગને વધુ મજબૂત બનાવવાની દિશામાં અત્યંત મહત્વપૂર્ણ માનવામાં આવી રહ્યા છે.

વધુ વાંચો : IPL 2027: મિચેલ સ્ટાર્ક, ટ્રેવિસ હેડ સહિત અનેક દિગ્ગજો ટીમમાંથી બહાર, જાણો તમામ ટીમોની સંપૂર્ણ યાદી

ઉલ્લેખનીય છે કે ક્વાડ એ ભારત, અમેરિકા, જાપાન અને ઓસ્ટ્રેલિયા એમ ચાર દેશોનું એક વ્યૂહાત્મક જૂથ છે. આ બેઠક આજે ફિલિપાઈન્સની રાજધાની મનીલા શહેરમાં યોજાઈ હતી. ક્વાડ શિખર સંમેલનનો મુખ્ય ઉદ્દેશ્ય હિંદ-પ્રશાંત ક્ષેત્રમાં પરસ્પર સહયોગ વધારવાનો અને પ્રાદેશિક સુરક્ષા તેમજ સ્થિરતાને મજબૂત બનાવવાનો છે. આ સાથે જ મનીલામાં આસિયાન-ભારત શિખર સંમેલનનું પણ આયોજન કરવામાં આવ્યું છે, જેમાં વડાપ્રધાન મોદી સહિત અનેક વૈશ્વિક નેતાઓએ ભાગ લીધો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

PMModi QUADSummit DonaldTrump

Published by

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ