ક્રિકેટ / વૈભવ સૂર્યવંશી OUT, સંજુ સેમસન IN... અજિંક્ય રહાણેએ ટીમ ઇન્ડિયાના ટોચના ત્રણ ખેલાડીઓ પસંદ કર્યા

અફઘાનિસ્તાન સામેની ત્રણ મેચની ટી20 શ્રેણી પહેલા ટીમ ઇન્ડિયાના ટોચના ક્રમ પર ચર્ચા વધુ તેજ બની છે. પંદર વર્ષીય વૈભવ સૂર્યવંશીએ ઝિમ્બાબ્વે સામે શાનદાર પ્રદર્શન કરીને પોતાનો દાવો મજબૂત કર્યો છે, પરંતુ ભૂતપૂર્વ ભારતીય બેટ્સમેન અજિંક્ય રહાણે આ સમયે વૈભવને ટોચના ત્રણમાં સમાવવાના પક્ષમાં નથી.

અજિંક્ય રહાણેએ તેની યુટ્યુબ ચેનલ પર સ્પષ્ટપણે જણાવ્યું હતું કે ભારતે આઇસીસી મેન્સ ટી20 વર્લ્ડ કપ 2026 માં રમનારા ટોચના ત્રણ ખેલાડીઓ સાથે આગળ વધવું જોઈએ. તેમના મતે હાલમાં ટીમના બેટિંગ ક્રમ સાથે પ્રયોગ કરવાની કોઈ જરૂર નથી. રહાણેના મતે અભિષેક શર્મા, સંજુ સેમસન અને ઇશાન કિશન ટોચના ત્રણ બેટ્સમેન હોવા જોઈએ.

અજિંક્ય રહાણેએ કહ્યું, "મને લાગે છે કે ટોચના ત્રણ એવા બેટ્સમેન હોવા જોઈએ જેમણે વર્લ્ડ કપમાં રમ્યા હોય." રહાણેએ સંજુ સેમસન મામલે પણ પોતાનો અભિપ્રાય વ્યક્ત કર્યો. તેમણે કહ્યું કે સેમસનએ ટીમ માટે સારું પ્રદર્શન કર્યું છે અને થોડી ખરાબ ઇનિંગ્સ પછી તેને બહાર કરવો યોગ્ય નથી. રહાણે ઇચ્છે છે કે વિકેટકીપર-બેટ્સમેનને બીજી તક મળે.

આ પણ વાંચોઃ રમત / હાર્દિક પંડ્યાની એન્ટ્રી, BCCIએ આ સીરિઝ માટે ટીમ ઈન્ડિયાની કરી જાહેરાત, જાણો કોને લેવાયા?

સેમસનને બીજી તક મળવી જોઈએ: રહાણે

અજિંક્ય રહાણેએ વધુમાં કહ્યું, "સેમસને સારું પ્રદર્શન કર્યું છે, પરંતુ બે કે ત્રણ ખરાબ ઇનિંગ્સ પછી તેને બહાર કરી દેવામાં આવ્યો હતો. હું ઇચ્છું છું કે તેને બીજી તક મળે. અભિષેક અને ઇશાને પણ સારું પ્રદર્શન કર્યું છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ