ન્યૂઝ અપડેટ્સ
VTV / સ્પોર્ટસ / Cricket / કેએલ રાહુલે ન્યૂઝીલેન્ડમાં પોતાની પહેલી ટેસ્ટ સેન્ચુરી ફટકારી, દેવદત્ત પડિકલ સાથે મળીને કિવી બોલર્સને હંફાવ્યા
Last Updated: 07:25 AM, 21 November 2026
ADVERTISEMENT
ભારત અને ન્યુઝીલેન્ડ વચ્ચે બે મેચની ટેસ્ટ શ્રેણીની પહેલી મેચ વેલિંગ્ટનના બેસિન રિઝર્વ ખાતે રમાઈ રહી છે. આજે (21 નવેમ્બર) મેચનો ત્રીજો દિવસ છે. ત્રીજા દિવસના બીજા સત્રમાં, કેએલ રાહુલે 203 બોલમાં તેની ટેસ્ટ કારકિર્દીની 13મી સદી ફટકારી. આ સદી સાથે, રાહુલે એક મોટી સિદ્ધિ હાંસલ કરતાં દક્ષિણ આફ્રિકા, ઇંગ્લેન્ડ, ન્યુઝીલેન્ડ અને ઓસ્ટ્રેલિયામાં ટેસ્ટ સદી ફટકારનાર પ્રથમ ભારતીય ઓપનર બન્યો.
ADVERTISEMENT
દેવદત્ત પડિકલની પણ મજબૂત વાપસી
રાહુલની શાનદાર સદી અને બીજા છેડે દેવદત્ત પડિકલના લડાયક 54 રનની મદદથી, ટીમ ઇન્ડિયાએ મજબૂત વાપસી કરી, એક વિકેટે 248 રન બનાવ્યા. ત્રીજા સત્રમાં બંને બેટ્સમેન ક્રીઝ પર હોવાથી, ભારત હવે વિરોધી ટીમના કુલ સ્કોરને વટાવીને મેચ પર નિયંત્રણ મેળવવા પર ધ્યાન કેન્દ્રિત કરી રહ્યું છે. રાહુલની ઇનિંગ વિદેશી ધરતી પર તેની પરિપક્વતા અને સંયમનો પુરાવો છે.
ADVERTISEMENT
કેએલ રાહુલ પ્રથમ ભારતીય ઓપનર બન્યો
કેએલ રાહુલ સેનાના તમામ દેશોમાં સદી ફટકારનાર પ્રથમ ભારતીય ઓપનર અને સમગ્ર એશિયનમાં બીજા બેટ્સમેન બન્યા. આ પહેલા ફક્ત પાકિસ્તાનના સઈદ અનવરે આ સિદ્ધિ મેળવી હતી. સેના દેશોમાં કેએલ રાહુલની આ 8મી સદી છે. આ સાથે, તેણે સેના દેશોમાં ભારતીય દ્વારા સૌથી વધુ સદી ફટકારવાની યાદીમાં દિગ્ગજ સુનીલ ગાવસ્કરની બરાબરી કરી લીધી છે. ગાવસ્કર અને રાહુલના નામે 8-8 સદી છે. વિરાટ કોહલી 12 સદી સાથે યાદીમાં બીજા ક્રમે છે, જ્યારે સચિન તેંડુલકર 17 સદી સાથે પ્રથમ ક્રમે છે.
ADVERTISEMENT
ADVERTISEMENT
આ મેચમાં, યજમાન ન્યૂઝીલેન્ડની ટીમ પ્રથમ ઇનિંગમાં 368 રનમાં ઓલઆઉટ થઈ ગઈ હતી. ભારતીય કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો.
સંકળાયેલા મુદ્દાઓ
Hiralal Parmar is a Senior Editor at VTV Gujarati, with 20 years of extensive experience in journalism.