ન્યૂઝ અપડેટ્સ

logo

VTV / ગુજરાત / અન્ય જિલ્લા / ઉનાળામાં મળતી બરડાની કેસર કેરી ઓક્ટોબરમાં જ બજારમાં આવી, 10 કિલોના બોક્સનો ભાવ ₹4,000 સુધી પહોંચ્યો

ગુજરાત / ઉનાળામાં મળતી બરડાની કેસર કેરી ઓક્ટોબરમાં જ બજારમાં આવી, 10 કિલોના બોક્સનો ભાવ ₹4,000 સુધી પહોંચ્યો

Published By: Nidhi Panchal
Reported By: Jay Thanki

Last Updated: 10:47 AM, 18 November 2026

logo

FOLLOW ON

logo

શેર કરો

logo logo logo
article-logo

સામાન્ય રીતે ઉનાળામાં કેરીની મજા માણવા મળતી હોય છે, પરંતુ આ વખતે કુદરતનો અલગ જ મિજાજ જોવા મળી રહ્યો છે. શિયાળાની શરૂઆત અને દિવાળીના તહેવારો વચ્ચે જ પોરબંદરના બજારમાં પ્રખ્યાત બરડાની કેસર કેરીની આવક થતાં કેરીના રસિયાઓમાં ખુશી અને આશ્ચર્ય જોવા મળી રહ્યું છે.

ADVERTISEMENT

સામાન્ય રીતે કેસર કેરીની સિઝન ઉનાળામાં શરૂ થતી હોય છે અને કેરીના શોખીનો આખું વર્ષ તેની રાહ જોતા હોય છે. પરંતુ આ વખતે વાતાવરણમાં આવેલા પરિવર્તનના કારણે કુદરતે જાણે ઋતુનું ચક્ર જ બદલી નાખ્યું હોય તેવું લાગી રહ્યું છે. હજુ ઉનાળાને ઘણો સમય બાકી છે, ત્યાં દિવાળીના તહેવારો દરમિયાન જ પોરબંદરના માર્કેટિંગ યાર્ડમાં બરડાની પ્રખ્યાત કેસર કેરીની આવક શરૂ થઈ ગઈ છે. વર્ષના 10મા મહિનામાં કેસર કેરી બજારમાં પહોંચતાં સ્થાનિક લોકો અને કેરીના રસિયાઓમાં ભારે આકર્ષણ જોવા મળી રહ્યું છે. પોરબંદરના સુદામા ફ્રૂટ કંપની ખાતે ગઈકાલે કેસર કેરીના 21 બોક્સની આવક નોંધાઈ હતી. અત્યાર સુધીમાં માર્કેટિંગ યાર્ડમાં અંદાજે 150થી 160 બોક્સ કેસર કેરી આવી ચૂકી છે.

kesar

પોરબંદરના બરડા ડુંગરની કેસર કેરી પોતાની ગુણવત્તા અને સ્વાદ માટે જાણીતી છે. આ વખતે વહેલી આવક થવાનું મુખ્ય કારણ વાતાવરણમાં થયેલું પરિવર્તન હોવાનું વેપારીઓ જણાવી રહ્યા છે. બરડા ડુંગર વિસ્તારમાં આ વર્ષે વરસાદનું પ્રમાણ ઓછું રહ્યું છે. તેના કારણે કેરીનાં ઝાડને ગરમ હવા મળવાની સાથે ગરમીનું પ્રમાણ પણ વધારે રહ્યું હતું. પરિણામે કેરી સામાન્ય સમય કરતાં વહેલી તૈયાર થઈ છે. સામાન્ય રીતે પોરબંદરના માર્કેટિંગ યાર્ડમાં દર વર્ષે 25થી 27 ડિસેમ્બરની આસપાસ કેસર કેરીનું ઓપનિંગ થતું હોય છે, પરંતુ આ વખતે 10મા મહિનામાં જ કેરી બજારમાં આવી જતાં વેપારીઓ પણ આશ્ચર્યમાં છે. વેપારીઓના જણાવ્યા મુજબ શરૂઆતમાં 17 બોક્સની આવક થઈ હતી અને તે સમયે કેરીના બોક્સના ભાવ રૂ.10,000થી રૂ.14,500 સુધી પહોંચ્યા હતા. એક સમયે રૂ.14,000, રૂ.14,250 અને રૂ.14,500ના ભાવ બોલાયા હતા, જ્યારે બીજા નંબરની કેરીનો ભાવ રૂ.10,000 રહ્યો હતો.

ગુણવત્તા પ્રમાણે ભાવમાં તફાવત જોવા મળી રહ્યો

હાલમાં કેરીની ગુણવત્તા પ્રમાણે ભાવમાં તફાવત જોવા મળી રહ્યો છે. પ્રથમ નંબરની ઉત્તમ ગુણવત્તાવાળી કેસર કેરીનો ભાવ પ્રતિ કિલો રૂ.300થી રૂ.400 સુધી રહ્યો છે. એટલે કે 10 કિલોના એક બોક્સના રૂ.3,000થી રૂ.4,000 સુધીના ભાવ બોલાયા છે. જ્યારે બીજા નંબરની ગુણવત્તાવાળી કેરી પ્રતિ કિલો રૂ.150થી રૂ.200ના ભાવે વેચાઈ રહી છે. તેના 10 કિલોના બોક્સના ભાવ રૂ.1,500થી રૂ.2,000 સુધી રહ્યા છે. સિઝન શરૂ થવાના ઘણા મહિના પહેલાં જ કેરી બજારમાં આવી હોવા છતાં લોકો તેને ખરીદવા માટે ઉત્સાહિત જોવા મળી રહ્યા છે. રોજેરોજ 10થી 15 બોક્સની આવક થતી હોય છે, જ્યારે ક્યારેક એકાદ દિવસ આવક બંધ પણ રહે છે. જોકે, ગઈકાલે 21 બોક્સની આવક નોંધાઈ હતી અને આટલી વહેલી કેરીની આવક પોરબંદર માટે ખાસ બની છે.

ફ્રૂટ કંપનીના કેરીના વેપારી

પોરબંદરના સુદામા ફ્રૂટ કંપનીના કેરીના વેપારી નીતિન દાસાણીએ જણાવ્યું હતું કે, સામાન્ય રીતે અમારી પેઢીમાં દર વર્ષે 25થી 27 ડિસેમ્બરની આસપાસ કેસર કેરીનું ઓપનિંગ થાય છે. પરંતુ આ વખતે વાતાવરણની અસરને કારણે કેરી 10મા મહિનામાં જ બજારમાં આવી છે. બરડા ડુંગરમાં ઓછા વરસાદ અને વધારે ગરમીના કારણે કેરી સાતથી આઠ મહિનામાં જ તૈયાર થઈ ગઈ છે.
nitin-keri
શરૂઆતમાં 17 બોક્સની આવક થઈ હતી અને ત્યારે એક નંબરની કેરીના ભાવ રૂ.14,000થી રૂ.14,500 સુધી પહોંચ્યા હતા. ત્યારબાદ અત્યાર સુધીમાં કુલ 150થી 160 બોક્સની આવક થઈ છે. ગઈકાલે 21 બોક્સ આવ્યા હતા, જેમાં પ્રથમ નંબરની કેરી રૂ.3,000થી રૂ.4,000 અને બીજા નંબરની કેરી રૂ.1,500થી રૂ.2,000ના બોક્સદીઠ ભાવે વેચાઈ હતી. તેમણે આટલી વહેલી કેરીની આવકને વાતાવરણની અસર કે ચમત્કાર સમાન ગણાવી હતી.

ગ્રાહકનું શું કહેવું છે ?

બીજી તરફ કેરીના શોખીનો માટે પણ આ સમાચાર ખુશી લઈને આવ્યા છે. ગ્રાહક રાકેશ હરેશ મોનાણીએ જણાવ્યું હતું કે, સામાન્ય રીતે ઉનાળામાં કેસર કેરીની આવક થતી હોય છે, પરંતુ આ વખતે શિયાળાની શરૂઆતમાં જ કેરી બજારમાં આવી છે. 21 બોક્સની આવકમાંથી અંદાજે 10થી 12 બોક્સ પ્રથમ નંબરની ગુણવત્તાવાળી કેરીના હતા.
keri-grahak
આ કેરી પ્રતિ કિલો રૂ.350થી રૂ.400ના ભાવે વેચાઈ હતી, જ્યારે બીજા નંબરની કેરી રૂ.150થી રૂ.200 પ્રતિ કિલોના ભાવે મળી હતી. કેરી ખાવાના ખૂબ શોખીન હોવાથી તેમણે ત્રણથી ચાર બોક્સની ખરીદી કરી છે. તેમના જણાવ્યા મુજબ આ વહેલી કેરીમાંથી કેટલીક રાજકોટ અને કેટલીક યુકે પણ મોકલવામાં આવી છે. તેઓ દર વખતે જ્યારે પણ વહેલી કેરી બજારમાં આવે છે ત્યારે તેની ખરીદી કરી લે છે.

આ પણ વાંચો : સુરતના જૈન વેપારીનો અનોખો નિર્ણય, કરોડોની સંપત્તિ છોડી પત્ની અને બે દીકરીઓ સાથે લેશે દીક્ષા!

આમ, વાતાવરણમાં આવેલા ફેરફારના કારણે પોરબંદરના બરડા ડુંગરની પ્રખ્યાત કેસર કેરી આ વખતે ઉનાળાની રાહ જોયા વગર જ બજારમાં પહોંચી ગઈ છે. સામાન્ય રીતે ડિસેમ્બરના અંતમાં શરૂ થતી આવક ઓક્ટોબર મહિનામાં જ શરૂ થતાં કેરીના વેપારીઓથી લઈને ગ્રાહકો સુધી સૌ કોઈ આશ્ચર્યમાં છે. પોરબંદરમાં આવેલી આ કેરી રાજકોટ અને યુકે સુધી પહોંચી રહી છે. હવે આગામી દિવસોમાં કેસર કેરીની આવક કેટલી વધે છે અને તેના ભાવમાં કેવો ફેરફાર થાય છે તેના પર વેપારીઓ તથા કેરીના શોખીનોની નજર રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Porbandar Kesar Mango Early Mango Arrival Kesar Mango Price

Published by

Nidhi Panchal

media professional with nine years of expertise in frontline reporting and crafting compelling special stories.

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ