ન્યૂઝ અપડેટ્સ
ન્યૂઝ અપડેટ્સ
VTV / બિઝનેસ / સોના-ચાંદીના ભાવમાં મોટો ધડાકો: એક જ અઠવાડિયામાં સોનું ₹3,000 સસ્તું થયું, જાણો આજના ભાવ
5 ફોટો ગેલેરી
Last Updated: 06:10 PM, 13 September 2026
FOLLOW ON
શેર કરો
1/5
વૈશ્વિક બજારમાં ડોલરની મજબૂતી અને ક્રૂડ ઓઇલના ભાવમાં થયેલા સતત વધારા વચ્ચે ભારતીય બુલિયન માર્કેટમાં સોના અને ચાંદીના ભાવમાં મોટો ઘટાડો નોંધાયો છે. છેલ્લા એક સપ્તાહ દરમિયાન 24 કેરેટ સોનાના ભાવમાં લગભગ 2 ટકા એટલે કે પ્રતિ 10 ગ્રામ દીઠ ₹2,946 નો તીવ્ર ઘટાડો જોવા મળ્યો છે. સોનાની સાથે ચાંદીના ભાવમાં પણ નોંધપાત્ર નરમાઈ જોવા મળી છે. જોકે, કિંમતોમાં ઘટાડા વચ્ચે દેશના રત્ન અને આભૂષણ (Gem & Jewellery) નિકાસમાં 12.52 ટકાનો વાર્ષિક ઉછાળો નોંધાયો છે.
આ તસવીર શેર કરો
2/5
ઇન્ડિયા બુલિયન એન્ડ જ્વેલર્સ એસોસિએશન (IBJA) ના આંકડા અનુસાર, 24 કેરેટ સોનાનો ભાવ ઘટીને ₹1,51,938 પ્રતિ 10 ગ્રામ પર પહોંચ્યો છે, જે વિતેલા શુક્રવારે ₹1,54,884 હતો. આ હિસાબે માત્ર 7 દિવસમાં જ સોનામાં પ્રતિ 10 ગ્રામ ₹2,946 નો ઘટાડો નોંધાયો છે. આ તરફ વાયદા બજાર (MCX) પર પણ સોનું ગગડીને ₹1,52,655 પ્રતિ 10 ગ્રામ અને ચાંદી ₹2,34,886 પ્રતિ કિલોગ્રામના સ્તરે બંધ રહી હતી. આંતરરાષ્ટ્રીય સ્તરે કોમેક્સ (COMEX) પર સોનું 1.29% ઘટીને $4,350 પ્રતિ ઔંસ અને ચાંદી $63.63 પ્રતિ ઔંસ રહી હતી.
આ તસવીર શેર કરો
ADVERTISEMENT
3/5
મધ્ય પૂર્વમાં વધતા ભૌગોલિક તણાવને કારણે WTI ક્રૂડ ઓઇલના ભાવ $104 ને પાર પહોંચી ગયા છે. મોંઘા તેલને કારણે વૈશ્વિક સ્તરે ફુગાવો વધવાની ચિંતા વધી છે.
આ તસવીર શેર કરો
4/5
અમેરિકામાં ઓગસ્ટ મહિનાનો સીપીઆઈ મોંઘવારી દર 3.4% આવતા અને ડોલર ઇન્ડેક્સ 99.12 ના ઉચ્ચ સ્તરે પહોંચતા ગોલ્ડ માર્કેટ પર મોટું દબાણ ઊભું થયું છે.
આ તસવીર શેર કરો
ADVERTISEMENT
5/5
બીજી તરફ, રત્ન-આભૂષણ નિકાસ પ્રમોશન કાઉન્સિલ (GJEPC) ના અહેવાલ મુજબ, ઓગસ્ટ મહિનામાં ભારતમાંથી જેમના નિકાસમાં 12.52 ટકાનો વધારો થયો છે અને કુલ નિકાસ ₹21,945.87 કરોડના સ્તરે પહોંચી છે, જે ભારતીય જ્વેલરી ઉદ્યોગ માટે રાહતના સમાચાર છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
